¹ Pogkaponga to sikan, nigligbot-ligbot si Hisus to Galiliya inpanaliyahan din ka poghondiyo to Hudiya tongod so ka mo agalon to mo Hudiyu nigbantaan to poghimatoy kandin. ² Hoy. To duon marani on ka pogsaolog to mo Hudiyu to intawag no kasaologan to mo tolda, ³ nigkagi ka mo sulud ni Hisus kandin, ongkod dini hoy hondiyo to Hudiya oyjow kakita to mo sumusunud no ka mo kabolonganan no inbuhat no. ⁴ So waro otow no og holos to kandin buhat ko kaliyag kandin ogkohimo no bantoganon. Di ko oghinang ka iyan to soin mo kabolongan ipapitow nod lang soi to tibo! ⁵ (Iyan soi ka inkagi to mo sulud ni Hisus so agad kandan waro man nigtu-u kandin.) ⁶ Nigkagi si Hisus kandan, kahinang now no og hinangon ka og kaliyagan now agad nokoy no panahon. Di para kanak, kono pad soi ka sakto no panahon no og himoon ko ka angayjan ko no og himoon. ⁷ Kono kow ogdumutan to mo otow kayi to ingod. Di kanak indumotan dan so inpapitow ku man no maroot ka hinimuan dan. ⁸ Kaniyu ra ka amut to kasaulugan. Kono a og-amut su kona pad soi no ulong no panahon ku. ⁹ Ponga rin soi nakagi kandan diyu to kandan diyu pad kandin to Galiliya. ¹⁰ Di duon to niglikat on ka mo sulod ni Hisus ojow no ogtambung to kasaulugan, nigsundul si Hisus no waro nantaga su ima rin no kono ogkatagahan to mo otow no diyo kandin. ¹¹ Diyo to kasaulugan, inpangaha kandin to mo agalon to mo Hudiyu. Nigkagi kandan, hondoi kandin? ¹² Pahawhagasa ka mo otow mahitongod kandin. Ka duma nigkagi, “Maroyjow kandin no otow. Di ka duma da-an nigkagi, “Kono sikan no tutu-u so inlimbongan din do mo otow. ¹³ Di waro sagboka no nigpasalig mahitongod kandin, so kahaldok kandan to mo pangulu to mo Hudiyu. ¹⁴ Hoy to og panongatonga on ka kasaologan, nighondiyo si Hisus to timplu hoy nanulo. ¹⁵ Nabolong-bolong amana ka mo pangulu to mo Hudiyu. Nigkagi si Hisus kandan, hondoi ba nakaporot to kaalam soi no otow? No waro kandin nokooskela. ¹⁶ Nigkagi si Hisus kandan, ka mo inpanolo ko kaniyo waro nigligkat kanak, kono nigligkat to Amoy no nigpa-alap kanak. ¹⁷ Agad hontow no og kaliyag no og tuman to kabubut-on to Diyus, ogkama-an ko ka kanak inpanolo likat ba to Diyus hoy ligkat do kanak. ¹⁸ Ka otow no nigpanolo liku to kandoin kougalingon no kaalam ogpabantog do to koogalingon din. Di ka ogpabantog to nigpa-alap kandin, iyan ka ogkatoohan hoy kono no obaton. ¹⁹ Kono ba no bogoy man ni Muysis kaniyo ka kasugoan? Di waro iyan agad sagboka kaniyo no nigtuman to soi tongod ko ogtuman kow pad, maniyo to og kaliyagan a now og himatayjan? ²⁰ Ka m otow nigtabak, “Insuluran ka buwa to maroot no ispiritu? Maniyo, hontow mana-an ka ogkaliyag no oghimoloy koykow? ²¹ Nigkagi si Hisus, “Nabulong-bulong kow tongod so duon otow ko no oinpoolian to aldow no ighimoloy. ²² Di sumansumana now ro: Intudloan kow ni Muysis no kinangolamn ogtolion ko kaniyo no mo anak no lokos. (Di soin waro nigsogod ki Muysis ko kono to nohun-a now pad iyan no mo kaap-apuan). Koy na-an inhimo now soi agad to aldow no ighimoloy.. ²³ Ko ogtulion now iyan ka bato to aldow no ighimoloy oyjow kono now ogkalapas ka kasoguan ni Muysis maniyo to og kabolo kow man kanak tongod so inpoolian ko ka sagboka no otow to aldow no ighimoloy? ²⁴ Kono kow pad oghukum no maroot ka inhimo to otow ko waro now pad maluoy. Luoyjua now pad oyjow og kamaanan now ka tutu-u. ²⁵ Duon mo taga-Hirusalim no nigkagi, “Kono ba no soi ka otow no ogkaliyagan no og himatayjan to kanta no mo pangulu? ²⁶ Di duon kandin nakigkagi to tangkaan to mo otow, hoy ka kanta no mo pangulu waro igkakagi mahitongod kandin. Nokoy buwa, namaan on ba kandin no kandin ian ka Kiristu? ²⁷ Di namaanan ta ko hondoi ligkat soi otawa. To pog-abot to Kiristu waro namaan ko hondoi kandin ligkat. ²⁸ In agbotan ni Hisus ka lagong din diyo to timplu. Nigkagi kandin, Namaanan now on ba ko hontow ah, hoy hondoi a ligkat? Ka tutu-u, waro a nighondini to kanak no koogalingon no pogbuot, ko kono ka tutu-u no Diyus iyan ka nigpa-alap kanak. Waro now kandin noilohi. ²⁹ Di kanak nokoila kandin, tongod so kanak ligkat man kandin, hoy kandin ka nigpa-alap kanak. ³⁰ Tongod to soini inkagi ni Hisus, dakopon on porom kandin to mo pangulu to mo Hudiyu. Di waro nigdakop kandin so waro pad man nig-uma ka kandin no panahon. ³¹ Agad pad to sikan, mohon-in pad da-an to mo otow ka nigtu-u kandin. Nigkagi kandan, “Kandin on iyan ka Kiristu, so waro agad hontow no pakalabow to mo kabolong-bolongan no inhimo rin. ³² Nakarinog ka mo parisiyu to poghahagasay to mo otow mahitongod ki Hisus, koy na-an kandan hoy ka pangulu to mo pari nigsugu to mo talagbantoy to timpu no ogdakopon si Hisus. ³³ Nigkagi si Hisus, “malopot na-an do ka panahon no pakigduma a kaniyo tongod so og libod ad on to nigpaalap kanak. ³⁴ Pamitawon a now di kono a now ogkakita, tongod so kono kow og pokohondiyo to og hondiyaan ko. ³⁵ Nigpanginginsoan ka mo pangulu to mo hudiyu. Hondoi kandin og hondiyo no kono tad kandin ogkakita? Nokoy, og hondiyo ka kandin to mo siyudad to mo Girigo. (Ko hondoi nakasowoy-sowoy ka duma no mo Hudiyu) Oyjow ogpanolo to mo Girigo? ³⁶ So mani to nigkagi kandin no pamitawon a now di kono a now ogkakita, tongod so kono kow og pokohondiyo to og parologan ko? ³⁷ Hoy, nig-abot ka katamanan no aldow to kahologan. Iyan soi ka mahinongdanon amana no aldow to kohologan. Soin no aldow nigtindog si Hisus hoy nigkagi to maagbot, “Agad hontow no inlakahan og dani kanak hoy og inom. ³⁸ Su sumalo to kasulatan, agad hontow mno ogtu-u kanak, og simi ligkat to kandin ginawa ka woyig no nigbogoy to kinaboyi. ³⁹ (Ka buot igpasabot ni Hisus to woyig no nigbogoy hoy kinaboyi iyan ka Ispiritu santu no maranid on ogkadawat to mo nigtu-u kandin. To sikan no higayjon waro pad inbogoy ka Ispiritu Santu, tongod so waro pad niglibod si Hisus diyo to langit.) ⁴⁰ Mohon-in mo otow ka nakarinog to inkagi ni Hisus ko roma nigkagi, soi no otow iyan on iyan ka Purupita no kanta no inpaabot. ⁴¹ Nigkagi da-an ka duma, “Iyan on soi ka Kiristu! Di duon da-an nigkagi, kono og kahimo, so ka Kiristu kono og ligkat to Galiliya! ⁴² Kono ba nigkagi man ka kasulatan no ka Kiristu ogligkat to kabuwaran ni Dabid, hoy ogkaotow to lunsud to Bitlihim no banwa ni Dabid? ⁴³ Koy na-an nigkoloin-loin ka pogtu-u to mo otow mahitongod ki Hisus. ⁴⁴ Ka duma kandan ogkaliyag no og dakop di waro maka amol poghimo to soi. ⁴⁵ Koy na-an, manlibod ka mo talagbantoy to timplu diyo to pangulo to mo pari hoy mo Parisiyu no nigsugu kamndan to pogdakop ki Hisus. Pig oma to mo talagbantoy, nigkagi dayjon ka nigsaugu kandan, mani waro now kandin dakopa hoy alapa dini?” ⁴⁶ Nigkagi ka mo talagbantoy, “kuntoon koy pad iyan nakarinog to otow no iling to sikan og pangagi. ⁴⁷ Nigkagi ka mo Parisiyu, “ka boot now igpasabot no agad kow haholosan din da-an? ⁴⁸ Duon ba nakitaa now no Parisiyu hoy sagboka to kanta no mo pangolo no nigtu-u kandin? ⁴⁹ Waro iyan! Ka mo otow do no waro nataga to kasuguan ni Muysis ka nigtuu kandin. Tongajawan iyan kandan to Diyus. ⁵⁰ Ka sagboka to soini no mo Parisiyu iyan si Nikudimu. Iyan soin ka otow no nakig pitow to sikan ki Hisus. ⁵¹ Nigkagi kandin to mo karomahan din, “Kono ba supak to kanta no kasugoan no og hukuman ka otow to kono ta pad ogkarinog ligkat kandin ko nokoy ka inhimo rin? ⁵² Nigkagi kandan ki Nikudimu, “Nokoy, anat ka da-an to taga-Galiliya! Sosiya no ka kasulatan hoy kakita nu no waro iyan Purupita to Diyus no nigligkat to Galiliya. (Pogkaponga to sikan naman-uli kandan tibo.) ⁵³ (Pogkaponga to sikan naman-uli kandan tibo.)