¹ Inpapitow da-an to Diwwata kanak ka bougan to kinabuwi no malayjag no anat to kristal. Nigligkat ka sikan no bougan to turunu to Diyus hoy to nati to karniru. ² Nigtulibis soin to taliwaro to dalan to banwa. To matagdaplin to bougan duon kayjo no nigbogoy to kinabuwi no ogpangunud to kasagboka to kada bulan hoy ka mo duwon to soin tombal iyan to matag banwa. ³ Waro agad nokoy no nigdo-ot to Diyus no nabayjaan diyo to banwa. Duon to banwa tp turunu to Diyus hoy ka nati no karniru hoy ogdayjanon kandin to mo ko-otawan din. ⁴ Nakakita kandan to langlanguwan din hoy ka kandin no ngaran nakasulat diyo to kandan no bukod. ⁵ Diyo warad on marukilom hoy konad on kandan ogkinaanglan to mo salong hoy siga to aldow so ka Magbabayjo no Diyus iyan man ka salong dan, hoy oghari kandan taman to katamanan. ⁶ Hoy nigkagi ka Diwwata kanak, tutu-u soini so mo batbaton hoy ogkasaligan. Ka Magbabayjo no Diyus no nigbogoy to kandin no Ispiritu diyo to mo Prupita nigsugu to kandin no Diwwata oyjow igpakita diyo to kandin no koot-otawan ka mo butang no nohitabu to konog kalugoy. ⁷ Nigkagi si Hisus, ogliku a to konong kalugoy. Og ka mampo ka nig amping to tag-anan dini to soin libru. ⁸ Kanak si Huwan, nakadinog hoy nakakita iyan to soin mo butang napongo-on soin, niglangkob a to paa t Diwwata no nigpakita kanak to soin mo butang oyjow to pogsayjo kandin. ⁹ Di nigkagi kandin kanak, kono no sikan hinanga! Kanak sugsugu-on aro to Magbabayjo iling koykow hoy ka mo duma no no Prupita hoy ka tibo no nig ayjad-ayjad to soin mo kasaysayan kayi ti libru. Iyan no dayjana ka Magbabayjo! ¹⁰ Hoy nigkagi kandin kanak, kono no iholos ka mo panag-an no kayi to soin libru so marani on ka katumanan to soin. ¹¹ Balagara no ka maroot og parayjun oghinang to maroot, ka mo malaw-oy ogparayjon no malaw-uy, ka matarong og parayjon oghinang to matarong hoy ka balaan ogparayjon no to pogkabalaan. ¹² Si Hisus nigkagi, oglibod a to konon malugoy no og alap to bayjad oyjow igbogoy to matagsagboka sumalo to kandin no hininang. ¹³ Kanak ka sinugdanan hoy ka katapusan, ka nohun-a hoy ka nouloyi, ka sinungdanan hoy ka katapusan. ¹⁴ Iya mampo ka niglaba to kandan no gumit oyjow og kabogayjan to katongod to ko-ononon to unud to kayju no nigbogoy to kinabuwi to pogsulud to mo gumawwan to banwa. ¹⁵ Di to gawas to banwa, diyo ka mo malaw-uy, ka mo salamangkiru, ka mo manlilibug, ka mo manlologtay to mo nigdayjan dayjan to maroot nog dayjanon hoy kamo ubaton. ¹⁶ Kanak, si Hisus, no nigsugu to kanak no diwwata no nigbatbat to soin no butang diyo to mo simbahan. Kaliwat a ni Dabid hoy kanak ka aldow hoy bituon to kasoloman. ¹⁷ Ka Ispiritu hoy kag pangasawo-onon nigkagi, hondini ka kayi, hoy ka tibo no nakadinog poilinga no raan, hondini ka kayi! Mandani kow no niglakahan hoy ka mo duon koibog, inum to waro bayjad no woyig no bogoy to kinabuwi. ¹⁸ Kanak, si Huwan, nigpasiraan to tibo no nakadinog to mo panoilow no kayi to soin no libru ka ogtimul to soin, ogtimulan do da-an to Magbabayjo no igbogoy kandan no mo karo-otan no nighisgutan to osin libru. ¹⁹ Hoy ka ogkuwo to mo panag-an no kayi to soin, ogkuon do iyan to Magbabayjo ka kandin no baad to kayju no ogbugoy to kinabuwi hoy ka kandin no baad to balaan no banwa no nighisgutan kayi to soin libru. ²⁰ Kandin no iyan nigpoila no kandin ka soin tibo nigkagi, ogliku aro to konon malugoy! Poron! No hondini kad, Magbabayjo no Hisus! ²¹ Ogduma ka tibo ka grasya to Magbabayjo no Hisus.