¹ No soini ka igpasabut to nigkagi noy kaniyu, on labow ta no talagpanubad no diyad to Langit, no nigpinnuu diyo to ogkawanan to trunu to amana maroson no Magbabayjo. ² Ogpamakoy kandin isip labow no talagpanulu diyo to maroyjow no ogpaan to Magbabayjo no diyo to Langit no malogot no simbahan su kono no inpasasindog to mo otow, ko kono nighimu to Magbabayjo. ³ No tongod su koilangan no ogbogoy to daral iling to pogpanubad diyo to Magbabayjo to tagsongo labow no talagpanubad, koilangan no duon mando igpanubad kanta to labow no talagpanubad. ⁴ Omun naa ko kayi pad kandin to ampow to tano, kono no talagpanubad kandin,su duon o mo talagpanubad nogpanubad sumalo to balaud ni Muwisis. ⁵ Ka nigpamakay ran no maroyjow no pogsumsan-suman, ogkoiling do sika to alung to ugpaan to Magbabayjo diyo to langit su to Timpu on no igpos-ok o ni Muwisis sika inpatahanan on to Magbabayjo to kagi, "kinangolan noghimuwon nu ka tibo no inpakita ku koykow diyo to bubungan.'' ⁶ Di ka nighimu ni Hisus, subla pad no muopiya to nighimu to duma no talagpanubad tongod to ka kasubotan nigpataliwwaraan din. Subla pad no moupiya du to tanon no kasabutan, sikag ligkat to subla pad no maroyjow no mo tugun. ⁷ Su ko waro pad poron kulang to sikan no kasabutan, konad poron kinangolan nog liwwanan to igkarangob no kasabutan. ⁸ Di nigkita to Magbabayjo no nakulangan ka mo otow no nig-ikul poron to an-anayjon no kasabutan, inigkagi kandi ogpouma ka Timpu, nog himuwon ku ka bag-u no kasabutan to mo kabuaran ni Israil hoy ka Tribu ni Huda. ⁹ No soini, konog koiling ka kasabutan no nighimu ku diyo to mo kaap-apuan dan nogkitkiton ku kandan to pog-awo dan diyo ingod to Ihiptu, wa dan natuman ka kasabutan,di nigbalagad kud kandan, kagi to Diyus no Magbabayjo. ¹⁰ Di kog hinguma ka Timpu,soini ka bag-u no kasabutan no oghimuwon ku to kabularan ni Israil, kagi to Diyus no Magbabayjo igtagu ku ka mo balaud ku diyu to suman-suman dan, hoy igsulat kud to pusung dan, kanak ka Magbabayjo dan hoy koot-otawan kandan. ¹¹ To sikan timpu, konad no olog no ogpanulu ka sagboka no otow to mo duma ran hoy ko mo sulod din no koilangan no ogpoloila kandan to Magbabayjo, su kandan tibo, ogpokoila koddi ligkat to kono no impurtanti no otow poondiyo to amana no mabantuy. ¹² Sug pasayluwon ku kandan to maroot no mo himu ran, hoy kono kud ogsumsumanon ka mo salo dan." ¹³ Tongod to nigngaranan to Magbabayjo to bag-u ka soini no kasabutan, dongan no an-anayan to kasabutan, no sikan, konad ogkagamit hoy konad ogkalugoy og kaawoon.