1
Pogkapunga migdoyipag si Hisus to lanow to Galiliya (hoy lanow to Tebirias)
2
Migsundul kandin ka masulug amana no mo otow so nakita ran man ka mo koin-inuwan inhimo rin diyo to masakiton.
3
Nigtakurog si Hisus to sagbuka nu bubungan duma to kandin nu mo tinuoran hoy nigpinnuu sikandan.
4
To sooyjo nu timpo marani un ka kawologan to pogligad.
5
Hoy migpamitow si Hisus to masulog nu mo otow nu nigparulod diyo to kandin, migkagi kandin ki Felipe, "Hondoi ki ugmakaboli to olog to pogkoon to soin nu mo otow?"
6
(Inkagi rin soin to pog-olog-olog ki Felipe di natagaan un si Hisus ko nokoy kag buwaton din.)
7
Si Felipe migtabak, "Agad pod ko ugbuli ki to paan nu bali to daruwwa nu gatus (200) nu denario kono pad iyan olog nu igpakoon to soin mo otow."
8
Sagboka to kandin nu tinounan nu si Andres sulud ni Simon Pidru migkagi ki Hisus.
9
Doun batu nu lukos kayi no roun lalimma nu paan nu sebada hoy daruwwa nu isda. Di ugmonowon man soin to mo otow?"
10
Si Hisus migkagi kandan "Papinnuu now ka mo otow" (Doon mohon-in sagbot nu nanubo) Nokoy naan nangpinnuu ka mo otow no mohun-in nu lalimma nu lino (5000)
11
Hoy inpurot ni Hisus ka paan, nigpasalamat to Diyus hoy inlugob-lugob din ka paan diyo to mo otow. Iyan daan ka inhimo to isda hoy kandan tibo nakakoon.
12
To nanga-antoy o ka tibo, migkagi kandin to mo tinuonan din. "Ko anu ra sikan so samu oyjow kono ug karaat."
13
Inhipos dan ka timo nu mo samu to lalimma nu paan nu sebada nu inpakoon to mo otow hoy nangapuno soin to sampulu lu hoy daruwwa ka bukog.
14
To pogkakita to mo otow ka koin-inuwan nu inhimo ni Hisus migkagi kandan, "Sikandan iyan ka Propita nu ugkagiyan diyo to kasulatan nu oghondini to kalibotan.
15
Nataga si Hisus nu nig dalapak sikandan oyjow to oghimuwon sikandin nu hari nokoy naan niglibod kandin diyo to bubungan nu sagsawboka.
16
To ugpangilumkilum un, nanghondiyo to lanow ka kandin nu mo tinuonan.
17
Hoy nanakoy kandan to balangoy hoy nighondiyo to Capernaum.
18
To sooyjo nu timpu, dakol amana ka luwak tungod to makusog ka kalamag.
19
Ka mo tinuonan nakapangalis un to lalimma hoy hon-um nu kilometro so nakitaran si Hisus nu nighipanow diyo to woyig hoy nu marani un sakayjan nangahaldok kandan.
20
Si Hisus migkagi kandan, "kono kow kahaldok kanak soin.
21
Inpasakoy ran si Hisus saguguno nu ka sakayjan nig-uma diyo to ugparulogan dan.
22
To sundul nu aldow ka mo otow nigpabilin diyo to doyipag to lanow, nakita ran nu sagb uka ru ka ug kasakayjan. Nataga kandan nu si Hisus waro nigsakoy duma to mo tinuonan din nu nigligkat nu kadan du.
23
Di doon duma nu balangoy ligkat to Tiberias nu nighinguma nu marani to inkoonan to paan to mo otow hoy nakapasalamat to Magbabayjo.
24
To natagahan un to mo otow no waro un si Hisus hoy ka mo tinuohan din, nanakoy kandan to balangoy hoy nangondiyo to Capernaum oyjow pogpammitow ki Hisus.
25
To nakita ran un si Hisus diyo to doyipag to lanow nigkagi kandan "Talagpanulo, kon-o ka pa nighinguma kayi?"
26
Si Hisus nigtabak, "Ogkagiyon ko kaniyo: Nigpammitow kow kanak kono so nakasabot kow to paan hoy nangahantoy.
27
Kono kow unag para ko pogkoon nu ogkaroot du ko kono to pogkoon nu ugmakabugoy to kinabuhi no waro katammanan soin nu pogkoon labogoy kaniyu to Anak to otow, so diyo to kandin ka pog-oyjon to Diyus nu Amoy.
28
Nokoy naan, nanginso kandan, "Nokoy man ka ug himowon noy oyjow to pogtuman to mo inpohimo to Diyos?
29
Si Hisus migtabak, "ka himuwonon nu inpohimo to Diyos kaniyu iyan nu nigtuo kow to in pa-alap din"
30
Nigtabak kandan, "Nokoy no mo koin-inuwan ka igpakita nu kanami oyjow ogtuo koy koykow? nokoy man kag himowon nu?
31
ka kamanigoonan noy namangoon to mana diyo to kahilawwan sumalo to inlalag to kasulatan. "Inbogayjan kandan to paan nu ligkat to langit."
32
Si Hisus nigkagi, "Ogkagiyan ko kaniyo: kono no si Muwisis ka nigbogoy kaniyu to paan nu ligkat to langit; ka amoy ko ka nigbogoy kaniyo to paan nu ligkat to langit.
33
So ka paan nu inbogoy to Diyus iyan kandin ka nigluno ligkat to langit hoy nigbogoy to kinabuhi to kalibutan.
34
Nigkagi sikandan, "Magbabayjo, bogayji koy kanunoy to sikan nu paan."
35
Si Hisus nigkagi kandan, "kanak iyan ka paan nu og bogoy to kinabuhi. Ka og hondini kanak kono un iyan ug gutasan hoy ka ugtuo kanak kono un iyan ugkamaraan.
36
Inkagiyan kod un kaniyo nu, nakakita kow un kanak di waro ko migtuo.
37
Ka tibo nu inbogoy kanak to Amoy ko ughondini kanak hoy ka oghondini kanak kono ko iyan igbalagad.
38
So mig-uno a a ligkat to langit kono oyjow poghimo to kanak nu ugkaliyagan ko kono oyjow to poghimo to ugkaliyagan to nigpa-alap kanak.
39
Nu soin ka igkaliyagi to nigpa-alap kanak: no kono a ugkaawa-an to agad sagbuka to tibo nu inbogoy rin kanak, nu ugbatonon ko sikandan to katammanan no aldow.
40
So ogkaliyag ka Amoy ko nu ogmakakita to Anak hoy ugtuo kandin hoy ogmakarawwat to kinabuhi no waro katammanan hoy ogbatonon ko sikandan to katammanan to Aldow.
41
Ka mo otow nigbagutbot hoy nigkagi, "Kanak ka paan nu ligkat to Langit"
42
Nigkagi kandan, "Kono ba nu si Hisus sika nu anak ni Hosi?Nataggahan ta ka amoy hoy inoy rin nokoy naan tog kagi kandin nu ligkat kandin to langit?"
43
Si Hisus migtabak, "Kono kow bagutbot"
44
Waro ug mokohondini kanak ko kono ka Amoy ko ka nigpa-alap kanak iyan ogparani kandin kayi to kanak hoy ugbatonan ko kandin to katammanan to aldow.
45
Ka mo Purupita nigsulat nu "ka tibo nu otow ug anaron to Diyus" ka ug pamminog to Amoy ko ug ligkat kandin poiling kanak.
46
Di waro soin nigpasabot no roon nakakita to Amoy. Sikandin nu ligkat to Diyus iyan do nakakita to Amoy.
47
Ogkagiyan ko kaniyo. ka ugpalintutuo dou kinabuhi no waro katammanan.
48
Kanak ka paan nu ogbogoy to kinabuhi.
49
Ka kaniyo nu kamanigoonan nigkoon to mana diyo to kahilawwan. Agad pad to nangoon kandan di nangamatoy rod kandan.
50
Di soin ka paan nu nighondini ligkat to langit oyjow agad hontow ka ugkoon to soin hoy kono ogkamatoy.
51
Kanak iyan ka paan nu ligkat to langit no ogbogoy to kinabuhi ka ogkoon to soin nu paan kono iyan ogkamatoy hoy ka paan nu igbogoy ko iyan ka lawwa ko oyjow ug kabuhi ka kalibotan.
52
To nigpaap-apuloy ka mo otow. "Ogmonowon man to soin nu otow to pogbogoy kanta to lawwa rin oyjow ogkoonon?" nanginso kanak.
53
Si Hisus nigkagi kandan, "Ugkagiyan ko kaniyo: "Ko kono kow ug koon to lawwa to Anak to otow hoy kono og-inom to langusa rin, kono kow ugmakaangkon to kinabuhi.
54
Ka ugkoon to lawwa ko hoy ug-inom to langusa ko duo kinabuhi nu waro katammanan hoy ogbatonon ko kandin to katammanan to aldow.
55
So ka lawwa ko iyan tutuo pogkoon nu hoy ka langusa ko iya ka tutuo no inomonon.
56
Ka ugkoon to lawwa ko hoy og-inom to langosa ko ogpo-ungkod kayi kanak hoy ugpo a diyo to kandin.
57
Ka Amoy ko nu buhi iyan nigpa-alap kanak hoy so tungod kandin buhi arod man. Ka ugtoon kanak ugkouyjag pibayjo kanak.
58
Nokoy naan, soin ka paan nu nighondini ligkat to langit. Kono soin iling to paan nu inkoon to kaniyo nu kamanigoonan hoy nangamatoy kandan. Ka ogkoon to soin nu paan ugkauyjag to katammanan.
59
Inkagi soin ni Hisus to nigpanulu kandin diyo to sinagoga to Capernaum.
60
Nohon-in to tinuonan din ka nakarinog to soin ug nigkagi "Malugon soin nu ogdawwaton nu inpanulu din. Hontow ka og-uyjon to soin."
61
Agad waro nigkagi kandin, nataga si Hisus nu nigbagutbot ka mo tinuonan din tungod to soin. Nokoy naan, inkagiyan din kandan. "Nakapalutoy ba soin to kaniyo nu pogtuo kanak?
62
Omba naan ko ugkakita nu kanak to otow no ogbatonon libod diyo to in ligkatan, malutoy ko naan do buwa?
63
Ka nigbogoy to kinabuhi iyan ka Ispiritu to Diyus ko kono soin ogkoyimo to lawwa. Pinabayjo to mo lalag nu ogkagiyon ko kaniyu, ogkatuonan now ka Ispiritu no og bogoy to kinabuhi.
64
Di pila kaniyo kono ogtuo" (Nataga si Hisus ko hontow ka kono ugtuo hoy hontow ka uglobos kandin)
65
Hoy nigtimol to nigkagi kandin, "Iyan man nu inkagiyan ko kaniyo no waro ogmohondini kanak ko kono pinabayjo to Amoy.
66
No puun duon, mohon-in ka mo sumusunud din no mig-ongkod hoy waro on migduma kandin.
67
No migkagiyan ni Hisus ka sumpulu hoy daruwa (12) no sumusunud din, "No kanikyu, og-ongkoran na-an doma ni kkaniyu?"
68
Migtabak si Simun Pidru, "Magbabayjo, hontow naan ka ogkoondiyoan noy? Koykow ro ka duon kagi no ogpakabogoy to umul no waro ogkatamanan.
69
Migpalintutuu koynaan koykow hoy nanongnongan noy no koykow iyan ka Maroson no in-alam to Diyus."
70
No migkagiyan kandan ni Hisus, "Koddioy iyan ka mig-alam kaniyu to sapulu hoy daruwa (12). Koynaan agalon to mo busow ka saboka kaniyu."
71
Si Hudas anak ni Simun Iskaryuti ka ogkagiyon ni Hisus, su agad saboka kandin to sapulu hoy daruwa (12) no sumusunud, kandin iyan ka og-akal ki Hisus.