¹ Hoy nigkita ko ka bag-on langit hoy ka bag-on tano so naawwo on man ka nohon-a no langit hoy ka no hon-a no tano hoy warod dagat. ² Nigkita ko mando no nigiono ka balaan no banwa ligkat to langit ka bag-on Hirusalim no ligkat to Diyus no anat do to malitan no og sakatan no andam on no ogtumo dotog asawba kandin. ³ Hoy nigdinog ko ka maagbot no lagong no nigkagi ligkat to turunu kuntoon ka ogpaanan to Diyus dinid to koow-otawban. Ka Diyus ogduma kandan hoy kandin og kohimo dan no Diyus. ⁴ Punasan din ka luwo dan hoy waro on kamatayjon dan hoy katalong hoy pogsinogow hoy kasakit so nanga-awo on man ka tahan no butang. ⁵ Hoy ka nigpinoo diyo to turunu nigkagi, nigbag-o kod ka tibo no butang koynaan ka igsulat soini so soini no mo lalag og kasaligan hoy marularong ⁶ hoy nigkagi kandin kanak, natapos on ka tibo! Kanak ka alpha hoy ka umiga ka bunsoran hoy ka kataposan. Ka og moko-inom bugayjo to woyig no waro bayjad no ligkat to tuboran to woyig to kinabuwi. ⁷ Ka ogdoog makapurut dinit kanak. Kanak ka Diyus din hoy kandin ka anak ko. ⁸ Di ka mo holakon, hoy ka waro nigtu-u. Ka mo malow-oy, ka og mangimatoy , ka iibongon to malitan, ka mo salamangkiro, ka og dayjan to Diyus-diyus hoy ka tibo no ubaton igbanggal diyo to linow no hapuy no asupre no iyan ka igkaruwa no kamatayjon. ⁹ Hoy nigdalapak ka pitu no Diwwata no nig alap to pitu no tagu-anan hoy to kaupusan no kahaldokanan. Nigkagi ka Diwwata, “Agpas ka dini hoy igpapitow ko koykow to pangasawahanon, ka asawa to nati no karniru.” ¹⁰ Hoy pig guuman ato Ispiritu hoy pig-alap to Diwwata diyo to uud to malayjat amana no bubungan hoy pigpakita kanak ka Hirusalim, ka balaan no siyudad no nigkunsad ligkat to langit hoy ligkat to Diyus; ¹¹ Nigsinlak-sinlak soin to himaya to Diyus. Nigsinlak ka siyudad anat bililhon no batu hoy matin-ow anat bildu. ¹² Duon dakol hoy malayjat no paril soin hoy duon sampulu hoy daruwa no mintod no pig batayjan to sampulu hoy daruwa no mo Diwwata diyo to mo mintod, nasulat ka mo ngaran to sampulu hoy daruwa no kabuwaran to Israil. ¹³ Kada ilis duon tatulo no mintod: Tatulo to piglaygajan, gulabong, tatulo to lundonng hoy tatulo to pigsalupan. ¹⁴ Pigpus-okan no batu nopig sulat to ngaran to sampulu hoy daruwa no mo apustulis no nati no karniru. ¹⁵ Ka Diwwata nokig lalag kanak no duon pig-alap no sukuranan no bulawan oyjow igsukud to siyudad hoy to mo mintod hoy to paril to soin. ¹⁶ Nig-iiling-ilinng amana ka siyudad, iling ka kalayja hoy ka kakupal to soin hoy pigsukud to Diwwata ka in-alap din no sukuranan to siyudad: Ka kalayjat 1,500 ka milyas, hoy ka kakupal hoy ka kalayjat to soin iling iyan. ¹⁷ Pigsukud din mandu ka paril, hoy ka paa 216 ka kalayjat sumalo to sukuranan no piggamit din no iyan kasagarag gamkiton. ¹⁸ Kono no maligsom iling to bildu ka paril to soin hoy nu-uling no bulawan ka katinuok siyudad, hoy matin-ow no iling to bildu. ¹⁹ Pig-ay-ajanan to tibo no nigloloin-loin no mahalon no batu ka mo pus-okanan to paril to siyudad. Ka hun-a no kono no maligsom, ka igkaruwa to sapiro, ka igkatatulo no agata, ka igkaupat Ismiralda. ²⁰ Ka igkalalima onise, ka igkahun-om kornalina, ka igkapitu krisolitu, ka igkawalu birilu, ka igkasiyam topasyu, ka igkasampulu Krisopraso, sampulu hoy sagboka nasintu, ka igka sampulu hoy daruwa amatista. ²¹ Ka sampulu hoy daruwa no mintod sampulu hoy daruwa no pirlas; Ka linon-in loin no mintod hinimo ligkat to sagboka no pirlas. Ka dalan to siyudad doy tibo bulawan hoy iling to bildu. ²² Waro nigkita ko no timpulu diyo to siyudad so ka Magbabayjo no Diyus no labow no gamhanan hoy ka nati no karniru iyan timpulu diyo. ²³ Diyo warod pigkinonglan ka kalayjat to aldow hoy buwan so nabat-awan soin to himaya to Diyus, hoy ka nati to karniru ka himaya to Diyus, hoy ka nati no karniru iyan noyimo no salong diyo. ²⁴ Hoy mangipanow ka kaotawan to ingud diyo to kalayjag to soin, hoy og alapon to mo hari to ingud ka bahandi dan diyo to siyudad. ²⁵ Pigtukasan to tibuok aldow ka mo mintod to soin kono oglukuban so warod marysilom. ²⁶ Alapon diyo to siyudad ka kabantug hoy ka bahandi diyo to nasud. ²⁷ Di waro agad nokoy no malindit nog makasulud to siyudad hoy agad huntow noghimo to makasisikow no hinang hoy ubat. Kag pasuluron to siyudad kandan no ngaran no nasulat to libru to kinabuyi to nati no karniru.