¹ To nakaponga on si Hisus no nakapangagi to soini, nighipanow kandan duma to mo tinuonan din hoy nanlapas kandan to buogan no nigngaranan to Kidrun no duon pamulaan to sooyjo no banwa hoy nigmahulod kandan. ² Si Hudas, no niglubis kandin, nakataga to sooyjo no no pamulaan so malasi si Hisus hoy ka mo tinuonan oghinundiyo. ³ Hoy nighundiyo si Hudas to pamulaanan duma to mohon-in no mo Romanhong sundalo. Songo nigduma ka mo pipila no mo talagbantoy to timpulu no inpa-alap to mo agalon to mo pari hoy ka mo Parisiyu. Nan-alap kandan to mo pangariban hoy mo sulu. ⁴ Si Hisus nio nataga to tibo no ogkayitabu kandin, nigtumu din kandan no nigkagi, “huntow ka ogpammitowon now?” ⁵ No nigtabak kandan si Hisus no taga nasarit, ‘No nigkagi si Hisus “kanak iyan” no si Hudas ka niglubos kandin diyo iyan. ⁶ To pogkagi ni Hisus to kandin iyan ka ogpammitawon dan, nig-itous kandan hoy nangapulod kandan diyo to tano. ⁷ Hoy nanginso-an man do kandan ni Hisus ko huntow ka ogpammitawon now?’ “Si Hisus no taga-Nasarit nigtabak kandan. ⁸ “Ikagiyan kod kaniyo no kanak si Hisus ko kanak kag pammitawon now kuno now hilabuti so duma ko hoy payipanawa now. ⁹ Inkagi rin soini ni Hisus so oyjow ogkatuman ka inkagi rin, “Amoy, waro agad sagboka kandan to inbugoy no kanak no ogkalaag.” ¹⁰ Hoy si Simun Pidru duon kampilan din inhulabot din soi hoy intigbas din ka uripon to labow to pari, hoy napungol on ka kawanan no talinga to uripon no nigngaranan ki Malku. ¹¹ Nigkagiyan ni Hisus si Pidru, “Itagob no ka kampilan nu! Nigtu-u ka no kono ko og inumon ka kupa to pog-antus no inbugoy kanak to Amoy ko?” ¹² Hoy indarakop on si Hisus hoy inababaku on to mo sundalo duma to kapitan dan hoy to mo Hudiyu no talagbantoy to timpulu. ¹³ Nighun-a dan pad alapa kandin diyo ki Anas no anugang ni Kaypas no iyan labow to mo pari to sooyjo no panahon. ¹⁴ Si Kaypas iyan ka nigtambag to mo pangulo to mo Hudiyu no mas maroyjow no sagboka ro no otow kag kamatoy para to mo otow. ¹⁵ Nigsundol ki Hisus si Simun Pidru hoy ka sagboka no hibatoon, no sooyjo no hibatoon, noilahan to pangulu to pari to sooyjo no vumba na-an nigsundol kandin ki Hisus diyo to lama to baloy to pangulu to pari. ¹⁶ Nigpa ongkod si Pidru diyo to gawas no marani to gumawan to aad. Niglibod man do niglinghag sooyjo so sagboka no hibatoon no nailaan to pangulu to pari hoy nigkagi diyo to malitan no nigtatamong to gumawan. Hoy in-alap kandin to malitan diyo to sulud. ¹⁷ Ka malitan no nigbantoy diyo to gumawan nigkagi ki Pidru, “Kono no sagboka ka no hibatoon to sikan no otow? No nigtabak si Pidru, kono.” ¹⁸ Mahagsil to sooyjo no panahona, hoy ka mo suluguon hoy mo guwardiya no nig alonngot kandan ka nigmanasasindog no oghinarang no nigsasindog si Pidru duma kandan oyjow og kapasuan. ¹⁹ Hoy nig-insoan on to labow to pari si Hisus mayitongod to mo hibatoon din hoy to pogpanulu din. ²⁰ No nigtabak si Hisus, “Kono no hulos ka pogpanulu ko to mo otow so diyo a nigpanulu to mo simbahan hoy diyo to timpulu to libulunganan to tibo no Hudiyu. Waro inpanulu ko to hulos do. ²¹ Mani to og insoan a now? Insoi now ka nakarinog kanak so nakataga kandan to inkagi ko. ²² To pogpangagi ni Hisus to soini, intagpi kandin to sagboka no talagbantoy no diyo to lungod din hoy nigkagiyan kandin, ‘Mani to og ilingon no duon to ogtabak ka labow to pari?” ²³ No nigtabak si Hisus, “Ko duon sayjop to inpangagi ko, ipanwangal-wangal soin to tibo no kayi. Di ko tutu-u a, mani to indagpi a no? ²⁴ Hoy inbaku giyapon, in paalap on ni Anas si Hisus no nabako do iyan diyo ki kaypas no labow to pari. ²⁵ To sooyjo no oras, nigsasindog pad si Pidru ka oghinarang hoy nig-insoan kandin to mo otow, “Kuno ka no sagboka no hibatoon to sikan no otow?” Di inhulos ni Pidru no nigkagi, “Kono no” ²⁶ Hoy duon sagboka no uripon to labow to pari no karumaan to otow no intigbas ni Pidru so talinga no nanginso kandin, inat koykow man sooyjo so napitow ko no duma rin diyo to pamulan?” ²⁷ Hoy si Pidru nigkagi man do, “Kuno hoy duon do no nig-ukalo ka manok. ²⁸ No ligkat to baloy ni Kaypas, in-alap dan si Hisus diyo to palasyo so ogpakasupak to pogkamasum on, ka mo Hudiyu waro nigsulud diyo to palasyo so ogpakasupak kandan to tuluowon dan so ko ogsulud kandan diyo to baloy to kono no Hudiyu, hoy kono ogpakakoon to paniyapon to kasaugan to poglighad to pogsaylo. ²⁹ Hoy niglibuwas si Pilato hoy nanginso kandan, “Nokoy ka igsumbong now mayitongod to soini no otow?” ³⁰ No nigtabak kandan, “Kono doy purun og alapon kayi to koykow ka soini no otow ko waro nakasalo.” ³¹ No nigkagiyan ni Pilatu kandan, ‘Kua now kandin hoy logpari sumalo to kaniyo no taluowon.” Ka mo Hudiyu nigtabak, waro katongod doy to mo Hudiyu no og himatoy to agad huntow.” ³² Nayitabo soini oyjow ogkatuman ka igkagi ni Hisus ko nokoy no klasi to kamatayon no ogpangkusan. ³³ Hoy niglibod si Pilatu popgsulud to palasyo hoy in umow din si Hisus hoy nig-insoan, “Ikow ba ka hari to mo Hudiyu?” ³⁴ Si Hisus nigtabak, “Ikow na-an iyan sikan no inso, hoy ka inbatbatan ka ro to mo duma mayitongod kanak?” ³⁵ Si Pilatu nigtabak, “Mani to’g kagiyon no buwa no Hudiyu a? Iyan nig-alap koykow kayi to kanak lka duma no mo Hudiyu hoy ka mo pangulu to pari nokoy ka nahimo no?” ³⁶ No nigtabak si Pilato, “Ka poghari ko kono no kayi to kalibutan so ko kayi pa to soini no kalibutan, ogpakig ugot on purun ka mo otow ko oyjow kona a ogkarakop to mo pangulu to mo Hudiyu. Di kono iyan no kayi to kalibutan ka poghari ko! ³⁷ Tongod to soini, nig-inso man do si Pilatu diyo to kandin, Hari ka iyan?’ No nigtabak si Hisus nigkagi ka no hari a tongod to soini naotow a hoy, 38nighondini to ampow to tano para to sagboka no katuyuan no iyan titigus to kamatuoran. Ka tibo no diyo to kamatuoran og paminog kanak.” ³⁸ Nig-inso mandu si Pilatu diyo to kandin, “Nokoy ka kamatuoran?’ Ka pog-uyjon to poghimatoy ki Hisus hoy niglibod mando si Pilatu hoy nigkagiyan ka mo Hudiyu, ‘Waro napitow ko no salo to soini no otow. ³⁹ Di sumalo to kaniyo’n batasan, ogsabokan ko ka sagboka no dinakop no pamuyjoon to panahon to kasaugan to pogsaylo. Ogkaliyag kow na-an ko oglukaan ko ka hari to mo Hudiyu?” ⁴⁰ Nigtabak kandan no nangiyak, “Kono kandin si Barabas sagboka no tulisan.