¹ Pog hangkowan impapurot ni Pilato si Jesus no inpalampusan. ² No nighinang ka mo sundalo to kurona to mgo sogpang duo dugi hoy impa kurona ran ki Hisus. Impakinabu dan man-o sikandin to kinabo no impakogus to malalad. ³ Hoy nigpasomsoipoy sikandan ka og parani kandin no kagi, "Igpabantog ka Hari to Hudiyo!" ⁴ nigkagi diyo to mo otow, "kuntoo, og-oyjagon kod sikandin kayi to kaniyow oyjow ogpakanongnong kow to waro nakita ko no salo din." ⁵ No dotu, niglibwas o si Hisus no nigkokorona to dugi hoy ingkokolambu to kinabo no malalab. No nigkagi si Pilato diyo to kandan, "Pitawwa now! soini o sikandin!" ⁶ To pogkakita to mo pangolo to Pari hoy to mo talagtamong, nig-olaloy sikandan ka nigkagi, "Ilansang no sikandin to krus! Ilansang no sikandin! no nigkagiyan sikandan ni Pilato, "Ko iling man do sikaniyo ka ogkowo kandin hoy iglansang to krus, so waro iyan nakita ko no salo din." ⁷ Ni nigtabak ka mo Hudiyo, "Duo kanami no balaod no nig sugo no liots noghimatayjan, so kandin nigpaka-anak to Magbabayjo." ⁸ To pogkarinog ni Pilato duto nasi do man iyan sikandin nahaldok. ⁹ Di niglibod man duo sikandin diy to palasyo hoy nig-insu ki Hisus, "hondi ka iyan nig ligkat?" Hoy si Hisus waro nigtubak kandin. ¹⁰ Di si Pilato nigkagi kandin, "Kono ka ogtabak kanak? waro ka na maan no kanak duo guhom to pogloko koykow hoy poglansang koykow to krus?" ¹¹ Si Hisus nigtabak, "waro puron guhom no kanak ko waro soini imbugoy koykow to Magbabayjo. Di ka mo otow no nigdinal kanak diyo kaniyow mas dakol salo kono koykow. ¹² To pogkaringo ni Pilato soini, no nokal-nokal sikandin to pogloko kandin, hoy ka mo Hudiyo no nig-olaloy, "kog lukoan ko kandin nigpasabot iyan no kono higala to Emperador. So agad hontow no mo pangolo ko osig to Emperador!" ¹³ To pogkarinog ni Pilato to soini, nig-alam din si Hisus to gawas dow nig pinoo kandin to pino-owanan to nighukom hondiyo lungod to pigngaranan "Ka plasa no nona-olin bato." ( Nigngaranan soini to Hibrowanon to "Gabat' ) ¹⁴ No soyjo to maga-an ogkaodto hoy dispiras to kaologan to pogpasaylo. Hoy si Pilato nigkagi to mgo Hudiyo, "Soini ka kaniyow no hari!" ¹⁵ Hoy sikandin nig-ulaloy to nigtabak "Himatyaji sikandin! himatayji! ilansang sikandin to krus!" Si Pilato nig-inso kandan, "Ugkaliyag kow ba n igpalansang ko to krus ka hari?" Di pangolo to mgo Pari nigtabak, "Waro kantan hari gawas to Emperador!" ¹⁶ Moytongod soini imbugoy ni Pilatao si Hisus diyo to kandan oyjow ilansang to krus. Nokoy naan ka impaalam on si Hisus. ¹⁷ Hoy niglibwas sikandan no nig ti-ang to krus no noko-uma diyo lungod to in ngaranan "Lungod to Angka!" (Nigngaranan to Hibrowanon to Golgota") ¹⁸ No diyo Inlansang kandan kandin to krus. Duo dayjon daruwa no otow no inlansang dan to krus diyo ka sagbuka to gibang din, ka dangob diyo to kawanan ni Hisus. ¹⁹ Nigsulat si Pilato no inpangitaga hoy inpatago kandin diyo to krus ni Hisus. Soini ka nasulat, "Hesus no taga-Nazarit, no hari to mgo Hudiyo" ²⁰ Mohon-in ka mgo Hudiyo no nakabasa to soini tungod hondoi inlansang si Hisus kono no mariyo to siyudad. No inpangitaga to nasulat o to mo Hibrowanon, to latin hoy ka Grego. ²¹ Ka mo pangulo to mgo Pari nigkagi ki Pilato, "Kono now isulat ka hari no kandin ka mgo Hudiyo ko kono nigkagi kandin, "kanak ka Hari to mgo Hudiyo" ²² Hoy si Pilato nigtabak, "Dika nasulat ko, kono ko og ilisan" ²³ Naponga o si Hisus inlansang to mgo sundalo diyo to krus, nigpurot dan ka kandin no kinabu no inhandog handog dan to hom-at, sagbuka no bohin to baad sundalo. Nigpurot dayjon kandan to kinabu ka malayjat no waro tinoy-an. ²⁴ Di ka mgo sundalo nig-pakakagiyay, "Kono tag og gision, ogbalo-balo ki ro ko hontow kug makapangamonoy to soini. Noyitabo soini oyjow ogkatuman ka buhin to kasulatan no nigkagi, "Nigbohin-bohin dan ka kanak no kinabu, nig balo-balo ko hontow kag makapurot to kinabu no malayjat. Dika nighimo soini to mgo sundalo. ²⁵ Dani ka to krus ni Hisus sasindog ka kandin no inoy hoy ka sulod to kandin no inoy, si Maria no asawa ni Cliofas hoy si Maria Magdalina. ²⁶ To pogkakita ni Hisus to kandin no inoy hoy ka mo hibatoon hoy kandin ingoyinawaan no nigsasindog diyo, nigkagi kandan si kandin to inoy, "Molitan, sikandan ka anak". ²⁷ No nigkagi sikandin to mo hibatoon, sikandin ka koykow no inoy" ligkat nighondiyo no inpa-alam to mo hibatoon si Maria oyjow diyo ogpu to kandin no baloy. ²⁸ Naponga soini, Si Hisus ka nataga to tibo natuman on oyjow pogkatuman to kasulatan, nigkagi, "Puko inom a" ²⁹ Diyo duo sagbuka no yuhong no napuno to mapuit no bino, no soini naan, in-olod dan duto ogpokoiling to gibison hoy igtagkos dan diyo to sugpang to isopo hoy impasopsop dan ki Hisus. ³⁰ Napunga naka nanam si Hisus to bino, nigkagi kandin "Naponga on!" Hangkuwan nig undok sikandin hoy namatoy. ³¹ Ka mo pangulo to mo Hudiyo nighangyo ki Pilato nog gupoon din ka mgo lison to mgo otow no inlansang to krus hangkowan puroton sikandan. Nighimo dan soi aldow man soyjo to pogpanagana, kono sikanda og buot nigpo-ongkod ka mgo lawa diyo to krus to aldowng igpapahimoloy so duo mako uma to aldowng igpapahimoloy balaan man karoyjow. ³² Koy naan nangondiyo ka mo sundalo hoy impanggopu dan-o ka mo paa to daruwa no otow no inlansang duma ki Hisus. ³³ Di to pogdani dan ki Hisus, napitow sikandan no patoy on sikandin. ³⁴ Di piggamit dan ka kandin no komag, hoy pigpilak dan to ka mo paa to mgo sundalo kayi to ilis ni Hisus hoy to sikan niglibwas on ka mo langosa hoy ka wohig. ³⁵ (Malogot soini no nahitabo su duo nakita kayi, hoy no nigpamalogotan din soini nakanongnong sikandin to malogot ka gohuron din, hoy inggogod din soini oyjow ogpalintotoo kow dod man.) ³⁶ Nahitabo soini so oyjow ogkatuman ka nasulat diyo to kasulatan no oggonon duo, "Waro agad sagbuka no bukog din no ogkagupo" ³⁷ No duo pad man-o nasulat diyo to kasulatan no oggonon duo "Ogtongtongan dan ka otow no inpilak dan" ³⁸ Napunga soini, si Jose no taga Arimatea nighangyo sikandin ki Pilato nog puroton dan-o ka lawa ni Hisus di to holos ogkahaldok sikandin to mgo pangulo to mo Hudiyo. ³⁹ Nigduma dodma kandin si Nicodemo, ka nigpakigkita ki Hisus to sagbuka no marusilom. Nig-uyon sikandin to puumot no mo lalimlima no polo (50) no kilo no nigsuholan to mira hoy Sabela. ⁴⁰ naponga, nigpurot dan-o to daruwa ka lawa ni Hisus hoy inbukosan dan to tol-ob no nig-touhan dan to puumot. Soini ka batasan to mo Hudiyo ko oglobong to minatoy. ⁴¹ No duo sagbuka no tanaman no diyo to niglansangang ki Hisus, hoy duo iyan tamanan no duo lobungan no waro pad iyan kalubungi. ⁴² No poon so Aldow o soyjo to pogpangandam to poghimoloy to mo Hudiyo, hoy marani dogma ka lobunganan, diyo dan-o insabal ka lawa ni Hisus.