¹ Ka balaud to mo Hudiu kono malogot koy konon ulog no matularong to malogot no mo butang along man soini to maroyjow mo butang no hingu mo kailing to mo talapog kanunoy, hoy naa amunowon to balood malugot to mog otow no ogdarani toy Diyus pinaagi to soini mo talapag, ² Ko tutuo no nawo on ka salo dat nanimba to Diyos,kunad puron ug makaguram to salo-an ho warod purod ig pangtalapag nog himuwon. ³ Di soini mo talapag to kora tuig nig pasumannsuman to mo otow to kandan mo salo. ⁴ Su ka langun to mo Turu no Baka hoy mo Kanding konog makaawo to mo salo. ⁵ Tongod tu soini to dayjon nangun dini ki Kristu to kalibutan, mig kagi ko Diyus, kono ko ug kaliyag to pog antus hoy mo talapag no ayjam di intagana a mo hoy sabuka no lawa. ⁶ Waro na liyag to talapag to mo ayjam no insillaban diyo to talapagan. Hoy mo pogawo to mo salo. ⁷ Hoy noon migkagi a soini a, Magbabayjo oyjow pogtuman igpoyi mo no kanak, sumalo to nayisulat bayen kanok duon to libru to balaud." ⁸ Una to tibo migkagi kandin kono kog sugut hoy koliyag to mo aguwanta hoy mo talapag to ayjam kono mo talapog no ayjam ko ikow in pamoyjo oyjow sillaban diyo to talapagan hoy kono raon mog aguwanta to pogawo to mo salo, soini tibo mo aguwanta ka in pamoyjo to balaud. ⁹ Hoy naan migkagi kandin soini ad Magbabayjo oyjow pogtuman to igpalinang no kanak hoy naan inawo to Diyos ko tibo no karaan no aguwanta hoy in puliyan soini to mo agowanta ni Kristo. ¹⁰ Tongod so intuman ni Hisu-Kristo ko ig poyinang to Diyus kandin, kasalo tow naawo pinaagi to pogtalapag to kandin no lawa to kasabuka hoy tibon panawon. ¹¹ Addow-addow ka Kapari no Hudiyu nighimo himo to kandin to kabulonganan hoy in libod-bod din intalupag to iling mo aguwanta di soini mo aguwanta kuno ug makaawo to mo solo. ¹² Di si Kristo nigtalapag hoy sabuka no aguwanta to mo salo soini aguwantaha puiling to warog katamanan, hoy naan nig pinnuo kandin to kawwanan to Diyos. ¹³ Diyo nigtotogad kandin kuntoon hantod no ka mo kuntara rin himowo to Diyos no diokonan to mo paarin. ¹⁴ Naan pinaagi to saboka no aguwanta in malogot din hantod to kahantoran soyjon naawangan to salo. ¹⁵ Su matuud daan kanta ka Espiritu Santu una to tibo nig kagi kandin. ¹⁶ "Soini ka kasabutan no kanak in himuwon kandan to pog uma to aldow, nig kagi Magbabayjo: "To butang ko kanak no balaud duon to kandan mo guynawo hoy igsulat ko soini to kandan mo suman-suman." ¹⁷ Hoy naan migkagi, "kandin ko kono ko ug suman-suman ka kandan mo salo hoy madoot no mohinang" ¹⁸ Napunga soini inpasaylo waro kinahanglana ka talapag oyjow pogawo to mo salo. ¹⁹ Hoy naan mo sulod duon malogot tan kaluwa san to pugsulod to labaw no balaan ingod pinaagi to langosa ni Hisus. ²⁰ To tukasan din paratkanta ka sabuka no bag-on bayjaanan sabu ka no nabayo to bayjaanan lapos to hinabol to kunto pa pinabayjo to kandin kougalingon lawo. ²¹ Duon tow sabuka tano gamhanan no pari nigdumalo to baloy to Diyus. ²² Hoy naan ogparani ki to Diyus duma to minakuyjow no goynawa hoy maroson no pugtuo, dahinan ta kandin duma to guynawa no pinaagi to kaawang likat to sondit no noka nalolo hoy to mo lawa no naawanagan pinaagi woyeg no manoyjow. ²³ Ug poangkod ki maroson to pog-iman no kantan intagunan so makasalig kiman to Diyus no tumanon din ka kandin no sood. ²⁴ Ug dinawalay kiw to pogpakita to olog hoy pog himong to maroyjow. ²⁵ Kuno tog andangon ka batasan to poglilimodlimod iling to hinang to duma dinaralay kiw so namaan kow no marani og umo ko odlow to pog libod to Magbabayjo. ²⁶ Warad aguwanta to mo salo ko tuuran to ko pogpokasalo punga ki nataga to pogtuo. ²⁷ Ka naongkoran yon do naon kokahaldok to hinguma no poghukom hoy mabulot no apoy no ugkoulog ko ugato to Diyus. ²⁸ Himatayjan to waro kohid o ko ug maka salo to balaud ni Muisis kogso kamaana no kandin naku salo to duon darowa namsaan no kandin saloan hoy tatolo no saksi. ²⁹ Kuntuon koy ko og himuwon diyo to otow no ug sawayjo to anak to Diyus hoy nigsuman-suman no warog mako iling to langosa no kasabutan no nig awang kandin, hoy koy naan so nahitabu to pugpasipala to Espiritu no nigbogoy to Garasya, kasilut no igbogoy kandin mabogat? ³⁰ So nananaan ki hunto ko nigkagi panimalus a hoy pabayjaron ko kandan hoy noilahan ta raan ka migkagi "lugparan to Magbabayjo ka kaototawan din." ³¹ Mahahaldok on iyan ka pogkoulog diyo to bolad to Diyus! ³² Usaay kanoyitabu kaniyo nuon-a nuon-an mo aldow pungakow bugayji to k Doromdoman awang to Diyus nigaguwanta kow hoy maonin mo butang di waro kow nig paroog duon to pogpakig ato. ³³ Duon mo nig ayjon no in pabayjadbayjaran kow hoy in lumpigan to tangkaan to kaotawan hoy usaay naakamot kow kandan no nataggamtam to sioni paagiya. ³⁴ Su nahoy-u kow to duma no pinirisu, no angad in awoan to tibo no mo kalaglagan in purot now soini duma to kaholo tongod su nakanangon kow no duon pod og kapurot now no subla pad no maroyjow hoy ogparayjon to waro ogtamanan. ³⁵ Pinirisu kono now ongkori ka pogsalig now to Magbabayjo so duon dakol no balus kaniyo. ³⁶ Kinaangolan no og-aguwanta kow pad oyjow ogkatuman now pogbuot to Magbabayjo no og taman og kapurot now ka in saad din. ³⁷ Su migkagi ka Magbababyjo diyo to kasulatan to kono ogkalugoy kandin no oghingumo no og umo no libaliba si kandin, ³⁸ Ka koototawan no in sumansuman ko no matarong ogkauyjag to waro ogkata kono og manan pinaagi to pogpalintotuu ron kanak di ko duon ug suwoy kandan kona ad ogkaholo kandan. ³⁹ Di moyitongod kanta kono ki iling to mo otow no mig inniyug to Magbabyjo hoy oglogparan to waro ogkatamanan ko kono ogpokoiling ki to mo otow no nigpatutuu hoy ogkaluwas.