¹ Ka duo otow no mohoy-o so ka pogpalintutu-u kinow ba no kandin to waro pogpakig apul to kandin no suman suman. ² No nig palintutu-u no’g kohimo no’g koon agad nokoy di ka nigtu-u no nigkoon on to mo ngalap. ³ Sooyjow no og koon to agad nokoy. Kono din og lumutan sooyjo no ngalap do kog koonon. No sooyo doman so ngalap kandin to Magbabayjo. ⁴ Hontow ka talaghusoy to mo sulugu-anon no loin no otow? Kandin no pangulu no kandin do ka nig husoy ko nigtuman do to kandin no hinongdan no waro sikandin nakatuman so og buligan do to Magbabayjo kandin. ⁵ Duo ogsuman-suman no duo og goynawa to aldow to duma aldow. Hoy ka duma og suman-suman do ka tibo no mo aldow no ka tagsa sagboka ka loin soini no nig amana nigtu-u. ⁶ Ka nigsuman-suman no nig goynawa to sagboka no aldow so ka duma no aldow no nigparinog to Magbabayjo. Ka nigpasalamat man sikandin to ingkoon din. Kono og koon to agad nokoy. Inhimo din sikan oyjow duman to pogtagad to Magbabayjo no nigpasalamat dayjon to Magbabayjo. ⁷ No nootow ki, kono para to kantan no pogkaotow, hoy ogkamatoy ki, kono no para to kanta rod no pogkootow. ⁸ Kono no otow ki rod para to Magbabayjo hoy ogkamatoy ki para to Magbabayjo. Di agad manokal ki pad hoy pad hoy ka ogkamatoy kid. Kandin ki rod iyan to Magbabayjo. ⁹ No si Kristu no namatoy nauyjay hoy ogkahimu no Magbabayjo to namatoy hoy to manukal pad. ¹⁰ Di maniyo to og dow uyjan now hoy oglimitan ka mo sulud now no diyo og tangko ki to tibo to Magbabayjo oyjow oghukuman on nikandin? ¹¹ No nasulat to kasulatan no nigkagi ka Magbabayjo no nigpangunlibot to tibo diyo to tangkaan no ka tibo no og sayjo to Magbabayjo? ¹² Koy na-an ka matag sagboka no og tangko ki diyo to tangkaan to Magbabayjo. Kona no og apila ka mo sulud no. ¹³ Koy na-an no ko kig marodow oyjow ka kono og sabokaon ta tog suman-suman ta no kono og himo to agad nokoy no ogpakasaligkat hoy og poko olot to sulud ta. ¹⁴ Tongod to pogsagboka ko to Magbabayjo. No si Hisus, nog kaaysad-aysad a no waro himan no maligsoom to kanak no kaugalingon. Di ka nigtu-u no maligsoom no sagboka no himan, no maligsoom soini to kandin. ¹⁵ No’g makaroot to mo sulud mohitongod to nigkoon now. Waro kow nig unog to in guynawa ko no suguti no nigkoon no og karootan no ka otow ogkoonon no nigpatoy si Kristu oyjow kandin. ¹⁶ Kono ta ogsuggutan no kara maroyjow, og marootan ka duma. ¹⁷ Su ka poghari to Diyus kono no mahitongod to koonan hoy inoman, ka kono mohitongod to pogkatarong karoyjawban. Hoy og kahulo no ogligkat to Uspiritu santu. ¹⁸ Ka nig-alagad ki Kristu to soini no pinabayjo mki Kristu og kahulo ki to Diyus hoy ka mo otow. ¹⁹ Koy na-an kag amus amuson ta ka poghimo to mo himan nog makabugoy to karoyjow nog makaduson matag sagboka. ²⁰ Kono ta og doraotan ka inhimo ta to Diyus tongod to koonon so diyo to Diyus, og kakoon iyan to tibo. Hoy kono no maroyjow ka ogpakasalo ka duma ta tongod to ogkoonon ta. ²¹ Kono no maroyjow ka pogkoon to ngalap hoy ka pog inom to bino. Hoy ka poghimo to agad nokoy no iyan ogligkatan no ogpakasalo ko ta sulud ta. ²² Koy na-an ka nigpatutuowan to matag sagboka no mohitongod to soin maroyjow no daruwa do to Diyus no ogpanalanginan sooyjo kono ogbantalan to insuman suman din no olog nog himowon. ²³ Di sooyjo so og duwaruwa hoy nasi nigkoon. Ogpababayjayran sikandin to Diyus so kono og oyjon to inpalintutuuwan din ka inhimo dan so salo ka poghimo to agad nokoy no kono ig uyjon to inpalintutuuwan ta.