¹ To pogligad to pila no aldow, migpakita o mando si Hisus to mo tino-onan din diyo to lanow to Tibiryas. Iling kayi ka pogpakita rin. ² Nalimud on sin Simun Pidru si Tumas no pigngaranan ki Soping. Hoy si Natanyil no matig-kana no sakup to Galiliya, hoy ka mo anak ni Sibidiyu, hoy duon pad daruwa no tino-onan ni Hisus. ³ Hoy, migkagi si Simun Pidru diyot mo ruma rin, “Panginsoro a pad.” Migkagi rod man sikandin, “Ogduma koy ro koykow.’ Koy na-an nig-untud si kandan to Balangoy. Di to soin karusiloman waro iyan naporot dan. ⁴ To pogsilo ot aldow duo nakita ran no nigsasindog diyo’t ilis to lanow di waro sikandan mataga no si Hisus mana-an sikan. ⁵ Pigkagiyan sikandan ni Hisus, “Mo amigo, dou nakuwo now?” Nigtabak kandan warod iyan.” ⁶ Mkigkagiyan din kandan, “Ibanggal now ka kaniyo no layja diyo to kawwanan, hoy ogmakaporot kow.” Koy na-an ka imbanggal dan diyo’t kawwanan dan ka layja. Poghusud dan kono ran on ogkaraog so mohon-in ka isda no napurut dan. ⁷ Hoy migkagiyan si Pidru to mo tino-onan ni Hisus no pigdakolan din to goynawa, “Ka Magbabayjo man na-an sikan!” Pogkarinog soin ni Pidru, piglibod din kinabo-a ka kinabo din no inlo-ong din hoy nigsingkatol diyo’t woyig hoy miglangoy pohondiyo ki Hisus. ⁸ Ka ruma no mo tino-onan no diyo’t balangoy migpoilis to lanow no mighusud to layja no mooin ka mo isda, kono ro amana mariyu kandan diyo’t ilis to lanow so mo kalimahan no dupa ro ka kariyu. ⁹ To nigsingkatol o kandan, du-o nakita ran nalimod no mo tinuog no isda hoy mo paan. ¹⁰ Pigkagiyan kandan ni Hisus, “Alap ko kayi to pila no isda no naaporot now.” ¹¹ Koy na-an migpamonoyik si Simun Pidru diyo to balangoy hoy pighusud din ka layja no nigsukolan to mo dagdakol no mo isda no nigtirow to songo gatos kalimaan hoy tatolo (153) di agad to mohon-in ka napurut din di waro magisi ka layja. ¹² Pigkagiyan kandan ni Hisus, “Hondini kow o so oglom-ag o.” Warod iyan sagboka no mo tino-onan din ka nigpaginbulot no nanginso ko hontow iyan kandin, su naataga kandan no kandin iyan ka Magbabayjo. ¹³ Pigpurut dayjon ni Hisus ka pan hoy inpamogoy kandan iyan dod man pighimo rin dout isda. ¹⁴ Katolo no timpu migpakita si Hisus to mo tino-onan din ligkat to pogbatona kandin. ¹⁵ Hoy to nakalum-ag on kandan, pigkagiyan ni Hisus si Simun Pidru, “Simun no anak ni Huwan, pigdakolan a no to goynawa kono duot mo dumma no?” Migtabak si Pidru, “Hoo, Magbabayjo, natagahan no dakol goynawa ko koykow.” Pigkagiyan kandin ni Hisus, “Taanola no ka mo karniru ko.” ¹⁶ Pigkagiyan do na-an ni Hisus kandin, “Simun no anak ni Huwan, pigdakolan a no iyan to goynawa?” Migatabak do na-an kandin, “Hoo, Magbabayjo, natagahan nu no dakol goynawa ko koykow.” Pigkagiyan kandin ni Hisus, “Taanola nu ka mo karniru ku.” ¹⁷ To ikatolo no timpu migkagi do na-an si Hisus, “Simun no anak ni Huwan, pigdakolan ano to goynawa?” Nohiubos si Pidru su katotolo kandin insoi-i ni Hisus ko pigdakolan dit goynawa si Hisus. Koy na-an pigkagiyan kandin ni Pidru, “Magbabayjo, nataga ka to tibo, hoy nataga ka no pigdakolan ko koykow to goynawa.” Pigkagiyan kandin ni Hisus, taanola nu ka mo karniru ku. ¹⁸ To tutu-u, to balubato ka pad, mkoykow ka nigbobo-ot to kaugalingon no hoy nokohondiyo ka agad hondoi kag kaliyag oghipanow. Di ko manigo-on kad, parurupawon karo to loin hoy ogkinabo-an hoy baakosan, hoy dumahon ka agad hondoi no banwa no kono no ogkaliyagan hondiyo-i.” ¹⁹ (Pigkagi soini ni Hisus hoy igpoyitaga kandan ko nokoy ka kamatayjon ka kabayja-an ni Pidru oyjow ogkaragoon kandin to Diyus.) No migkagiyan kandin ni Hisus, "Ikul ka koddi." ²⁰ Miglingi si Pidru hoy nakita no migsunu kandan ka binasbas no pigdakolan ni Hisus to goynawa no iyan mig-inso ki Hisus to pogpaniyapon dan, ‘Magbabayjo hontow kag lubus koykow?” ²¹ To pogkakita ni Pidru kandin,. Pigkagiyan din si Hisus, Magbabayjo, nokoy na-an kag kaparologan to soin otow?” ²² Migtabak si Hisus, ‘Ko imma ko no ogkabuhi ka taman to pogliku ko nokoy na-an ka labot no? Duma kad puli kanak." ²³ Koynaan ka nokoompot ka guguron diyo to migpalintutuu ki Hisus no kono ogpatoy ka sooyjo no sumusunud. Koynaan waro migkagi ki Hisus no ka sooyjo no sumusunud, no kono ogpatoy do kandin, "Ka koupii ku no kono ogpatoy kandin taman to poglibod ku, nokoy ma ka labot nu?" ²⁴ Kandin ka sumusunud no migpamalogot ne malogot ka tibo, hoy kandin ka migsusulat dini. Nakanongnong kani to malogot ka inikagi din. ²⁵ mohon-in pad ma ka noyimu ni Hisus no ko ig-amin igsulat, kono buwa og-olog kayji to ampow tano ka mo libru no nasulatan.