¹ Pogligad to pila no aldow nig-uli si Hisus diyo to Capernaum hoy nabantug no ko uli on kandin diyo’t kandan. ² Koy naan ka nandani ka mohon-in no otow hoy niglilimod limod diyo taman to napuno ka baloy hoy nig hoot kandan agad duon to dani to lukob. To duon no si Hisus nanaysay to maroyjow no balita diyo to kandan. ³ Duon nono ko uma no nig alap to sagbuka no pugkot nno nig lanting to hup-at no otow. ⁴ Tungod to kohun-in to otow, waro kandin naka dani ki Hisus, koy naan ka nig nang awo ka sagbuka no atop doon to lungsod ni Hisus hoy intonton dan ka pugkot no nig hibat doon to hibatan din. ⁵ Nigkita ni Hisus no amana no dakol ka pogtoo ran kandin koy naan ka nigkagiyan din ka pogkot, "Anak, inpasaylo on ka kaniyo sayjop." ⁶ Duon pila no talagtudlo to balaod no nig pinoo diyo no nig kagi to koogalingon, ⁷ "Maniyo man to nig kagi kandin to iling to soikan? Pogsumpalit sikan to Diyos waro otow no og makapasaylo to sayjop, ko kuno iyan do ka Diyos." ⁸ Di nasabot ni Hisus ka kandan no nig suman suman koy naan ka nig kagi kandin kandan, "Maniyo man to nigsuman suman kow man tosikan? ⁹ Hundoi man ka malumo: ka pog kagi ba dot pogkot, ka salo no inpasaylo on, hoy ko iyan kapog kagi, onow ka alapa nu ka nighibatan no hoy hipanow'? ¹⁰ Kuntoon igpapitow ko kaniyu no ka anak to otow doon gawom dini to tano to pog pasaylo to sayjop. Koy naan ka nigkagi kandin dot pogkot, ¹¹ "Onow ka alapa ka nighibatan nu hoy uli kad diyo’t kaniyu." ¹² To doon nig pitow kandan tibo, nig unow ka pogkot, nigpurot din ka nighibatan hoy agpas nig hipanow. Tungod to soini amana nabulong ka mo otow hoy nig sayjo dan ka Diyos kandan nigkagi, "Waro koy pad sukad nigkita to soini." ¹³ Niglibod non si Hisus diyo’t dapig to lanow to Galiliya. ¹⁴ Duon sungo panon to kaow-otawan no nigdani kandin hoy nig tudluan din kandan. Hoy to doon nighipanow kandin, nigkita rin ka talagporot to buwis no si Levi, Anak ni alpius. Nigpinoo kandin diyo’t opisina rin. Nigkagi si Hisus kandin, "Sunod ka kanak." Nigsasindog si Levi hoy nig sunod kandin ¹⁵ Mohon in ka nigsunod ki Hisus to doon no nig koon kandin diyo’t baloy din doon mo otow no talag porot to buwis hoy makasasalo no nakig togon kandin koy to mo tinoonan din. ¹⁶ To sikan no banwa doon magtutudlo to balaod no mo parasiyo hoy nigkita ran si Hisus no nakigtugon to soini talagporot to buwis hoy to mo makasasalo koy naan ka nanginso kandan dot tinoonan ni Hisus, "Mani man nakigtogon man kandin do to mo talag porot dot buwis hoy to makasasalo?" ¹⁷ Nigdinog si Hisus hoy nig tabak, "Waro nig kinanghanglan ka mo otow no maroson to mananambal ko kono iyan do ka masakiton do. Waro a nighundini to pog parapit to mo matarong ko kono dini a to makasasalo." ¹⁸ To sikan no higayjon, waro nigkokoon hoy nigdayjan to Magbabayjo ka sumusunod ni Huwan magbubunyag hoy ka mo parisiyo. Duon pila no otow no nig hundiyo ki Hisus hoy nanginso kandin, "Maniyo man to waro nig koon hoy nig dayjon ka tinoonan ni Huwan no magbubunyag hoy to mo tinoonan to parisiyo, di ka tinuonan no waro? ¹⁹ Nig tabak si Hisus, "Ogkaayjon naan to no og puasa ka sakop dot tog sakatan no ka lukos diyo pad to kandan, kuno iyan?" ²⁰ Di ko ogporoton ka lukos, human pad kandan og puasa. ²¹ Warad on og gamit to bag o no manggad oyjow igtapak to gisi dot tahan no kinabo, su ko oghimoon din soini ka bag-o no manggad makagisi dot tahan no kinabo hoy nasi og dakol ka gisi ²² Hoy waro ogsuloob to bag on no inomon duon to tahan no tago-anan no laplap so ka bag o no inomon og makagisi dot tahan notago anan hoy og kaduot ka tago anan so og karaat ka inomon. Nig kagi kandin kanaanglan no bag-o ka laplap no ug tanolon para to bag o no inomon." ²³ Sagboka no aldow to poghimoloy, si Hesus hoy ka mo tinuonan din diyo to kamot to trigo. Tagood pighipanow kandan, ka mo tinuonan din nalupo to mo unod to trigo. ²⁴ Koy naan ko mo Parisiyo nigkagi ki Hisus, "Pitawba nu, sukol to kanta no balaod ka inhimo to mo tinuonan to aldow topoghimoloy?" ²⁵ Si Hisus nigtabak, "Waro kow ba nakabasa to inhimo ni David taguod no nig gutasan kandin hoy ka mo duma rin? ²⁶ Nigsolod kandin diyo to baloy to Diyos hoy nigkuon to paan no inhalad to Diyos. Soini nahitabo to panahon ni si Abiator iyan pangulo to pari. Sumalo to kanta no balaud, ka mo pari do ka ogpakakoon so soini paan no in halad, di si David nigkuon to soini hoy nigpakuon din pad ka mo duma rin?" ²⁷ Hoy nigkagi si Hisus, "Ka aldow to pog pohimoloy nighimo para to otow. Di waro himoa ka otow to aldow to poghimoloy. ²⁸ Koy naan ka anak to otow to aldow iyan og buot buot to angayjan no og himuon agad aldow to poghimoloy."