¹ Nokoumma kandan diyo to hagpitan to lanaw to Galiliya, diyo to tano to Gerasa. ² To poglono ni Hisus to sakayjan, intagbo kandin to sagbuka no otow no nigligkat diyo to mo lobonganan. ³ Soini no mo otow insoloran to maroot dow nig ugpa diyo to mo lobonganan. Waro on ogmokobako kandin agad pad ogsagikaloan kandin. ⁴ Mohon-in on no higayjon no inbako ka kandin no paa dow bolad, di inpamigtow din do iyan ka sagikalo maroson kandin dow waro on iyan mokoolog to kandin. ⁵ Aldow hoy marosilom oghiphipanow kandin diyo to lobongannan dow kabubunganan no ongugod og pangngiyak dow og papili to kandin no lawa koiling to mo bato. ⁶ Mariyo pad si Hisus to napitow kandin to mo otow no nigsoloran to maroot no gimukod.Nigpallagoy kandin poiling ki Hisus dow niglood to tangkaan din. ⁷ Dow nigpangngiyak kandin, “Hisus, Anak to labow nog sayjaon no Magbabayjo, nokoy man ka tood no kanak? To ngaran to Magbabatjo, nighangyo a koykow, kono a nunobag maroota.’’ ⁸ Nigkagi kandin to soini so nig nangonan man ni Hisus, “Gimukod no maroot, awwo ka to soi no otow?" ⁹ Dow nanginginso si Hisus kandin, “Nokoy man ka koykow no ngaran?’’ Nigtabak kandin, “Mohin-on otow, tongod so mohon-in koy.’’ ¹⁰ Dow ongod kandin og hongyo ki Hisus no konog paawwoon ka mo maroot no gimukod poiling diyo. ¹¹ Sooyjo no higayon doon mohon-in no baboy nog manungal diyo to masandig. ¹² Nighongyo ka mo maroot no gimukud ki Hisus, “Poondiyoa koy to sooyjo mo baboy dow pasoloran koy kandan.’’ ¹³ Dow sugotan din kandan. Niglibwas to otow ka mo maroot no gimukud dow nig solod diyo to baboy. Dow ka tibo no mohon-in baboy no daruwan libo namanlagoy dow nanlingkoso diyo to pangpang poiling to lanaw dow nangalonod. ¹⁴ Ka mo nig-alimma to mo baboy nammalagoy dow inbatbat dan ka nahitabo diyo to mo otow no nig ugpo to banwa dow to kamutan. Hoy nangondiyo ka mo otow oyjow og maanmaan to nohitabo. ¹⁵ Nigdani kandan ki Hisus dow diyo napitow dan no nigpinno ka mo otow no nounha nigmansoloran to maroot doon on kinabo din dow nigliboran on to marojow no pongisip dow nanaldok kandan. ¹⁶ Sikan nakapitow to nahitabo do’t otow no nigsoloran to maroot dow to mo baboy namatbat diyo to duma. ¹⁷ Dow inhangyo dan si Hisus nog awwo to banwa ran. ¹⁸ Pogsakay ni Hisus to saykajab, ka otow noun a no insoloran to maroot, nig pohoy-o hoy o kandin no nigkagi, “Ogkahimo buwa kog duma a koykow?" ¹⁹ Di waro nig oyjon si Hisus dow nig iling do, "Pouli kad to baloy no, dow nangoni kandan nokoy karakol ka nohinang to Magbabayjo koykow dow nokoy kamohohoy o koykow." ²⁰ Dow ka otow nighipanow dow nig andiyo to Decapolis dow namatbat mohitungod to mo botang no no’ynang ni Hisus kandin. Dow nabolongbolong amani ka tibo no nakarinog to soini. ²¹ Dow niglibod si Hisus noglapas to lanaw dow diyo to dapig to lanaw doon dakol no mohon-in mo otow no niglilimodlimod kandin. ²² Dow nokooma ka sagbuka no Agalon to Sinagoga no diyo tog ngaranan to Hairo. To pogkakita rin ki Hisus, niglood kandin to tangkaan ni Hisus. ²³ Nigpoholoy-ohoy-o kandin dow nigkagi, ka anak ko no boyi naraluwan dow nabayjaran on,Hondiyoi nopad bag dow gongoni oyjow og koulian.’’ ²⁴ Dow nig duma si Hisus kandin. Dakol amani ka mo otow no nigduma kandin dow aman to soini nihioshios ka mo otow no niglilimod limod kandin. ²⁵ Hoy duon sagbuka no boyi no nabayjaran tongod to ongod og daralo hoy ro no sampolo hoy daruwa on no tuig. ²⁶ Intambalan on kandin to mo mohon-in no mo mananambaa. Noubos do doon ka salapi din di waro on iyan namampomampo no so do iyan amani. ²⁷ Nakarinog kandin mohitungod ki Hisus hoy nanoloksok kandin to mo otow poiling to noiniyogan ni Hisus. ²⁸ Dow nig-kagi kandin to kougalingon din, “Inggad og kasamsam ko ro poron ka kinabo din, koulian." ²⁹ Hoy insamsam din ka kinabo ni Hisus dow nighagtong ka ongod kandin og daralo, dow naguram din no noulian kandin ³⁰ To sikan naguram ni Hisus no dUon gahom no niglibwan kandin, dow niglingi kandin to mo otow dow nanginso, “Hontow ka nigsamsam to kinabo ko?" ³¹ Ka mo tinuonan din nigtabak, “Napitow no nigdasok ka mo otow koykow, hoy maniyo man to’g ponginso ka ko howtow ka nigsamsam to koykow no kinabo?" ³² Di nigparayjon si Hisus niglingilingi oyjow og looy ko hontow iyan ka nig samsam kandin. ³³ Sikan no nohitabo, ka boyi nigdani no nigkolkol to kahaldok, niglood to tankaan ni Hisus dow namatbat to nohitabo. ³⁴ Dow nigkagi si Hisus kandin, "Anak noulian ka ligkat to koykow no pogtoo.Pouli ka no molinawon dow ko kad og kabayjaran.” ³⁵ Hoy nig kagi si Hisus to soini, doon mo sinowlan nig omma ligkat to baloy ni Hayro, dow nig kagi kandin, "Namatoy on ka koykow no anak, maniyo to ongod no pad og samokon ka manganganad?" ³⁶ Waro simaa ni Hisus ka in kagi rin. Nignangonan din si Hayro, “Kono ka og kaaldok? Kalig karo.’’ ³⁷ Dow waro loin in oyjonan din nogduma kandin ko kono si Pedru do hoy ka pataltalahari no si Santiyago dow si Huwan. ³⁸ Pogmo kooma ran diyo to baloy ni Haryo napitow ni Hisus ka kagolobgolob dow naguram din ka makosog no mo sinogow dow dalogmatoy. ³⁹ Nigparayjon kandin to baloy dow nigkagi kandan, "Maniyo to nagolobgolob kow dow naninogow? Waro namatoy ka bato? Nokohirogo do kandin." ⁴⁰ Dow inpaawwo ni Hisus ka mo otow no ongod og sumpalit kandin. Dow in alap din ka amoy dow inoy to bato dow ka tatolo rin no tinuonan dito to Solambi to bato. ⁴¹ Dow ingongonan din ka bolad to bato dow nigkagiyan, “Talitha kumi? Ko kanta pa. “Boyi, onnow kad?" ⁴² To sikan ka bato no sampolo hoy daruwa no tuig nig-omow hoy nig-ipanow. Dow nangabolongbolong kandan to nohitabo? ⁴³ Di nigbohog kandan ni Hisus to kono on iyan igpapamatbat agad hontow mohitungod to soini dow insugo din kandan to igpakoon ka bato.