¹ Nka'hinna ngge Maromba Allah barrana Yakub, "Kedde'wu, ndang'ngi wa'i wu ne'e Betel. Npan'dede iya atura a' tuba Maromba Allah a' paninno wekkina mbarra'mu etti mbu' nkedu wali barra na Ezau angu'nguamu". ² Nya'ka na panewe na Yakub barra 'nda ndu'dadi na monno ngarra kuwa ata a' dangngi barra'na, "Eru kuwa'ndi ngarra kuwa kasalla tou' a' wa'i na ne tillu ndo'ngami. Nka'pasingirawe tou'mi monno tau'mi kalambe a' ndua. ³ Nta' ndundakangge ne pa'dou monno ta kako wa'i ne'e Betel. Nduk'ki ne'e ku'padede iya atura a' tuba Maromba Allah a' manunna tulu'nga nbaku kalanana, monno a' karawa 'ngga ngge'nyakoge mbaku kako". ⁴ Nya'ka hidda ata ka' yawi ngarra kuwa kasalla touda monno omma katillu patau'nda barra'na Yakub. Ka'na tane ngarra kuwa'ndi Yakub ne'e pu'u wasu ek mbarra na wanno papangara 'nda Sikhem. ⁵ Mba'ka na Yakub pang'ngu ana na a' ndundakage ne pa'dou. Hidda ata a' dangngi wa'i ne'e nti'di wanno 'nda a' mbei'ngge mba'wolawi monno mba' pamatewi hidda ata papalolo ndengngana Yakub. Takka na Maromba Allah na ya'ndi madauta eka'gai na mbarra'nda nya'ka ngngau mba'wolawi Yakub monno ata papalolo ndengngana. ⁶ Nya'ka na Yakub monno ata palolo 'ndengngana ka'ndukki ne'e Kota Lus, a' hinna ne'e papangara'nda Betel ne'e tana Kanaan. ⁷ Na Yakub na' npandede iya atura ne'e . Na pangara ngge ne'e pa'dou "El-Betel" oronawe nya'we ne'e pa'dou katombo na paninno wekki wa'i na Maromba Allah mbarra'na hetti mba'na kedu wali barra na angu'ngua na. ⁸ Na' Debora a' karawa 'wa Ribka, 'na mate wa'i ne'e. Mba'ka a' tane wa'i wi ne puu wasu Ek ne'e Betel. A' pang'ngara ngge ne pa'dou Alon-Bakut. ⁹ Hetti mba'na wali Yakub wali Padan-Aram, na Maromba Allah na'paninno wekki'na barra'na monno na'pamaringngi'wa. ¹⁰ Hinna ngge Maromba Allah barra'na "ngara'mu Yakub, takka 'Kupan'ndelugo ne ngara'mu. Nda'ka ndengngapi'a mbanggu Yakub. Ne'ngaramu Israel hinna'mba." Nya'ka na Maromba Allah na'pangngarawi Israel. ¹¹ Ka'hinna ngge Maromba Allah barra'na Yakub, "Yowa ndo'na Maromba Allahmu a' mbibbita a' mboto monno Ku'yago ne we'e maringngi barra'mu: uwara babbarau monno luwa mange'ndana langge mbaka iya nggu bangsa a' kalada eka'gaina. Na'lede'ngu langge ndadi'wi bangsa-bangsa monno tokko-tokko. ¹² Ku'yabawe ne iya wanno barra'na abraham mbada Ishak. Hinna ne'e Ku'yago ne wanno barra'mu monno barra'nda wolla uwa'mu a' ndadi murri. ¹³ Mba'ka na Maromba Allah na'ndundakangge ne'e pa'dou. ¹⁴ Na' Yakub na'padede iya katulana wali togo mba'ka na burri ngge anggura monno we'e lengi ne ponnu'na. ¹⁵ Ka'na pangngara ngge Yakub ne pa'dou Betel. ¹⁶ Yakub monno ata palolo'ndengnga'na a' ndun'dakangge ne Betel. Mba'nda ndukki 'po ne'e Efrata na' Rahel na pa'ana. ¹⁷ A' mange'nda karodduka mpali'na Rahel mba'na pa'ana. Na' karodduka langutakka. Mba'na etawe nera, kahinna ngge na ata a'pagata'na, "Ndu' madau'takana Rahel. Na' ana mu kabani dommo'wa. ¹⁸ Na' Rahel na mate mba'na pa'anawi na ana na. Mba'dana mate po na' pangngara'wi ana na Benoni. Takka na Yakub na'pangngarawi Benyamin. ¹⁹ Na' Rahel a'tanawi ne'e nlara aro Efrata, ne'e Betlehem. ²⁰ Na' Yakub na mbon'dala iya togo ponnu o'ndi na Rahel pa'paakkawai'na. Na'i togo enga'pu ndukki na loddo. ²¹ Mba'ka napakitangge kako na Yakub. Na' ngau wa'i ne'e kabaila'na Selatan Migdal-Eder. ²² Na' Israel na'dangngi tundu ne'e, Mba'nei'wi ne'e na Ruben na'ndura dengngawi Bilha mawinne papaweda'na Israel. Ndu'ndadi Na Israel Na' Yakub kabullu ndua'da ana na. ²³ Ana na Yakub nbada Lea Ruben ana mbodi na Yakub, Simeon, Lewi, Yehuda, Isakhar, dan Zebulon. ²⁴ Ana na' Yakub mbada Rahel Yusuf monno Benyamin. ²⁵ Na Bilha nya ata papawede'nai Rahel. Ana na Yakub mba'nda Bilha Dan monno Naftali. ²⁶ Na' Zilpa ata papawede'nai Lea. Ana na Yakub mbada Zilpa Gad monno Asyer. Hidda mba'na lakawa ana 'na Yakub a' ndandi ne'e Padan-Aram. ²⁷ Na' kako na Yakub mbarra ama na Ishak ne'e Mamre ne Kiryat-Arba, ne'e Hebron. Ne' nyawe padang'ngi wa'i nda Abraham mba'da Ishak. ²⁸ Na' Ishak na' toleka ndukki ngau pondo patta kabullu ndau'na. ²⁹ Mba'ka na Ishak na'pa kako we nga'u na monno na mate. Mba'ka a' pang'nguwi mbarra ndu'ndadi na. Na' malouwe toleka na monno na ndu'a we lara toleka na. Mba'ka a tanewi anamane'na Esau mba'da Yakub.