¹ No duon inkita ko no sagboka no Diwata no nigluno ligkat to langit no nig-alap to yabi to bitu no waro tamanan hoy to dakol no kadina. ² No in-alap din ka bulalakow, ka karaan ulod no iyan ka yawa hoy satanas hoy inbako din on sood to songo libu(1,000) no tuig. ³ No in ulug on to Diwata ka yawa diyo to bitu no waro tamanan, no inlukoban hoy inbukasan din on ka bitu no oyjow konad on ogmakapanlimbong to nasud taman to ogligad ka songo libu(1,000) no tuig. Pogkaponga duon, kinangolan no oglukaan kandin to kono do ogkaluguy. ⁴ Hoy inkita ku ka mo turunu hoy ka naminoo do to inbogayjan to katongod to poglogpad. No inkita ko daan ka mo gimukud to sooyjo no inpamungulan to ulu tongod to pogpamatbat dan to kamatuoran no inlalag ni Hisus, hoy tongod to lalag to Diyus. Waro kandan nigsimba to makahalat-halat no mananap hoy to larawan din, hoy waro dan papangutubi ka mo bukud hoy mo bolad dan to pangutub din. Nanauyjag kandan hoy nighari duma ki Kristu to songo libu(1,000) no tuig. ⁵ Waro nangauyjag ka duma no mo minatoy to waro pad nigligad ka songo libu(1,000) no tuig. ⁶ Iyan mampo ka nakalagkos to agad hontow to an-anayjan no pogkauyjag. Ogpanalanginan kandan hoy mohon-in konad on kandin ogpokono-om no-om to igkarangob no kamatayjon, ko kono, ogkoyimu kandan no mo talagpanubad to Diyus hoy ni Kristu, hoy oghari kandan duma ki Kristu to songo tuig (1000) nu tuig. ⁷ Ko ogligad on ka sungo tuig (1,000) no tuig. Giukaan on si Satanas ligkat to pirisuwan kandin. ⁸ Hoy oglibungon din ka kanasuran nu iyan ka gug hoy maguy. Oyjow pogpan ubat kandan, libunlong din mo otow to pogpammuno, hoy ogpokoiling kandan kohon-inan to pantad diyo to ilis to dagat. ⁹ No niggulap kandan to intiru no kalibutan hoy inlingkusan dan ka kampu to mo kaot-otawan to Diyus hoy ka inggoynawaan din nu siyudad. Di duon hapuy nu nigluluno ligkat to langit no niggulo kandan. ¹⁰ No indogpak ka agalon to yawa nu nigbanggalan dod daan to mo mananap hoy to mo ubaton no purupita. No ogpabaybayjaran kandan diyo, aldow hoy marusilom to waro ogtamanan. ¹¹ Hoy duon inkita ko no dakol no trunu no maangkag hoy duon nigpinnuu to sooyjo: naawo ka tano hoy ka langit ligkat to tangkaan din hoy konad on ogkitoon pad. ¹² No inkita ko ka mo minatoy no mabantog hoy so kono, no nanasindog diyo to tangkaan to trunu inbolat ka mo libru hoy duon pad mando libru no inbulat no iyan ka libru to kinabuwi. Oglogparan ka mo minatoy sumalo to hinimuwan dan no nakasulat diyo to mo libru. ¹³ No duon gimukod no nanlapow ligkat to dagat, ligkat to kamatayjon hoy to banwa to mo gimukod no in-ngarananto Hadis hoy inlogparan kandan tibu to Diyos somala to hinimuwan dan. ¹⁴ Hoy inbanggal dan on ka kamatayjon hoy ka Hadis Diyo to linow no hapoy no iyan ka igkarangob no kamatayjon. ¹⁵ No ka agad hontow no waro naka sulat ka ngaran diyo to libro to kinabuyi, igbanggal diyo to linow no hapoy.