¹ Nigkagi su Hisus kandan, mkono kow kaaras. Salig kow to Diyus hoy salig kow kanak. ² Diyo to baloy to amoy ko mohon-in ka mo sumpol. Oghun-a diyo oyjow og andam to og koogpoan now. Kono a ogkagi to soin kaniyo ko kono no tutu-u. ³ Ko diyo ad hoy ogmoko andam ad to tog kougpoan now, oglibud a oyjow og puruton ko kaniyo, oyjow ko hondoi a songod diyo kow duma kanak. ⁴ Hoy natagahan now ka dalan poiling to banwa no oghondiya-an ko. ⁵ Nigkagi si Tumas kandin, Magbabayjo, waro koy nataga ko hondoi ka ogpoiling, og monowon doy no og katagahan ka dalan? ⁶ Nigtabak si Hisus kandin, kanak ka dalan, ka kamatuoran, hoy ka kinabuyi. Waro ogmokohundiyo to Amoy ko kono ogbayjo kanak. ⁷ Ko nokoila kow kanak, ogmokoila kow to amoy ko hoy ligkat kuntoon nokoila hoy nakita now on kandin. ⁸ Nigkagi si Pilipi kandin, Magbabayjo, ipakita no kanami ka Amoy no tumanon on to kanami. ⁹ Nigtabak si Hisus, nalogoy on ka pogduruma ta, Pilipi, waro kapad iyan nokoila kanak? Ka nakakita kanak nakakita on to Amoy. Maniyo to og kagi ka no igpakita ko ka Amoy? ¹⁰ Nokoy, waro ka nigtu-u no kanak duma to Amoy hoy ka amoy duma kanak? Ka mo kagihonon no inkagi ko kaniyo kono no ligkat kanak. Ka amoy no duma kanak iyan nighimo to mo butang no inhinang ko. ¹¹ Tu-u kow kanak nu kanak diyo to Amoy hoy Amoy soin to kanak. Ku kono no ogtuohan lka inpangkagi ko, touhi a now tongod to inhinang ko. ¹² To pogkatinuod, ogkagiyan ko kaniyo no ka ogtu-u kanak oghinang to kanak no inhinang hoy labow pad to kandin no inhinang, tongod so oglibud ad diyo to Amoy. ¹³ - ¹⁴ Oghimuon ko agad nokoy no og pamoyjoon now kanak pinabyjo to ngaran to oghimuon ko soin. ¹⁵ Ku ogdakulan a now to goynawa, tumana now ka igsugu ko. ¹⁶ - ¹⁷ Hoy ogpamoyjoon ko to Amoy no ogpaalapan ko kaniyo to loin no magdadasig. Soin no pogdasig waro loin ko kono ka kaniyo to waro kuopasan. Kono kanidn ogdawaton to mo otow to ingod tongod so kona dan ogkakita hoy waro dan moilohi kandin. Di og koilahan now kandin tongod so duma now kandin, hoy kanonoy kandin og ugpa duma kaniyo. ¹⁸ Kono ko kaniyo og ongkuran no waro duma, oglibod a diyo to kaniyo. ¹⁹ Marani ad og kaawbu to mata to mo otow dini to ingod, di ogpakakita kow kanak. Tongod so bubuyi apad ogkabuhi kow pad. ²⁰ Pog-uma to sikan no aldow, ogkatagahan now ro no kanak dumka to Amoy, hoy kaniyo diyo to kanak, hoy kanak duma kaniyo. ²¹ Ka ogdawat hoy ogpaminog to mo sugu ko iyan nigdakol to goynawba kanak. Hoy ka ogdakol kanak to goynawa ogdakolan to goynawa to Amoy. Ogdakolan ko kandin to goynawa hoy igpoila ko kandin ko huntow a. ²² Nanginso si Hudas kandin (Kono soin no si Hudas Iskaryuti) Magbabayjo, maniyo to dini ka ro to kanami ogpoila ko huntow ka? Maniyo to kono ka ogpoila to tibo? ²³ Nigtabak si Hisus kandin, ka nigdakol to goynawa kanak ogtuman to mo inkagi ko; Ogdakolan kandin to goynawa to Amoy ko, hoy og ugpuan doy kandin. ²⁴ Di ka waro nigdakol to goynawa kanak waro nigtuman to mo lalag ko. Soin no mo lalag no nadinog now waro nigligkat kanak. Ko kono nigligkat kanak. Ko kono nigligkat soin to Amoy no nigpa-alap kanak. ²⁵ Soin no mo butang inkagi ko kaniyo tagood to loyjod a now pad. ²⁶ Di ko og makaligkat ad, ka magdadasig no iyan ka Ispiritu Santu no iyan inpa-alap to amoy puli kanak. Kandin ka og panulu kaniyo to tibo no mo butang, hoy og payinumdom kaniyo to tibo no inkagi ko kaniyo. ²⁷ Kono kow kaaras hoy kahaldok, tongod so ka karoyjow igpabilin ko kaniyo, kono soin iling to kalinaw no inbugoy to ingod. ²⁸ Nadinog now ka inkagi ko kaniyo no og ligkat ad di oglibod arut kaniyo. Ko indakolan a now to goynawa, poron ogkaliyag kow no og pohundiyo a to amoy no mas dakol ka gawom kono kanak. ²⁹ Inkagi kod soin kaniyo ta-an tagood to waro pad noyitabo, oyjow ko ogkoyitabo on ogmakusog on ka pogtu-u now kanak. ³⁰ Kona ad ogkalogoy to og pakigkagi kaniyo tongod so nokouma on si Satanas no iyan on gawom to ingod. Waro gawon din kanak. ³¹ Di oyjow og katagahan to tibo no ingod no indakolan kot goynawa ka amoy, intuman ko ka tibo no insugu kanak. Agpas kad. Ogmangipanow kid.