¹ Yakub na ng'ige ne'e pa do'u. Ne'e lara ndana, ammi 'ndi papalewanna Maramba Allah tabbokka. ² Na etawi Yakub, Hinnangge Yakub, " Ne'e Pando'u, mandi'i na Maramba Allah!" Nyakanna, pangarage Yakub Mahanaim. ³ Anggu'wa na Yakub, Esau, enga wa'i kai ne lad'ndakana Edom papangara'nda Seir. Yakub napa tuka'ndi ata mbarra Esau. ⁴ Hinna'ndi, " Lummuge mbarrana morigu Esau: ' Engnga wa'i Yakub mbarra Laban ne ndo'u-ndo'u ne'e. ⁵ wa'i'ndi Sapigu, Keledai, kanguttu ranga monno ata papawede a luwana. mori, kupangindigo ne pana'u nga'i ku ndei'mbama. " ⁶ Wali mba'nda ne'i'nda ata papatukada mbarra Yakub monno hid'ndage, "Wali mbamma mbarra anguwamu Esau. Ammi nduwi a tabbokawu. Wa'indi pata ngau na kabani mbarrama." ⁷ Yakub nama ndauta lanngu takka. Monno na ta'u atewe na bawa'i atana, kambab'nba mbe'be monno unta-unta na ne'e paduwada kabak'bana. ⁸ Yakub napa ngekdage, " Ammiku Esau mbanna papamatewa ia kabak'ba, monno wa'i pundi ia kabak'ba a eka kendu mbakba so'u wekkina. ⁹ Mbage, Hinnagge Yakub, " Maramba Allah amagu, Abraham! Maramba Allah amagu, Ishak! Mori, Ne Yo'u mupa newe ne mbarragu ku walige ne wannogu monno mbarrada ole nda'ndigu. Ne Yo'u lummuge mu raige ne'a nduwa mbarragu. ¹⁰ Ne Yo'u ndanna tukbakiwe mu deiba ngarra kuana ne'a duwa papatutumowaga mbarragu. Netti ponna mbakku palawi loko Yordan nyakidona tokko limma detagu, takka mbahinna ne'e, wa'idi heida dougu a tutu kakku pali'i eka'ndi ndwada kabak'bada kalada. ¹¹ Ku kalairogu mbarra-Mu papasowuwangga wali mbarra angua nggu, Esau. Ku madauta ngga ammi kuwi mbanna pa matekuwama lappata mawinne-mawinne monno ana-ana nda. ¹² Mori, lummungga mbarragu, Engage ne Yo'u mu rawingge ne a duwa mbarragu. 'Ku pa u'waradi ole katonga ndanamu monno haida ana-anamu appa gai'na laingo nirri mbonnu. Ndappa pareke mbawi." ¹³ Yakub na takdona ne'e pado'u . Nappa ndinaka'i appa-appawi kungngu papayana mbarra Esau . ¹⁴ Nyaka kanna dedewi nduwa nga'u simbi be'i monno dwada kabullu simbi mane, dwada kabullu nga'u mba'be be'i monno dwada kabullu mbe'be mane. ¹⁵ Na dedewi touda kabullu unta be'i monno ana-anada, pata kabullu lembu monno kambullu sapi mane, dwada kabullu keledai betina monno kambullu keledai mane. ¹⁶ Na yadi ngarra kuwa kanguttu ranga mbarra da heida ata-atana papawedena. Mbage," kahinnadi pali eka'di kabak'ba do'u kabak'ba do'u. Kako ullukumi monno rawin'di tetdi 'da" ¹⁷ Yakub na yadi tetti i'a tetti mbarrana ata papatukana kabak'ba kaina na tekki dawe, "Wa'i kuni Esau anguanggu a ammina mbarrami mobbo na tuwa ko, 'Garra pote nadi heida? gege kako wa'imi? Garra ata namigi? ' ¹⁸ Limmige walekowa, 'Pote nadi Yakub. Papa ngindi nanggudi mbarra mu, Esau. Monno nya ammi ka'idu nemmi lirama." ¹⁹ Hinna dommodi Yakub heida ata papawedena a dwada, a kato'udana, monno garrakuwa ata papawedena. Hinnadi, " Takbokowa Esau limmi kuwage mbi tekkiwe mbarra Esau. ²⁰ Limmi dommoge, ' naida nyabai toramu monno ammikaidu Yakub nemme lirra ma." Napangeddage Yakub, " Ku patuka ku'di haida atagu mba kako ullu ngindi wi haida torona ESau notoge napa derra waga monno na dimbawaga." ²¹ Nyaka, Yakub nappa ngindi di torana Esau, takka engawinya ne'e kareka ndana. ²² Ne gedde mema pongngu, Yakub kedde bana monno na laiko wi haida ole ummana a dwada , a dwada mawinne papawedena monno kabullu ia ana kabanina pala dobbawi loko Yordan. ²³ Lenggana patukadi ata ummana palawi loko, Yakub napangindidi ndou'na ne bali loko. Apagok'bana Monno Maramba Allah ²⁴ Nyaka, dangngi kanuwa mbana Yakub, monno wa'ini ia lakawa kabani a aminna monno na papote wekki denggani. A papote wekkina Yakub bi'a na o'uda loddo. ²⁵ Orona na ata mba danna taluwa yakub, napaluwanai pu'u kengana Yakub, monno nappa tambillukanai. ²⁶ Mbage na ata hinnage Yakub, "nga'i koga kakku kako waga orona na o'uda bana loddo. Takka, hinnage Yakub, " Dakku pasella ki'u mbadu pamaringngi mbelli kowaga." ²⁷ Na ata hinnai Yakub, " ngarra ngaramu?" Na wale Yakub, " Ngaragu Yakub." ²⁸ Mbage, na ata hinnage, ngarramu ndanya ba Yakub, takka Israel. Orona yok'u mu papote dengngamba'i Maramba Allah monno ata takkamu mennangngo." ²⁹ Mbage, na Yakub nama tuwa," tekki gawe ngarrage ngaramu." Takka, na ata hinnage, " Appa kutuwaga ngarragu?" Mbage pamaringgiwa Yakub ne'e padouna. ³⁰ Mbage, Yakub napa ngarage ne pado'u Peniel. Hinnage, " Nyaba pado'u pa eta wai'igu Maramba Allah , takka engage mbakku toleka." ³¹ Mbage, Na o'uda mata loddo mbanna lawi we Peniel. Yakub nakabessoka orona na kengana napa selena. ³² Nyaka, dukki ne loddo, ata israel da nga'a ki kana'a a todi we pu'u kenga, orona nenya kaiye a manu'a nai Yakub.