¹ Ka kanta no manokal ka pogtu-u kinaanglan nog bulig ki to malutoy ka pogtu-u hoy ogpahulu to kaugalingon. ² Kono, koylangan no ka matag-sagboka kanta og kahulu to duma ta oyjow ogmakabulig ki hoy manukal ka pogtu-u rin. ³ Su waro nahulo si Kristu to kaugalingon ko kono, sumalo to pigkagi to kasulatan, kanak ka amaniyon to sumpalit dan ikow? ⁴ Su ka tibo no nasulat to kasulatan pigsulat oyjow to pog anad kanta oyjow ogmakapurut ki to pog iman pinabayjo to pogpadiralom hoy pogdaral no pigbugoy kanta to kasulatan. ⁵ Hoy nasi purun no ka Diyus no pigligkatan to pogpadiralom hoy pogdaral ogsagboka to mo suman-suman pinabayjo to pog-ikul to panag ilingan ni Kristu Hisus ⁶ oyjow og kasagboka kow tibo to pogdayjan to Diyus no amo to Magbabayjo ta no si Kiristu. ⁷ Koy na-an, ka himaya to Diyus, dawata ka isig- kaotow no ogtu-u iling to pigkono ni Kristu. ⁸ Su ognangonan ko kaniyo to nayimo no sugu-anon si kristu to mo Hudiyu oyjow to pogpakita no ogsaligan ka Diyus, su intuman ka insa-ad to Diyus diyo to mo kaap-apuan dan. ⁹ Hoy oyjow ogdajaynon to kono no mo Hudiyu ka Diyus tongod to koyid-u rin. Sumalo to pigkagi to kasulatan, koy na-an kag pasalamatan ko koykow taliwaro to mo Hudiyu. Kantawon ko ka pogdayjan para to ngaran no? ¹⁰ Hoy nigkagi ka kasulatan, “Kahulo kow no kono no Hudiyu duma to pigpili to kaotawan to Diyus!” ¹¹ Nigkagi iyan dayjana now ka Magbabayjo, kaniyo no kono no Hudiyu, dayjana no amana kandin, kaniyo tibo no kaotawan!” ¹² Hoy nigkagi ro na-an si Isayas, “Ogmoku-uma ka sagboka no kabuwaran ni Jissi oyjow ogmandu to kono no mo Hudiyu, hoy ogkayimo kandin no dumdun dan.” ¹³ Ka Diyus no pigligkatan to dumdum hoy oghipunoon purun kaniyo to kahulu hoy pakigsima pinabayjo to kaniyo no pogtu-u kandin oyjow ogparayjon to pogdakol ka pogdumdum pinabayjo to gahum to ispiritu santu. ¹⁴ Mo sulud, nataga an ko no dakul ka karoyjow no hoy kaalam oyjow oykoymu kow nog anad to matag-sagboka. ¹⁵ Di to pogsulat ko to soin, nigpaginbubulot a to pila no buyin to pogsuman-suman ko kaniyo: Tongod to katongod no inboguy kanak to Diyus. ¹⁶ Pigyimo ano sugu-anon ni Kristu-Hisus oyjow to pogdayjan to kono no mo Hudiyu nig-alagad a koiling to pari oyjow to pogpanulu to maroyjow no lalag no ligkat to Diyus oyjow ka kono mo Hudiyu ogdawaton to Diyus koiling no halad no pigbalaan to Ispiritu Santu. ¹⁷ Koy na-an ka pogkasagboka ko ki Kristu-Hisus, pakapagaro a to pog-alagad to Diyus. ¹⁸ Di kono a ogpa alag-alag to pogkagi to agad nokoy gawas to noyimo ni Kristu pinabayjo kanak oyjow topog ttu-un to kono no mo Hudiyu to pog-ikul to Diyus pinabayjo to lalag hoy oghimuwon ko. ¹⁹ To gawum to mo timu-ilaan hoy mo kabulungbulungan hoy to gawun to Ispiritu. Koy na-an ka nanlibog a ligkat to Hirusalim poiling to Iliriku, pigpamatbat ko ka maroyjow no lalag mayitongod ki Kristu. ²⁰ Kanunoy ko pigpanamantamanan ka pogpamatbat to maroyjow no pabbatonon to wara pad ikabatbat ki Kristu oyjow kono a oghimo to sulug no pigtagu to duma. ²¹ Sumalo to pigkagi to kasulatan, “Makakita ka waro guguri mayitongod kandin hoy ogpakasabut ka waro makadinog kandin.” ²² Tongod to soin mohon-in a nabalabagan to poghundiyan to kaniyu. ²³ a ²⁴ Di kuntoon no naponga kud ka oghimuwon ko to soin buyin, nig-iman a nog makaluoy ka iyan kaniyo tongod to nigsuman-suman a to mohon-in pad no katuigan kag kahimo ko to soin. Ogsangpit aro diyan to Ispaniya. Ponga a nahulu to pogpakig-alukoy ko kaniyo to doisok no panawon, nuligi aro to poghundiyo to Ispaniya. ²⁵ Di kuntoon, oghundiyu a to Hirusalim oyjow to pogbulig to mo kaotawan to Diyus diyo. ²⁶ Su inkahulu to mo simbaan to Macidunya hoy to Gricia to pogbugoy to pogbulig to ogtu-u no mokowoy-o woy o diyo to Hirusalim. ²⁷ Inkahulu dan iyan soin. Katongod kan nog bulig to nootow su pigpamatbat man to Hudiyu to Ispirituhanon no panalangin koy na-an ka kono no mo Hudiyu angayjan no’g bugayjan dan to abut to ingod dan no inbulig to mo Hudiyu. ²⁸ Ko og koyimo kod soin hoy igkabuguy kod kandan ka mo igbulig no pigbugoy to mo otow para kandan, ogligkat a poiling to Ispanya hoy ogsagpit a kaniyo. ²⁹ Nataga a no kog hondiyan a to kaniyo ogkapuno ato panalangin ni Kristu. ³⁰ Mo sulud, tongod to Magbabayjo ta no si Hisu-Kristu hoy to dakol ka goynawa no pigboguy to Ispiritu, ogkagiyan ko kaniyo nog ampu to Magbabayjo. ³¹ Ampu kow nog panaliporan ato kono no matinuohon diyo to Hudiya hoy to pog-alagad to Hirusalim ogdawaton purun to kaotawan to Diyus diyo. ³² Koy na-an kog tugut ka Diyus, oghundiyan a to kaniyo no narago hoy oghimuloy duma kaniyo. ³³ Nanghina-ot a purun n0o ka Diyus no tuburan to kalinaw nog duma kaniyo tibo. Amin.