¹ Yakub na eta Esau mba ammi'i. ESau monno pata ngngau Kabani-kabani. Nyaka, Yakub na mbawewi umma katongana pata kasumbu'nda. Lea monno anana i'a kasumbu'nda, Rahel monno Yusuf i'a kambu'nda, monno a ndwada ata papa wede mawinne monno ananda 'ndwada kasumbunda. ² Yakub napa dedewi a ndwada mawinne papawede monno ana-ana ne nyaro. Mbage, Lea monno ana-ana nekdi lira. Rahel monno Yusuf ne'a wakdi kaduppuna. ³ Yakub na dede ne nyaronda. Tengngara kakona arona Esau, nyakanna kawodo na dukki tana pittu wuda. ⁴ Ne mbanna eta Esau na Yakub, na ngettana takboka. Nappa ndabawi limma monno nawaponai bukkuna Yakub kanna dekkiwa. Bage, a'ka ngi'o dokba. ⁵ Ne banna keketa matana Esau, na etawi mawinne monno ana-ana. Nyaka hinnange , " Garraidi nekda ata papa lolo ndengngamu?" Na wale Yakub, hikndadona ana-ana panyanaga Maramba Allah nebarragu." ⁶ Mbage, a dwanda Mawinne papawedena Yakub Monno ana-ananda kako arona Esau kaka wo'ndo arona. ⁷ Mbage, Lea monno ana-ana nittidi barra Esau monno aka wo'ndo. Amurri Rahel monno Yusuf kako paka wo'ndoni Esau. ⁸ Hinnage Esau," Peina pangekdamu barra heinda ata patakbokagu monno pakodongu nena?" Wale Yakub, " Ne nyawe panyagu mbarramu nga'i ka dimbawaga deiba'i." ⁹ Nyapo, Hinnage Esau " Nda nyakipo munyakuwagadi torramu ne mbarragu, angnguwa. Ne Yowa na tutukainba." ¹⁰ Hinnage Yakub, " Indaki, Ne Yowa kuka lairogu ne'nba engnga doge wubetti-bettiwu mbadimbawaga, nga'i ka dimba'i pangindigu monno panyagu barramu. Kuka la'nda ate balina etago matamu. Pangaige Mata Maramba Allah. Ne Yowa kuka la'nda ate ne yok'u mba dimbawaga. ¹¹ Nebahinna, kuka lairogu dimba'i hei'nda payagu. Maramba Allah naduwa langngu takka mbarragu. Mbanna nyapa seipaga we awali nepa kambugu." Orona Yakub mbanna kalairo tetakkani ESau dimbagadi payagu, nyaka na Esau kanna dimba'i. ¹² Mbage, " Hinnage Esau, " nebahinna'a, pakitage pakakomu. Ne yowa ku ullu pakako." ¹³ Nyawe, neka bahinnage Yakub, " Mu pande garra kuwadi ana-anagu mba 'ndopana. Monno, yowa kumattaradi kambak'ba'nda rangagu monno ana-ananda. Pa'pa ngettaku a'ba soka'i ne'a marrona againa ne lod'ndo, ngarra kuwa ranga mate mba'nda. ¹⁴ Nebahinna,kako ullu ku. engnga dogebakku deku lirami ba ngarre-ngarre dengnga madi sapi monno ranga ma wakdeka ka so'u, Monno ana-anagu kada doppakana. Enga pa dukkidoda ne Seir." ¹⁵ Nyaka, Hinnage Esau, " Nebahinnawe, ku pa danggngi wakdeka olegu katulu migi." Takka, Na wale Yakub, " Ne yok'u allu allu lolo mba duwamu nebarragu. Da rai dommo kage." ¹⁶ Nyako, ne lod'ndo na kako wali bali Esau ne Seir. ¹⁷ Takka, Yakub itti ba'i Sukot. ne'e nyawe, napa dedewe a buk'u umma douna monno gollu pa do'unda rangana. Nyaka ne'e pado'u kanna pangarage Sukot ¹⁸ Yakub napa dukkage kakona wali Padan-Aram lappata ne wanno Sikhem, natuma tana Kanaan dakki appa-appana. Nyaka nappa dede karekana ne'e omma ndana mbarra wanno. ¹⁹ Nyaka kanna wok'i'e tana sodika a wellina ngngou kabid'ka omma tupa pa do'u karekana wali ngarra kuwa umma katongana Hemor amana Sikhem. ²⁰ Nya kanna padedewa ia aturah tutu pade'ika wunda dengngani Maramba Allah. Nyakanna pangarage pado'u "El, Maramba Allah Israel."