¹ Ne a pa ia lodona,Dina, anana lea monno Yakub alousa paetawi mawinne-mawinne ne wanno ndana. ² Niaka etawa Sikhem, anana Hemor ata Hewi morina ne wanno. Sikhem nama rengngani Dina ba kana ndala dengngani. ³ Monno nama kettewe a tena barrana Dina, ni'aka engngage manawarana mbarra na bu'wa winne. Sikhem napa oudangge manawarana mbarrana na bu'wa winne. ⁴ Kahinnage Sikhem mbara amana, " Tulungga ama nama winne kaku dekewa ba olebeikanngu hinna." ⁵ Yakub napandengge na Sikhe na bokala dengngani Dina, anana. Orona, ngara kuwa ana kabanina ba ne'eindi a'kan'ndi rangan neme mare'nda dana, niaka ndakkipo parawina appa-appa na remandi ana na mba wali. ⁶ Mbage, amana Sikhem, Hemor , nettini atakboka Yakub kako tekkina tumana Dina mba hinna. ⁷ Mbalengngana parengngewe ana-ana kabanina Yakub tutuna Dina, ni'awe kangettana mba wali orona mba buttu ate dengngage Sikhem bana pamakewe Israel orona mba ndala ndengngani anana Yakub Dina Orona ne'a hinnana ndana tubakiwe bana maraiwe hinna. ⁸ Takka, na Hemor kahinna'ndi,"Atena Sikhem nata mbolaka mbarra na Dina. Nga'i kuni Sikhem kana dekewa mbama winnenai hinna. ⁹ Mainda kata pakete wekkina. Nyamandi ana mawinne mi yemmi mbarra ma yamme monno ana mawinne ma yamme mi nekiwi yemmi. ¹⁰ Orona ne'ahinna, Yemmi monno yamme engngage bata mbarra, niaka ne wanno, wanno ndok'nbadawe , ndangngikuwimi, ma dangga ku wimi, monno pakuwaku'ndi potemi awalina ni'a. ¹¹ Kahinnage Sikhem arona amana Dina monno ngara kuwa ana-ana kabanina, mba engngadoge mba de'imbaga, ne Yowa kuliwe ngarra kuwa nawe pamba'i atemi. ¹² Denggi paluwakona mbarranggu apawe pawu'ku padengngimi ne Yowa ku yamindi. Niakido mba nyangai na na bua wene kamma winnengguwi." ¹³ Niaka walewe anana Yakub oro ba bokala denggani wottonda, niaka hid'ndage Sikhem monno Hemor amana akedengge ne ama rawi. ¹⁴ Niaka hid'ndage, " Danna rawikingge; Ne Yamme kaina ndamma nyakaikiwa wottoma mbara kabani ndandekuge pata sunat mala ne ahinnana pasala denggawe. ¹⁵ Niakido mbama nya kaloga ne mbadeku dongge pata ma yamme monno ka pa pera dengnga mawe patama nga'i ngarra kuwa ata kabani nga'i kanna Sunat. ¹⁶ Orona mbahinnawi, ata-ata mi yemmi ma dekewi yamme monno mawinne anami yemmi na dekewi ana kabani ma yamme, niaka ne yamme ka engnga ma nembarrami monno ka i'a 'nda wanno. ¹⁷ Takka banda dekku konnge pata Suna, ne Yamme ma dekke mbaliwa Dina anama. ¹⁸ Nepata ahinnana adeimba aduwawe Hemor mba'nda Sikhem, anana. ¹⁹ Na bu'wa mane, ata papa akawa ne ma'ndi'ina amana ndana taukingge rapana bana pawillige orona mbana mbe'itakkani namawinne anana Yakub. ²⁰ Hemor mbada Sikhem ka nit'ti'ndi atekiwe ne'e wanno ndana mbarrana kabani-kabani ngarra kuwa'nda. ²¹ " Hik'nda ata a be'ige mbaka duwa dengngani hito, niaka bahinnako, hid'nda ata kandangngi ne wanno'nda monno ka dangga waina mala ne wanno'nda natutu pongngu po ngelara na tuma hid'nda. Oro ahinnana ne hitto ta ndeke nda'ndi ana mawinne'nda hik'nda monno ana mawinnenda hitto kadekewi hik'nda. ²² Niakido, pata padengngi'nda ata mba mbeige toleka ma renga dengnga'nda ne hitto nga'i ka ia wanno 'nda mba hik'nda : Ngara kuwa ata kabani'nda hito nga'i ka Sunat a hinna kaina hid'nda. ²³ Oro mba hinna we ba neme ngara dou'da, poteda, monno ranga-ranga'nda wadeka mba tora nda'ndi hiito? Niaka, Hinna kowe mai'nda kata de imbawe ne pata nga'i ka engnga'ndi ne wanno'nda." ²⁴ Ngara kuwa kabani a walina ne wanno a deimbawe ne patekida Hemor mbada Sikhem, anana. Niaka, ia kabani ia kabani ne wanno ka Sunat ndob'ba wali a louso wanno ndanana. ²⁵ Tou'da lodona ama lawe, ata pa Sunat mba enga poda karok'duka. A dwada anana Yakub, Simeon mbada Lewi, pandengge mbaengngapudi a maula wek'kida, niaka netindi hitti wanno ndana kapamate kuwawi kabani ne'e wanno ndana. ²⁶ Monno apamate kaiwa Hemor mbada Sikhem anana. Mbage, kadekewa Dina lousa wali wa'i ummana Sikhem. V 27 Ana-anana Yakub netindi hitti wanno dana mba kedu ngarra kuwandi awaina awaina uma'nda, orona bawai'ge parawina na Sikhem mbarra wotona anana Yakub. ²⁸ Niawe ngara ana-anana Yakub a ngindi kuwawi ranga'nda monno douda wadeka awaina ne wanno ndana lapata omadana. ²⁹ Angindi kuwawi ndo'u nda hitti ata. lapata ama rengnga dommo ndi mawinne-mawinne'nda monno ana-ana'nda. ³⁰ Takka, kahinnage Yakub mbarra anana Simeon, mbada Lewi, " Ne yemmi mi ya pongnguga karo'uduka ategu. Ngarra kuwa ata ane ena ne wanno abuttinda ate, ata Kanaan monno ata Feris enga patou dengnga da'ndi, monno ne yowa engnga modagu monno ngara kuwa ne hitto enga moda dengnga mingga ne Yowa." ³¹ Takka kahinnage Simeon nba'nda Lewi, " Peina tangga'indi hikda mbarrawinawe wotto nda mba pa nga'i ata sundala lani? Mbarawi dongge a salah mbarra na wotto'nda!"