¹ Nigkagi si Hisus, “Kanak ka tutu-u no lubot to kayjo no paras, hoy ka Amoy ko iyan nigbulig kanak. ² Ogpungolan din ka tibo ko no sugpang no konog pangunud hoy og pamugpugan ka tibon sugpang no ogpangunud oyjow no og maawwan hoy og pangunud pad to moon-in. ³ Nigmaroyjow kow on pinabayjo to mo gugurun no inlalag ko kaniyo. ⁴ No palinggahaat kow koddioy, og palinggahaat a mando kaniyo. Ka sagpang kono kow og moko-unod no kono kow palinggahaat kuddioy. Og koiling to og pokogsumpul do diyo to lawwa. No iling na-an du to, kono kow ogpakapongunud ko kono kow ogpalinggahaat kodioy. ⁵ “Koddioy ka lawa to paras, no kaniyu ka mo sugpang ka og palinggahaat kow koddioy og palinggahaat a mando diyo kandin og mooin ka unud din su ka waro a waro da-an og koyimu now. ⁶ Ka kono og palinggahaat koddioy iyan now og koilingan ka sagboka no sugpang no igbanggal hoy og kagangu on og pamuruton hoy ig agbul diyo to hapuy oyjow ogkatutung. ⁷ Umba na-an kog palinggahaat kow kuddioy hoy ka koddioy no mo lalag og palinggahaat diyo to kaniyo, og makapamuyju kow to agad nokoy hoy og kadawat now soin. ⁸ To pogpangunud to now moon-in ogkapabantugan ka Amoy ko hoy to og koiling to soini og kohimo kow on no mo tinu-unan. ⁹ Nigdakolan ko kaniyo to goynawa nog koiling daa no nigdakolan a man-o to goynawa to amoy ko. ¹⁰ Ko ogtumanon now ka mo sugu ko ogpalinggahaat kow to dakol no goynawa ko no ogkoiling to intuman ko man-o ka mo sugu to amoy ko hoy nigpalinggahaat a to dakol no goynawa rin. ¹¹ Inlalag ko kaniyo soin oyjow ogkoholo kow man-o iling koddioy hoy oyjow no amana kow pad og koholo-holo. ¹² Iyan soin ka koddi no sugu: Paay-ayjaray kow nog koiling koddi no nig-ay-ajayran ko kaniyo. ¹³ Ka amana no dakol ka goynawa no igkapakita to sagboka no otow to mo kalayjunan din. ¹⁴ Kaniyu ka mo kalayjunan ko umba kog himuwon now ka mo sugu ko kaniyo. ¹⁵ No kono kud kaniyo og ngaranan to mo uripon waro nataga ko nokoy kag himuhon ta agalon din nasi, nogngaranan kud kaniyo ko nokoy kag karinog ko no puun diyot amoy ko. ¹⁶ Kono no kaniyo ka nig alam kuddi ko kono kuddi ka nig alam hoy nigpanulu kaniyo oyjow no og kinabuwi kow hoy og pangunud to unud nog hantud. Hoy na-an ogbogoyan kow to Amoy ko agad nokoy ka og boyjuon kandin pinabayjo to koddi no ngaran. ¹⁷ No iyan soini ka igsugu ko kaniyo pog ay-ayjaray kow. ¹⁸ “Umba na-an kog ko kouningulan kow to soin no ingod sumsumana now no koddi ka an-anayjan no kouningolan to soin. ¹⁹ No umba na-an ko iyan now pa og ikuloon ka mo otow kayi to ingod, og ay-ayjaran kow puron to mo otow kayi to ingod. Di in alam ko kaniyu ligkat to soin no ingod. Koy na-an kag kauningolan kow to soin no ingod. ²⁰ Sumsumana now ka inkagi ko kaniyo: Wara uripon no labow to agalon.’ Umba kog pabaybajaran a nog pabaybayjaran kow da-an; Umba kog tumanon ka ig ikagi ko, og tumanon dan da-an ka kaniyo no ig ikagi. ²¹ Di ka soin tibo og himowun dan tongod kanak su waro man kandan nokoila to nigpa-alap kandan. ²² Kono poron kandan og makasalo so umba ko waro a pa nighondini hoy nignangon kandan. Di kuntuon konad kandan ogpakakagi to waro salo dan. ²³ Ka og kauningo kanak ogkauningolan din da-an ka Amoy ko. ²⁴ Kono poron kandan og makasalo ko waro ko pa himowa ka mo koin-inowan no waro dan pad tubog noyimu. Di kontoon nakita ran ka kanak no noyimu hoy nouningol kandan kanak hoy to Amoy ko. ²⁵ Sikan na-an, kinangolan nog koytabo soin oyjow nog katuman ka nasulat to abalud dan nog ikagi, ‘Og kouningolan dan agad waro hinongdan? ²⁶ Og hondini kag pangabang no iiyan ka Ispiritu nog padayjag to tutu-u no ligkat to Amoy. Inpohondini a to amoy ko oyjow to pogtitigus kandin mayitongod kanak. ²⁷ Hoy nigtitigus da-an kandan mayitongod kanak su iyu duma kow man kanak ligkat pad to bunsuranan.