¹ To masolosolom to Duminggu, miggondiyo si Maria Magdalina to dalama no inlungagan no insalaban ki Hisus. No pogkita din naawo ka batu diyo to gumawan no insabalan. ² Hoy niggondiyo kandin ki Simun Pidru hoy sumusunud no goynawaan ni Hisus. Hoy nigkagiyan din kandan, "Inpurut dan on si Hisus, hoy waro koy kataga ko di uyana kandin." ³ Hoy, nigpaligawang si Pidru to insabalan hoy to sumusunud. ⁴ Namalaguy kandan, no masiyapat nogpalahuy si Pidru hoy nokouma kandin diyo to insabalan. ⁵ No pogkakita din on ka hinabol no waro kandin mogsolod. ⁶ Hoy nigginguma si Simun Pidru, no migundul kandin hoy nigsolod to insabalan. ⁷ Pigkita din ka hinabol, hoy ka imbukus to ulu ni Hisus hoy nataho loin to hinabol. ⁸ Hoy migsolod ka ka sagbokan sumusunud ne nokohun-a no migginguma diyo to insabalan, hoy pigkita din dutu hoy nigpalintutuu kandin no nouyag si Hisus. ⁹ (Palintutuu kandan to nasulat to Kasulatan no kouyag Si Hisus minsan waro pad kandan nasabutan.) ¹⁰ No nanguli o ka daruwa no sumusunud. ¹¹ Hoy si Maria migsinogow diyo to ligawangan to insabalan. Hoy nig-unduk kandin kagsoilang to insabalan. ¹² Hoy nigkita din ka daruwan Sinaligan to Magbabayjo, no maangkag ka mo kinabo, diyo migpinuu to inpoypabtan ki Hisus. Ka saboka diyo to koulunan din, ka saboka diyo to kasikuwayan. ¹³ Hoy nigkagiyan si Mariya, "Boyi mani to'g sinogow ka?" Kagi ni Mariya, "Uya su ingkuwa ran o ka lawa to Magbabayjo ku, hoy waro a nakataha ko hondoi dan o tahu!" ¹⁴ To pogkoimpus din tog kagi, nigkita di si Hisus ka nigsasindog, no waro kandin nakataga to si Hisus sooyjo. ¹⁵ No nigkagi si Hisus, "Boyi mani tog sinogow ka? Hontow man pamitawon nu?" Nigsumansuman din no talagpa-atiman to pinamula sooyjo, kanaa pigkagiyan din, "Ko koykow ka migpurut kandin kayi to insabalan, guguri a man ko hondoi nu pigsabuk su ogkuon ku." ¹⁶ No migkagiyan kandin ni Hisus, "Mariya!" mig-atubang si Mariya ka migkagi "Rabuni!" (Ka igpasabut, "Talagpanulu.") ¹⁷ No migkagiyan kandin ni Hisus, "kono ka oggon-gon koddi su waro o pad nabatun diyo to to Amuy. Di hondiyo ad to ampow diyo to Amuy ku no Amuy no rod, hoy Magbabayjo ku no Magbabayjo niyu rod." ¹⁸ Kanaa miggondiyaan o ni Mariya Magdalina ka mo sumusunud hoy impanggugudan din kandan to nakita din to inkagi ni Hisus kandin. ¹⁹ To pogkarusilom o to sooyjo no Duminggo, miglibulung ka mo sumusunud diyo to sinabong hoy migsiraduwan dan ka mo gumawan su kaaldok kandan to mo pangulu to mo Hudiyu. No miglopow o Hisus hoy migsasindog diyo to olat dan hoy migkagi, "Ka koupianan ogduma kaniyu." ²⁰ To pogkaponga din tog kagi, impakita din kandan ka mo bolad hoy ka kakiliran din. No nahalo-galo ka me sumusunud to pigkituon kandan si Hisus. ²¹ No pigkagiyan din man o kandan ni Hisus, "Ka koupianan ogduma kaniyu. Insugu a to Amuy kayji, no ogsuguon ku doma kaniyu." ²² No inniyupan din o kandan hoy migkagiyan, "Dawata niyu ka Panisingon to Diyus. ²³ Su hontow kag pasayluon niyu ko hontow to mo salo dan, impasaylu o kandan. Koynaan ko kono niyu ogpasayluon, waro kandan pasayluon. ²⁴ To pogginguma ni Hisus, waro si Tumas no ogngaranan ki Soping, ka saboka to sapulu woy daruwa (12) no sumusunud. ²⁵ Koynaan miguguran naan do kandin to duma no mo sumusunud to nakita dan ka Magbabayjo. ²⁶ To sabokan simana on ka migligad, miglibulung man o ka mo sumusunud diyo to sinabong, no duon, duma dan on si Tumas. Nasiraduwan ka mo gumawan koynaan to miglopow o man o Hisus hoy migsasindog diyo to taliwaro dan no migkagi, "Ka koupianan ogduma kaniyu." ²⁷ No inkagiya din si Tumas, "Hondini ka, pitawa nu ka bolad ku hoy tiyuka nu. Samsama nu doma ka pali kayji to kakiliran ku. kono kad duwa-duwa, ko kono, palintutuu kad on.'' ²⁸ No migkagiyan kandan si Tumas, "Magbabayjo ku hoy Diyus ku." ²⁹ No migkagiyan kandin ni Hisus, "Migpalintutuu ko naan su nigkita kad koddi? Ogpanalanginan sooyjo sog palintutuu keynaan waro nakakita koddi.'' ³⁰ Masulug pad mo koin-inuwan no inggimu ni Hisus no napamalogotan to mo sumusunud no waro nasulat to soini no basohon. ³¹ Koynaan ka nasulat kayji insulat oyjow ogpakapalintutuu kow no si Hisus ka Kristu no Anak to Diyus. No oyjow pinabayjo to pogpalintutuu niyu, ogkaangkon kow to umul no warog tamanan pinabayjo to pogsaboka niyu kandin.