¹ Dia ngge hidda ata ha wo'iya na Yusuf ka ngindiwa ne tana mesir ka batta piawi ne mbarrana Potifar kapala majaga Firaun. ² Na Myori kanna tuluwi Yusuf nya kanna dadi ngarra kuwai pappa willina. kanna Yusuf kana dangngi ne ummana pa ama ata mesir a wo'iwa. ³ na potifar lengnganappa etawa na Yusuf banna tuluwi na Myori monno banna padadi timbu kuahndi pappa willina. ⁴ Ka dukkiwe ngge, na Potifar kanna manawarai na Yusuf monno kanna dekewa bah ata pappa wede dounai monno kanna keketa baka kapala ngge ne umma monno ngara kuwa potena ha waina ne umma lappatta a ne'ina hitti nggounga. ⁵ Lengnganappa keketa na Yusuf banna kapala ge ne umma monno ngara kuwa potena na Potifar, na Myori Allah nappa maringngiwi ngarra kuwa Douna Potifar ha waina ne umma lappata ngara kuwa douna ha ne'ina hitti ngounga mareda dana. Na Myori Alla banna pama ringngiwi ngara kuwwa douna Potifar oronawe Yusuf. Na Potifar kanna yawi kaloga monno patagu ngarra kuwa ne mbarra Yusuf. Ndai bana pappa ngeda na waddeka nyakido pappa ngeddana bah appawe wukkunapa ngaana. V 7 Na Yusuf na ndua monno na kabola takka. lennga nappa mandoiwe, na allu ummana na Potifar kanna gillakai na Yusuf monno kanna mbei, nyaka hinnage mbarra Yusuf, "meiyau kau ndura dengngaga." ⁸ Na Yusuf danna deku kinna patekkina na allummana Potifar, nyaka hinnage,"napa ama na bohti ngguwa gadi barragu a wa'ina ne umma monno nggounga. ⁹ ndaiki ata ha seipa ngga boto gu ne ata ha waina ne umma. Monno ndai pongngu ki potena pamma nawwarana dapa yana ngga, wo'i kidona dappa yanaga malla bah minne dona nggu. Peikoana bakku dappa rawingge ne parawi nda ndua mbarra mu monno nea salh mbarra Myori Allah?" ¹⁰ laka nda peiwa pongngu kona na minne na Potifar banna elletai akkala na Yusuf ia loddo ia loddo, takka na Yusuf ndana nauki pa ndura denggawi. ¹¹ wa'i ngge happa iya loddona, na Yusuf kanna tama ne umma kanna pawilli ndi pappa willina monno ndaiki olena ne umma. ¹² Nyaka na Allu ummana Potifar kanna wenda ne kalambe Yusuf monno kanna tongnguwa, hinna ngge "meiyau ka ndura dengnga ngga." Takka na Yusuf dan nauki kanna ngettana kedu ne nggounga monno nekalambe enga nge ne limma detana minne na Potifar. ¹³ Nyaka na minne na Potifar banna etawa na Yusuf banna kedu ne gounga monno ne kalambena bana nggaige ne limma detana minne Potifar. ¹⁴ Nya kanna kadengnga kuwadi hidda ata ha waina nenggounga, nyaka hinna ngge,"eta dowa! ata papa wede ha wali Ibrani ha wa'ina ne banna beige wai wago da. na tama ne umma na beige ndala dengngan ngga, takka kukawissaka ngga. ¹⁵ Orona kawissakagu kanna mandauta bana kendu, dia kanna nggai ge ne kalambena barragu." ¹⁶ Nyaka ne kalembe Yusuf kanna bondala dukkiwe laina la'ina Potifar banna wali. ¹⁷ Nyakanna tekkina la'ina, hinna ge, "na ata pappa wede Ibrani pa ngidimu newe nambeige bokala dengnga ngga! ¹⁸ Takka, banna beige mbarra ngga, ku kawissakaga nyakanna kendu monno kanna nggaige kalambena barranggu." ¹⁹ Lengnge napa rengngepa patekkina minnena, nya kanna mbuttu ate na bani langngu takka. ²⁰ Dia kanna woppa na Yusuf kanna patamawi gollu, ne gollu pandouda gobba - gobbana tokko, ne nahwe pandou ndangngi wa'ina Yusuf. V 21 Na Myori enga kodo irru nawi monno enga bohwona ndua atena mbara Yusuf, di'a ngge na kapala ata gollu dana kanna mbeiwi na Yusuf. ²² Na kapala ata gollu dana kanna keketa Yusuf banna kapala kuwa ndi ngarra ole gollu danana. ²³ na kapala ata gollu dana kanna botiwi mboto na Yusuf banna urusai ngarra kuwa neina gollu dana. Ngaraa kuwa na dadi oro dona na Myori banna pama ringngi pama lalawa Yusuf nia kanna dadi timbuwi ngara kuwa papa willina.