¹ Newe apa i'a loddona, Yakub na renggewe patekkida anana Laban. Hinnawe patekkida, " Nawa Yakub nadeke kuawi do'una na ama'nda. Nenya nbana pote oro'da potena ama 'nda." ² Na, Yakub na etawe patana Laban monno ndana pangekda ullu kingge. ³ Hinnage Mori mbarra Yakub," Wali mbaliwu ne'e tana pado'u nda'ndi wa'imu, pado'u dangngi wak'ida Inna kawedamu monno ne yowa engngage mbaku pamaringngiwu." ⁴ Nyaka, na Yakub napa tukadi ata nga'i katek'idawe Rahel monno Laban nga'i kara'i oleni ne'e marek'da dana, pa do'u dawa wa'i oleda simbi monno mbe'be da. ⁵ Hinnage patekkina Yakub mbarra da, "Newe Yowa ku etawe patana amamu da hinna mbawe a ulluna tuba to'u gu. Takka, Nawa Ama Maramba Allah engage mbanna pama ringngiyaga. ⁶ Yemmi a dwada mi pandege newe yowa ata apawilli lango takkana ga'a duwa tora tangguda amamu. ⁷ Hinna mowe na amamu na akkalaga. Nenya napa kabullu kaballeka mbana wungnga gadi toragu. Hinna mowe, Maramba Allah na olega orona parawina Laban. ⁸ Amamu na tekki mbabawe, ' Ne yemmi ndekewi ngara kuwada simbi a ngokkona. Hidda bana tora tagumu.' Napa tekkiwe, ngara kuwada rangan a pada'ndi na simbi gokko, mba deku koge do'u bagudi yowa. Hinnawe, Patekkina Laban,' Ne yowa ku pattuwa simba gokko. Ne yemmi kole ku'adi simbi ama tiri wekina. Newe nyaba'i tora tagumu.' Hinnawe na ba'pa tekkiwe, ngarra kuwa ranga a'pa dadi'ndi simbi a matiri. ⁹ Hinna mbana Maramba Allah mbana ndekewi ranga a wali mbarrana amamu monno mbanna ya'a gudi yok'u ¹⁰ Na dukkiwe rapa malala'da ranga, ne yowa ku kanang'ga nippi ku etawa na simbi mane nyakidona amatiri wekkina monno a gokkona amalala. ¹¹ Ne kanang'ga nippina, napapalewana Maramba Allah na tekkiwe mbarragu, ' Yakub!' Ne Yowa kuwalewe, 'we'. ¹² Papalewa Hinna patekkina, 'Etawi, ngarra kuwada simbi mane a'malala dengadi amatirri monno a gokkona. Newe Yowa kurai'ge ngara kuwana orona mbaku etawi ngarra kuana parawina Laban tuba to'umu. ¹³ Yowa dona Maramba Allah a m' mbarramu ne'e Betel. Ne'e, yemmi mi rai'na pado'u atura monno nam'a legawe wee lengi nee ponnuna, monno na raina kira dadi mbarragu. Neba hinnawe, Yowa ku bei'ge wali bali ne'e wanno pado'u dadi wa'imu." ¹⁴ Na Rahel monno Lea awale'a Yakub," Ama, ne yamme da ya'akama apa-apa dukkiwe mbanna mate. ¹⁵ Ne Yamme napa tukdama ata ama'i. Ne nya abatta maga yamme barramu, monno wa'i kua'di ngarra kuwa riti mba deku'kundi tora tagu man'di yamme. ¹⁶ Na Maramba Allah na deke kua'i potena manak'na a wali mbarrana ama'da, monno ne'e mbahinna tora tagu monno ana'da do'u mbada'di ito.Nyaka, ne yemmi rawi koge ngarra kuwana mba apawe patekkigu ne'e mbarramu." ¹⁷ Nyaka, na Yakub kakku palegewe kako mba hinnage . Na botiwi anana monno mawinnena ne'e ponnu be'do da unta-unta. ¹⁸ Ka mbage, ngarra kuwa a kako ne tana Kanaan, padanggi wa'ina amana. Ngarra kuwa oleda ranga do'una yakub a kako ne aroda. A gindiwi ngarra kuwa pakoleda ne'e againa mba dangngi ne'e Padan-Aram. ¹⁹ Na Laban na kako mbana kikkira'i wullu mbe'bena, Rahel na tama umana monno na kedu'di 'ngarra kuwana pa nomba do'uda ama'da. ²⁰ Yakub nama kedeni Laban, ata Aram. Ne nya'a ndanna tekki'kina Laban tubana mbanna kako. ²¹ Yakub na kako monno na ngindi kuwawi anana monno ole ummana monno ngara kuwa do'uda. Hida a pala'i loko Efrat monno a kako na aro ne'e kabuduka wanno Gilead. ²² To'uda loddona a'marawi, Laban napa ngekdawi Yakub netti ba'i a'kedu. ²³ Nyaka nappa kuwadi ata monno a ellewa Yakub. Na dukkiwe ne'a a pittu loddona, Laban na takboka yakub ne'e mbarra kabuduka Gilead. ²⁴ Ne gekde Maramba Allah na'ma'i barrana Laban ne ia kanamba nipina monno hinnawe, " Ma'ga wekkina ne a'ia patekkimi a'aro mbarrana Yakub." Na ellewi pado'u ba'ra marapu pakedu'da ²⁵ Koka kappugek'dena, Laban na takboka Yakub. Yakub ne'e'i a'pa dedewe kareka ne'e ponnu kabuduka Gilead, takka Laban monno ngarra kuwa ata ne'e i dodbadi apa duwa kareka ne'e kabuduka ahinna dodbana. ²⁶ Hinnawe patekkina Laban mbarrana Yakub," Peina ne'e yok'u kama kedewu? Peina ne'e yok'u ku deke ga'di anagu angga'ina we mbapa tudda'di lakawa palummu? ²⁷ Peina ne'e mba kako kanda tekki pongngu koga? Nyaka ne mba tekki koga Yowa kuraige paga'a dengnga tubamu. Wai dommodi dodo monno nego pangngu dungga. ²⁸ Takka, ne yemmi dapa sella wa'ga ana um'bugu mu dekiwi monno limmige kako kumi nano. Ne'e yemmi tekki du'a we! ²⁹ Ne'e Yowa papaboto tubana mbaku pakarodukau. Netti male gedde na Maramba Allah amamu na ma'i mbarragu ne'e kanangga nipi ndana. Ne nya napa lolongga mbarragu ga'i kandana paka rodukakawu ne pata da hinna'na. ³⁰ Ne Yowa kupandege ne yemmi mba be'ige wali ummana amamu. Mbaka hinnako kakomi. Hinnamowe, nekakedugadi hidda pa bara monno panomba ne'e ummagu?" ³¹ Na wale Yakub, " Ne Yowa ku kako da'iki pa tekki wa'i gowe oro mada'utago. Yowa kupageddage ne yemmi mi dekewi buttu atwi anami ane'ina barra'gu. ³² Hinna mowe, ne yowa ndakku kedu kindi hiddi pabarami a erri. ne mba rengngakowa na ata apa lolo dengngaga a dekewi hidda pawaimu ne mbarrana, ndekewi. " Hitti pona Yakub ndanna pandi kini Rahel mba nya kedudi pawa'i errina Laban. ³³ Na kako Laban monno napa retawi ngarra kuwa karekana Yakub. Na etawe ne mawona nyanana Yakub monno nee mawo ndana na Lea. Ka mbage na etawi a dwada lakawa mawinne papa wede ne'e mawo ndana, takka ndana takbokaki pa wa'i errina a wali umma na. Nyaka na tama ne'e mawona Rahel. ³⁴ Rahel na burri'di pa wa'i erri nee kappe ndana' na unta mba kanna mandi'i ponnuna. Laban na wegawi ngarrakuwa mawo, takka danna dongguraki wi. ³⁵ Hinnage Rahel mbarrana Amana, " Ama, ndu bani kang'ga. Ne Yowa ndaku pawessiki mbaku dede ne oromu, oronawe baku leduna wulla." Nyaka, Laban na elle kuwawi ngarra kuwa mawo, takka ndanna takbopakitaki. ³⁶ Yakub na buttu ate langngo takka monno hinnawe patekkina. Appa memawe ndengana parawigu? Pereta apa pongngu'we pa lawegu? Apa mbotomu mba wolang'ga monno mbapa nga'u wang'ga? ³⁷ Ne Yemmi ellewi ngarra kuwa nda'unggu monno dappa tabbokaki ndo'umu. Ne Yemmi mba waiko patabokami, mi mbo'gai mbarragu. Bondala newe ga'i hida atagu ka etawa. paka lokodi hida ata ka tekki do'uwa mba ngarrawi a duwa. ³⁸ Ne Yowa ku pawillia'ga ne'e duwa kabullu do'una tubamu. Ne a gaina, ndai'iki ia ana simbi monno ia ana mbe'be a mate ne mbana dadi. Monno ndaku nga'a ponggu kipudi a'ia hida ole'da mbe'bemu. ³⁹ Ia loddo-loddo ia mbe'be a woppawi ranga utta na, Ne yowa dou'na ku yawaga ku yapakita wellida. Ne Yowa ndaku ngindiki ranga mate ne'e mbarrada monno hiddage newe dengnga kigo yowa. Monno Yemmi dengngi ndelluna ranga pakeduda gedde monno loddo. ⁴⁰ Ne loddo, bangatana loddo napa mbage pawessigu monno ne'e gekde hida matagu nda duraki orona kalikka. ⁴¹ Ne Yowa kupawilli kutuda ata papa wede tubamu ne a duwa kabullu douna. Kabullu pata do'una kawunggana, ne Yowa kupawilli ga'i kaku koledi a dwada ana mawinnemu. Enne do'una mbalina ne yowa ku pawilli ga'i kaku kolidi rangamu. Monno ne'a gai'na, yemi pakabullu kabaleka mba wungngadi tagu'gu. ⁴² Hinna dommowe, Maramba Allah inna kawedagu, Maramba Allah Abaraham monno pambarada Ishak, a dekung'ga. Nyaka na Maramba Allah mbadana ndeku kunggu, yemmi eng'a patukadagu kako ummana apa-apa. Nyaka, Maramba Allah na etawe dengngana nee pa orona, monno pawilli papawillina monno hitti ged'de Maramba Allah nappa tenawe monno ne bakku tin'dina." Yakub Monno Papakira da'i Laban ⁴³ Laban hinnage mbarra Yakub, " hida lakawa mawinne newe anagundi. Heida lakawa monno ranga do'ugudi. Ngarra kuwa pa etami newe do'u gun'di, takka hinnamo nda'aki apa-apa parai'gu papatutu waigudi ananggu monno ana da. ⁴⁴ Mba hinnako, mainda kata rainna papa kira. gak'i koge ne pa kira a wa'i na kanna kabali tada we ne batta moli dame." ⁴⁵ Nyaka, Yakub na dekewa a bolo togo watu kalada monno napa dedewa kanna paga'i watu padedewa. ⁴⁶ Ne nya napa tuka'di atana pakuwana pirra togo watu monno pangngu'di, monno napa mbudu'di. Mbage, ne hik'da anga'a ne uppu togo. ⁴⁷ Laban napa ngarage nee pado'u Yegar-Sahaduta. Takka na yakub napa ngarage Galed. ⁴⁸ Hinnage Laban ne mbarra Yakub, " Na'i kasala to'u na tuluda hitto a dwada mbata lolowe papa kiran'da nee loddo. Nyaka mba hinna kowe, Yakub na tekkiwe ngarana pado'u ne Gaeed. ⁴⁹ Hinnawe patekkina Laban, " Ka nyaku Mori a dagada ne mbatta ma sewa ia monno ia ." Nyaka ne pado'u kanna pangara ge Mizpa. ⁵⁰ " Nee mbapa karokdukakuwi ana-anagu mawinnegu monno mba deke pi'a ko mawinne wakdeka, lolowe na Maramba Allah naetago parawimu. ⁵¹ Nei'we wa'i watu pappa dede pa ta'i tillu'da monno wa'i dommodi togo papakuwa eka akabali ta'da ne itto mba wage papa kira'. ⁵² Na togo padede monno na togo e'ka, nei'da dwada a tulu kuwada batta lolowe ne papa kira'da. Ne Yowa dakku laweki'a na togo mbaku gokba'gu, monno ne yemmi da lawe kaikiwa na togo padede. ⁵³ Na'ma pandedowe Allah Abraham, Allah nahor, monno Allah inna amakawe'da a palologe mbarra'da itto nga'i kada lawe kawi hik'da papa kira'da." Nyaka, Yakub kanna pappa kirage waige mbanna tekki waige a'ura waige ngarana Mori pamada'uta monno panomba na Ishak amana ⁵⁴ Mbage, Yakub na 'ndoro wa ia ranga monno napa ngaraka waige pa maraka a nga'ina pa marakana nee lakadakana. Monno, na bo'di ata ka ma'i pa nga'a denggadi. Nepa mba pa nga'a, nyaka ne hikda takdona ne lak'dakka detana. ⁵⁵ Na me'wage, ne kapugekde Laban nappa dekkina ta'da masewa dengnga'di ummbuna monno ana-anana. Nyakana pamarinngiwi bage kanna wali.