¹ Ka dungan no mo kasabutan doon mo balaod to pog-simba. ² Ho y ka mo loin no hinimu to mo otow oyjow og gamiton to lalapong no nig omow to balaan no dapit, intagu diyo to libuwasan ka tago-anan to hapoy hoy ka lamisa no in lago-an to pan no in talapog diyo to Diyus. ³ Diyo to limang to ig kaduwa no ulot diyo ka lalapong no omow to balaan no dapit. ⁴ Intagu diyo ka talapaganan no bulawwan oyjow to pogsilab to insinso hoy ka suloharanan to kasabotan no intungos to bulawwan,diyo to suloranon iyan ka bangan no bulawan no intagoan to mana,ka tukol ni Aaron no nig tubuan to dohon hoy ka daruwa no batu no doon insulat ka kasabutan. ⁵ Ampow to suloranan to kasabutan diyo ka hinimo hoy Kirubin iyan sikan ka toos to prisinsya to Diyus, inturungan to mo pakpak dan ka dapit no ogpasayloan to salo din soin tibo kono ta ogkasaysay ka tibo. ⁶ anaton ta to soin ka pogtularong to tibo, ka mo pari ogsulod matag-aldow diyo to lalapong no doon to libowasan oyjow to pog tuman to katungod dan. ⁷ Di ka agalon do to Pari ka og makasolod diyo to sulod diyo to lalapong kasobaka rog himuon soin to sungo tuid. Og-alap kandin to langosa oyjow igtalapag diyo to Diyus oyjow to kougalingon din hoy to mo salo to mo otow no waro nataga no nokahimu kandan to sayjop. ⁸ Ligkat to tibo kalaro no nig nanolo ka Espirito santo no dalan diyo to labing balaan dapit kono og tukasan taman no nig sasindog pad ka lalapong diyo to libuwasan. ⁹ Nigpaanat soin to adlow kuntoon, nipasabot soin no ka mo gasa hoy ka mo ayjam no intalapag diyo to Dios ko makamalogot to goynawa to pogsimba. ¹⁰ Soin no mo gasa noy talapag taman do to pogkoon, to pog-inum hoy to nigkaloinloin na sirimunyas to poglimpiyu, soin tibo no balaud og parayjon do ko og dayjonon to Diyus ka tibo no butang. ¹¹ Di ning-umoon si Hisus no agalon to Pari to mad-doyjow no hinong dini, mas halangdon hoy malogot ka lalapong no ning alagaran so kunon hinimo to otow, su ato pa, waro labot soin. ¹² Nigsolod si Kristu diyo to balaan no dapit, kasogboka ro to tibo no aldow, waro kandin nig-alap to kambing hoy to nati no Baka ,oyjow ig talapag,ka talapag din iyan ka lawa rin no langaso, nigbogayjan ki rin to kaluwasan no waro kataposan. ¹³ Ka langosa to kambing hoy turu no baka hoy ka abu to sinilaban no nating baka igsaw-ig diyo to mo otow no kono no hinlo sumalo to sirimunyas, soini nig hinlo kandaan pinabayjo to poglulu to maligsom sumalo to sirimunyas. ¹⁴ Ko tutuu man soin, nokoy pad kadakol ka nahimo to langosa ni Kristu? Pinabayjo to waro kataposan Ispiritu intalapag din ka kougalingun anat hoy malogot no talapag diyo to Diyos ka langosa rin iyan nig hinlo to konsensya ta to poghimo oyjow og alagad ki to manokal no Diyus. ¹⁵ Tongod to soin iyan nighimu to bag-u no kasabutan oyjow ka nig-umow to Diyus makaabin to waro kataposan no insaad to Diyus. Ogkohimu soin tongod su ka kamatayjon din ogluwas to mo otow ligkat to salo no nohimo dan to duon no ubus pad kandan to kasabutan. ¹⁶ Ko duon tistaminto, kinangolan kapamatuuran pad no namatoy on ka nighimu. ¹⁷ Su waro pulus do to tistaminto ko manokal pad ka nig himo, duon do pulus to soin ko kamatoy on ka nighimu to soin. ¹⁸ Koy naan agad nig-oyjonan do pinabayjo to langosa. ¹⁹ Hun-a to tibo, lukagi ni Muisis diyo to mo otow ka tibo no sugu to balaud, hoy inpurut din ka langosa to baka hoy to mo kambing duma ka wohig, hoy ingamit ka tanom no osopo hoy ka manggad no delena no malalab, hoy inpamilik pilikan ka libro to balaod hoy ka tibo no otow ²⁰ Nigkagi kandin, iyan soini ka langosa no timaan to kasabutan no igpatuman to Diyus kaniyu. ²¹ To anat to sikan, inpamilikpilikan mando ni Muisis to langosa ka lalapong hoy ka tibo no butang no ingamit to pogsimba. ²² Soin no balaud magaan on ka tibo og kaloloan pinabayjo to langosa hoy ogkapasaylo ro ka salo ko kapatuluan to langosa. Sumalo to balaod magaan on ka tibo og kalooan pinabayjo to langosa hoy og kapasaylo ro ka salo ko kapatuluan to langosa. ²³ Soini no buhanga anat do dutu diyo to langit no kinangulan no oghinluan di ka diyo to langit no butang kinangulan, su madoyjow no talapag. ²⁴ So waro ning solod si Kristu diyo to balaan no dapit no to otow no anat do to tutuu no balaang dapit di nigsolod kandin diyo to langit hoy og-atubang to Diyus oyjow kanta. ²⁵ Ka agalon to Pari to mo Hudiyu ogsolod diyo to labing balaan no dapit kada tuid no alap ka langosa to ayjam, di waro nigsolod si Kristu oyjow to pog talapag to kougalingon din. ²⁶ So og-antus porom kandin to tibo bunsud pod to poghimu to ingod, kuntoon ogkatapos on ka aldow, nigpakita kandin to kasaboka noy oyjow ka tibo no Soini no buhanga anat do dutu diyo to langit no kinangulan no oghinluan di ka diyo to langit no butang kinangulan, su madoyjow no talapag. So waro ning solod si Kristu diyo to balaan no dapit no to otow no anat do to totoo no balaang dapit di nigsolod kandin diyo to langit hoy og-atubang to Diyus oyjow kanta. Dow oyjow to pog-awo to sayjop pinabayjo to pogtalapag to kougalingon. ²⁷ Ka tibo kinangulan no ogkamotoy to kasogboka pogkatapos to sikan oghukuman kandin to Diyus, ²⁸ si Hisus to kasaboka oyjow to pog-awa to mo salo to mohon-in otow ogpapitow kandin dayjon konon tongod to salo ko pogluwas kandan no nigtagad kandin.