¹ Pogligad to daruwa no aldow, duon kasal diyo lunsud to Cana to prubinsiya to Galilea. Diyo ka inoy ni Hisus. ² Inhinggat daan si Hisus hoy ka mo sumusunud din. ³ Hoy nahitabu noubus ka inumon para to kumbiti. Koynaan nigkagi ka inoy ni Hisus kandin, noubusan kandan to inumon. ⁴ Nigtabak si Hisus, kono a now kagihi ko nokoy ka angay ko noggimuwon. Waro pad nokouma ka kanak no panahun. ⁵ Inkagihan to inoy ni Hisus ka mo sumusunud din, himuwa now ka agad nokoy no igsugu din. ⁶ Duon tulumanon ka mo Hudiyu no og panhugas to kono pad ogkoon. Koynaan duon hun-an diyo no banga no batu, hoy ka matagsagboka og kataguan to mo 20 Poiling to 30 naka golun no woyig. ⁷ Nigkagi si Hisus to mo sumusunud, hipunoa now to woyig ka mo banga. Koy naan inhiponu dan soi. ⁸ Pogka ponga, nigkagi si Hisus kandan, "Hoo, sakug kow to sikan hoy alapa now diyo to sinaligan to kumbiti. Koy naan nigsakob kandan hoy in-alap diyo to sinaligan. ⁹ In-antihan dajun to sinaligan ka woyig no nohimu on to inumon. Waro kandan namaan ko hondoi likat ka inumon. (Di waro namaan ka mo sumusunud no nigsakug to woyig) Koynaan inpatawag din ka asawoonon. ¹⁰ Hoy inkagihan, naanaran on to duon mo katongod no og bogoy to marojow no kalasi to inumon to pogsugud to kombiti hoy ko mohon-in ka og inum no mo magaliyog, baratuhon do no inumon ka inbogoy dan. Di ikow loin, so kuntoon no ro inpalibwas amana no marojow no inumon. ¹¹ Soi no pangitabu to Cana to prubinsya to Galilia iyan ka hun-an kabolon-bolongan no nohimu ni Hisus. To kandin no nohimu inpakita rin ka kandin gahum, hoy nigtuu ka kandin ka mo sumusunud din. ¹² Ponga to kasal, nighondiyo to Capernaum si Hisus duma ka kandin no inoy, mo sulod no lukos, hoy mo sumusunud hoy nigpabilin kandan diyo to pilan ka aldow. ¹³ Magaan on ka kalibulungan to mo Hudiyu no intawag no kasaulugan to poglaboy to diwata. Koy naan nighondiyo si Hisus to Hirusalim. ¹⁴ Diyo to timplu nigkita rin no duon namologyo to ighalad no mo baka, kalniru hoy mo baka diyo to libwas to templu. ¹⁵ Impanbanggal din ko mo salapi to mo talag-ilis to salapi hoy inpanaliskad daan ka kandan mo lamisa. ¹⁶ Nigkagi kandin to mo namologyo to salapi, "puruta soi dini! kono now himua no bologyoanan ka baloy to Amoy ku" ¹⁷ To soi inhimu rin, nasumansuman to kandin mo sumusunud ka nasulat no nigkagi, "To pogdakol ko to ginhawa to baloy no iyan makahatod kanak to kamatayjon. ¹⁸ Tongod to pighimu rin, inpanginsaan kandin to sinaligan to mo Hudiyu, nokoy no kabolonganan ka igpakita no kanami to pogpamatuud no ikow duon gahum to poghimu to soini? ¹⁹ Intabak kandan ni Hisus, "dauta now soi templu hoy solod to tatolu no aldow og lindogon ko soi pog-usab." ²⁰ Nigkagi kandan, soi no templu inhimu solod to 46 no tuig og lindogon nu ro pog-isab solod to tatolu no aldow? ²¹ Di ka inhisgutan ni Hisus no templu iyan ka kandin no lawa. ²² Koy naan to duon inbaton kandin, nasumansuman to mo sumusunud rin soi inpankagi rin. Hoy nigtoo kandin to inpatahan on to kasulatan hoy to kandin kagi mahitungud to kandin no pogkabatun. ²³ To duon diyo si Hisus to Hirusalim, to panuhon to kohulugan to pogligad to diwata, mohon-in ka mo kabolonganan no inpahimu rin hoy mohon-in kandan ka nigtoo kandin. ²⁴ Di waro nigsalig si Hisus to kandan pogtuu kandin so namaan man kandin to tibo no otow. ²⁵ Konad no kinangolan no og kagihan pad kandin mohitungud to mo otow, so namaan on kandin tahan ko nokoy iyan ka duon to solod to kandan no gohinawa.