¹ No duon sagboka no pangulu to mo Hudiyu no nigngaranan ki Nicudimu no sagboka no sakup no niglimud-limud to mo hibatoon. ² Sagboka no marusilom to sikan no nighondiyo sikandan ki Hisus dow nigkagiyan ko koykow, "Rabi namaanan doy no si koykow ka sagboka nogpang-anad no impaalam to Magbabayjo. Waro otow nog mokohimu to mo saguguno no koykow no nighimu gawas no ka Magbabayjo no duma sikandan.” ³ Si Hisus nigtabak, “Nigkagiyan ko koykow no warog kakita no mo pangulu to Magbabayjo gawas sikandin ko og ka otow ogkarayjon. ⁴ Monuwon nogkarayjon ka saboka no otow no bujag no? Nog konad ogmakarayjon diyo to gutuk to inoy din nogkouyjag ogkarayjon? Nig-inso si Nicudimo. ⁵ Nigtabak si Hisus, “Nigkagiyan ko si koykow warog makasolod to pangulu to Magbabayjo gawas kog ka otow sikandin pinabayjo to woyig hoy ka Ispiritu. ⁶ Ka in anak to otow dayjon hoy ka in anak to Ispiritu, Ispiritu dayjon. ⁷ Kono ogkalimud-limud no kanak ka nigkagi koykow kinanglan pogpoko otow kaniyu to pogkarayjon. ⁸ Ka kalamag nog horos agad hondoi kag himu-himu nogpohondiyo no ogkarinog no kag horos soini di warog kataga hondoi nigpuun. Amag dayjon soin katibo no mo otow pinabayjo to Ispiritu. ⁹ "Monuwon ta tog himu soin?" Nig-inso si Nicudimu. ¹⁰ Si Hisus nigkagi, “Waro ka nataga to soin mabantog kow man poron no mo pangulu to Israil? ¹¹ Ognangonan ko koykow to tutu-u ko nokoy ka nanongnongan doy hoy nakita, sikan dow ka igpamalogotan noy. Di waro kow nigpalintutu-u to guguron noy. ¹² Ko kono kag tu-u kanak no ingkagi koykow mayitongod to mo himan to soin kalibutan, monuwon no to pogpatuu dow’g kagiyan si koykow mahitongod to mo himan diyo to langit? ¹³ No waro pad noko hondiyo to langit gawas to anak to otow no niglono ligkat diyo to langit. ¹⁴ Angod to pigsaboka ni Muwisis diyo to kaholhollawan no ka ulod no burunsi no in tagu diyo to tukod, no ka anak to otow kinangolan no igsaboka dayjon. ¹⁵ Oyjow ka tibo no’g tu-u kandin ogmaka abin no’g ka uyjag to warog katamanan. ¹⁶ So niggoynawa-an amani to Magbabayjo kayi to ampow to tano hoy tongod to soin no imbogoy rin ka kandin no bugtung no anak, agad mo tibo no nigtu-u kandin no waro ogkamatoy ko kono og makaabin hoy na-an to kinabuhi no maroyjow. ¹⁷ Su waro impaalap to Magbabayjo ka kandin no anak no nighondini to tano. Oyjow to poglugpad ko kono oyjog to pogluwas to soin. ¹⁸ Ka tibo no nigtu-u to anak no konog baybayjaran di ka konog tu-u waro ogtu-u kandin oglogparan so waro nigtu-u to bugtung no anak to Magbabayjo. ¹⁹ Iling kayi iyan-iyan nog baybayjaran ka maawang no nighondini to kalibutan hoy inpaalag to mo otow ka marusilom hoy ka maawang so ka maroot ka hinang-hinang din. ²⁰ So ka tibo no nighinang to maroot warog kaliyag to maawang do warog dani to soini so waro nigbuot nog katagahan kamo maroot no hinang-hinang. ²¹ Hoy ka talaghimo samalu tumanan nogdani to maawang oyjow’g kitu-un kamo matinuohon si kandan to Magbabayjo" ²² Naponga soini, si Hisus hoy ka mo hibatoon no nighondiyo to probinsya to Hudiya. Nigpa ongkod diyo to makapila no aldow duma kandan to namunyag kandin. ²³ Namunyag nigdayjon si Huwan diyo to Enon no kono waro mariyo to salim hoy dakol no woyig diyo. Nighondiyo kandan to mo otow dow kandan nigpamonyagan din. ²⁴ To soyjo no panahon si Huwan waro pad napirisu. ²⁵ No duon kamo hibatoon ni Huwan no nigpakig apul to sagboka no Hudiyu moyitongod to tuuhon nogpanlinis. ²⁶ Nokoy na-an to nighondiyo kandin ki Huwan dow nigkagi, “Talagpanulu, natagahan no ka mo otow no duma sikandan diyo niglapas to Hurdan no inkagi no? Namunyag sikandin diyo to tibo.” ²⁷ Si Huwan nigtabak, 'Waro otow nog makagon-gon agad inangon hoy igbogoy soini to Magbabayjo kandin. ²⁸ Kaniyu ro iyan ka nakanong-nong hoy kanak ka nigkagi no kanak no kono iyan ka Misiyas hoy igpaalam kanak hun-a kandin.' ²⁹ Iling to sakata ka ogpangawsawa no og tatagad kandin hoy ka sikow hoy karinog ka lagong do togpangawsawa. ³⁰ Kinaanglan nogmakapa ampow hoy kanak makapadiralom. ³¹ Sikandin ka ligkat diyo to langit ampow to tibo. Sikandin ka ligkat diyo to tano ka nigligkat diyo to ampow to tano. So kandin iyan kanigkagi mahitongod to mo himan to tano so sikandin iyan ka ligkat diyo to ampow to tibo. ³² No iyan din impamalogotan no kagkakita rin hoy kag karinog din, hoy waro og makapalintutu-u to impanggugud din. ³³ Hoy sooyjo ka ogpalintutu-u to poglalag din, nigpamalogot no malogon ka inlalag to Magbabayjo. ³⁴ So ka insugu to Magbabayjo no nigkagi to mo pulung to Magbabayjo. To warog poko iling to Magbabayjo no bugoy kandin hoy Ispiritu. ³⁵ Amana no guinawa to Amoy to kandin no anak no ka tibo imbogoy diyo to kandan. ³⁶ No agad hontow no og palintutu-u hoy salig to anak din, ogmakaabin to kinabuhi no warog katamanan di ka kono ogpalintutu-u hoy ka ogsalig to anak din, kono ogpakaabin to kinabuhi no warog katamanan, no nasi kono ogmakaawo ka langit to Magbabayjo kandin."