¹ Dow nig ondiyo man do si Hisus to sinagoga dow doon otow diyo no nakomoy ka bolad. ² Duon daan mo otow diyo no naniid ko og oyjagon buwa ni Hisus sikan no otow to aldow no igpoholoy dow doon daan igkasubong ligkat kandin ³ Si Hisus nig kagi do’t otow no nakomoy, hondini ka." Dow inponginginsaan din ka mo otow, ⁴ "Nokoy ka intugot to balaod no angayjan og hinangon to aldow no igpopoholoy? Ka pogbulig hoy pogdoot? Ka bpogluwas buwa to kinaboyi to otow dow ko poghimatoy?" ⁵ Inpitow kandan ni Hisus duma to kabolo dow katalong tongod to pogkamaroson to kandan no mo ulo. Dow nigkagihan din ka otow, “Kotongan ka koykow no bolad.’’ Dow inkotong to otow ka kandin no bolad dow noulian on. ⁶ Hoy nang ongkud to sinagoga ka mo Parisiyu dow nigmakigkita diyo to mo sakop to panongan ni Hirudis dow nigpalano kandan to poghimatoy ki Hisus. ⁷ Si Hisus dow ka kandan no mo tinuonan nigmongondiyo to lanow to Galiliya dow insonod kandin to moho-in no mo otow, soini no mo otow ligkat to Galiliya, to Hudiya, ⁸ to Herusalim, ka mo sakop to Idomia dow ka doyipag to Hurdan dow ka mo dani to Siyudad to Tiru dow ka Sidun. Nangondiyo kandan ki Hisus so nakarinog kandan to mo botang no inhinang din. ⁹ Insogo ni Hisus ka mo tinuonan din to pog andam to sakayjan aang to kandin, atok hangkuwan ko og koligpit kandin to mo mohon-in no mo otow. ¹⁰ Mohon in ka mo otow no in oyjag din no tongod to sikan ka tibo no doon og guramon nigmoiilogoy nog dani tog pagongon kandin. ¹¹ Hoy no napitow si Hisus to mo otow no insoloran to maroot, nighapa kandan to tangkaan din dow nanguloyi, “koykow ka Anak to Magbabayjo?” ¹² Di amani in panongnong kandan ni Hisus no kono dan sikan igpamatbat ko hontow kandin. ¹³ Dow nigtakolog si Hisus diyo to bubungan dow inpongomow din ka mo otow no iyan din og pilion. Dow kandan nig mandani. ¹⁴ Nigpili kandin to sampolo hoy daruwa no og ngaranan din to mo Apostoles. Nigkagihan di kandan, “Inpili ko kaniyo no og duma kanak dow igpadaa kaniyo nog pamatbat. ¹⁵ Dow nakaraw-wat kow to gahom no kaniyo kag-orol to mo otow maroot." ¹⁶ Iyan soini ka sampolo hoy daruwa no inpili ni Hisus. Si Simon no inngaranan din ki Pedro. ¹⁷ Ka mo anak ni Sebediyu, si Santiagu dow si Huwan, no inngaranan din ki Bowanirgis, to ita pa, “Mo anak to logong.’’ ¹⁸ Si Andres, si Felipe, si Bartolome, si Matiyo, si Thomas, si Santiago no anak ni Alfeyo,si Tadiu, si Simun no Cananeyo. ¹⁹ Dow si Hudas Iscaryote no nig lubos kandin. ²⁰ Dow nigsolod si Hisus to sagbuka no baloy dow nonohimon do naan diyo ka mo dakol no mo otow, tongod to soini si Hisus dow ka mo tinuonan din warad nanahon nog mokoon. ²¹ To pokataga to mo karumaan din nig on diyo kandan to pogporot kandin so narinog dan man no nalangog kandin. ²² Dow ka mo tig sagbuka no mo talag-anad to balalod no nakaoma ligkat to Herusalim nigkagi, “Dooto kandin si Beelsebul, ka Agalon to mo maroot iyan og bugoy to kandin no gahom to inngaran to mo yawa.’’ ²³ Tungod to soini inpadani ni Hisus ka mo otow dow nig nangonan din to mo Sampitan, “Omonowon man si Satanas pog ngaran ka Satanas? ²⁴ Ka mo otow to sagbuka no banwa og onoy og mooongayjay, og karoog sikan no banwa. ²⁵ Ka sagbuka no sakop to songo gipolon og kabayin dow og onoy nog mooongayjoy, og kabongkag do iyan sikan gipolon ²⁶ Oyjow ka gingharian ni satanas og kabohinboyin, kono soini og parayjon ko kono og koroog hoy og kaponga on. ²⁷ “Warog makasulod to baloy to sagbuka no otow no maroson nog makatakow to kandin no mo kalaglagan gawwas ko og bakoon ka otow no maroson, hoy mokohinang on kandin nog takow to mo kalaglagan to mo otow. ²⁸ Doromduma now soini, og kapasaylo ka mo otow to tibo dan no mo salo dow ka tibo dan inkagi no mo maroot. ²⁹ Di ka mo otow no nigsumpalit to Espirito Santo kono iyan og kapasaylo so nokohinang man to salo no konad iya’g kaawwo.’’ ³⁰ Inkagi soini ni Hisus no doon tig sagbuka no mo otow no nigkagi to insoloran to maroot no Ispiritu. ³¹ Dow nig omma ka inoy dow ka mo pataltalaharin mo lokos ni Hisus. Diyo kandan to libwasan to baloy dow nig pasogo kandin tog kaliyag nog pakigpitow kandin. ³² Nigpinno dow nig limlimoran si Hisus to mohon-in no mo otow dow nigkagi kandin diyo to kandan, “Ka koykow no inoy dow mo solod sooyjo to libwasan kaliyag nog pokigpitow koykow.’ ³³ No migkahi si Hisus, “Nakataha kow naa ko hontow ka inoy ku hoy ka sulod ku?” ³⁴ No impanil-ap-sil-ap ni Hisus ka moo tow no naminnuu no nakalingut kandin to migkahi, “Soin ka inoy ku woy ka mo sulod ku!” ³⁵ Ka minsan hontow no oghimu to igkoupii to Magbabayjo, iyan sikan ka inoy ku, hoy ka atoboy ku.”