¹ Natamanan, duon imbogoy koddi no igsokod no iling to tukod hoy migkagiyan a, sasindog ka hoy sokora no ka timpulo to Diyus hoy ka Altar, hoy soula no kanig manimba diyo. ² Di kono no sukusa ka libwasan to timpulu so imbogoy on sikan on sikan diyo to waro migmalintutu. Kandan ka makagugus to balaan no siyudad to Hirusalim sulod to kahop-atan hoy daruwa (42) no bulan. ³ To soin kan no Aldow inpohondiyan ko ka daruwa no titigus no nigsasaloub to saku. Hoy ogpangugod kandan to igpagugod to sulod (1,260) no aldow. ⁴ Kandan sooyjo no daruwa no kayjo no ulibo hoy ka daruwa no sugoanon to sulo to diyo migsasindog to tangkaan to Magbabayjo to kalibutan. ⁵ Ko duon ogpanamantaman no ogdoroot kandan, no duon hapoy no oggawas to bubu dan no ogpakatutung to mo kablag dan, hoy sikan ka ogpanhimatoy no ogpanamantaman no kablag kandan. ⁶ Duon gahom dan no oyjow kono ogpakatuod ka uran no ogpanumpaan din tagaod ogpanulu kandan no kagihon to Diyus. Duon do naan gohom dan no woyig hoy langosa, duon do naan gohom no pog alap dan agad nokoy no maroot to tibu no kalibutan agad nokoy no panawun no ogkaliyag kandan! ⁷ Ko ogkapunga kandan to ogpanulu to Diyus, pogbugnoon kandan do to mabbulot no mananap no oggawas ligkat diyo to kono ogkasukod ran. Ka daruwa no titigus no karaog dow himatayjan to mananap. ⁸ No diyo to kandan ogpakanangon to dalan no dakol no suwidad no inlansang to Magbabayjo dan. Ka sooyjo no suwidad no indanan to Suduma hoy Ihiptu. ⁹ Solod to tatulo no aldow hoy liwaro hoy ogpipitowon to mo otow no ligkat to noloin-loin no mo kabuwaran, kuntora hoy kinagihan to Nasud. No kono kandan ogpaagad-agad no iglobong ka lawa ran. ¹⁰ Ogkoholo ka mo otow to kalibutan hoy tongod to namatoy on ka daruwa no titigus. Ogkoholo kandan no ogmabubugayjay to gasa tongod to namatoy on ka daruwa purupita to Diyos no nig alap to mohon-in no sakit to mo otow diyo kalibutan. ¹¹ Di to pogligad to tatulo no aldow hoy liwaro in-oyjog do kandan to Diyus. No nigsasindog kandan hoy nangahaldok sooyjo nakakita kandan. ¹² Nataman, nakarinog ka daruwa no titigus no nakarinog to lagong no mahagbot ligkat to langit no migkagi, pamanoyik kow kayi to langit! No tatagad nigpitow kamo kablang, imbaton kandan to salagapon no diyo parulog to langit. ¹³ To sikan do iyan migdinog to maagbot. No nagumas ka ikasampulo no baad to suwidad hoy doon pito no libu (7,000) no otow nangamatoy. No nangahaldok ka mo otow no nigdayjan kandan to Diyus no diyo to langit. ¹⁴ Napungahan on ka daruwa no makaaldok no nahitabu, di duon man do ogpamasundol no igkatulo. ¹⁵ Ka pito no diwata no migkagi ka trumpita din, hoy duon makusog no lagong diyo to langit. No migkagi, “Ogharian on kuntoon to Magbabayjo ka kalibutan duma ki Kristu no in alam din, hoy oghari kandan to waro katapusan!” ¹⁶ No nangangasagul hoy nigsimba toDiyos ka daruwa hoy hup-at (24) kamo buyjag no naminnuu to mo turunu ran no diyo to tangkaan to Diyus. ¹⁷ No nigkagi kandan, “Ogpasalamat koy koykow Magbabayjo no maroson no Diyus, no iyan ka Diyus na huna hoy ka Diyus kuntoon, su ingamit no ka dakol no gohom no hoy nakasolod on ka poghari nu!" ¹⁸ Nabulo ka mo otow no waro migpalintutuu koykow, no ogligkat on ka panawun no oglogparin now kandan. Hoy ka nangamatoy oghukuman on no yan on sikandan ka panawun no ogbogayjan now to ganti ka iyo no mo sulugoon hoy ka mo purupita, hoy ka mo otow, hoy ka nigtahod koykow mabantoy on hoy so kono. Panawun on no panhimatayjan now on ka mo otow no oggugusto kalibutan. ¹⁹ Nataman on natukasan ka timpu to Diyus diyo to langit hoy nakita on ka taguanan to kasabutan to Diyus no diyo to solod to timpulu din. Ogkikilat hoy duon ka duma no oglulugong hoy nigdirinog dow mig uran to darakol no Ayes hoy bato.