¹ Koy na-an inbaton koy un ni Kristo, panamantamani ka mo butang nu diyo to langit nu nigpinuu si Kristo tu kandin nu truno tu ka lintuu tu Diyus. ² Sumansumana ka mu butang nu langitnon, kunu ka dini tu tanu nu butang. ³ Su namatoy kow un hoy ka kaniyo nu kinabuyi na hulos nu duma ni Kristo duon to Diyus. ⁴ Ka tutu-u now nu kinabuyi iyan si Kristo hoy ku ugpakita kandin, ugkakita kow daan duma kandin hoy ug paka abin kow to himaya din. ⁵ Koy naan himatayji now ka mu kaibog nu ingudanon nu duon kaniyo, anat tu kasawboy nu pogdulog. Maruut nu hinang, kauulog, maruot nu kuibog hoy hanhanon no iyan sagbuka nu dalan nu ug simba to Diyus-Diyus. ⁶ Su mu kuma ka kabulo to Diyus diyo to mo otow no nighimo to soinin mo butang. ⁷ To soikan nigkinabuwi kow sumalo to mo kaibog, to duon nighari pad si kaniyo. ⁸ Di kuntoon kinangulan nog ungkoran now soin tibo: Ka kabulo, ka magaan og kabulo, ka maligsom no sumansuman, ka pogsumpalit nog kagi to mo panungajow. ⁹ Kono kow uubat to matag-sagboka su nilubas now on ka kaniyo no tahan no pogkaotow duma to kandin mo himo. ¹⁰ Hoy insaluob now on ka bag o no pogkaotow. Inbag- o iyan soin to Diyus no kandin talaghimo sumalo to kandin no kaugalingon no langlangowan oyjow ogkamaan kow to malogot mahitongod to Diyus. ¹¹ Tongod to soin, waro on Hudiyu hoy konon Hudiyu, mo tinuri hoy kono no mo tinuri, mo loin no kinagihan, moluug, mo uripon, hoy kono no uripon su si Kiristu iyan ka tibo hoy duon to tibo! ¹² Kaotawan kow to Diyus! Inbalaan hoy indakolan kow to goynawa rin. Koy na-an ka kinagulan no og guram kow to duma, maparayjonon, mapadiralomon, maroyjow to duma hoy mapailobon. ¹³ Ogpoiloboy kow hoy ko duon pog amulung to agad hontow kaniyo ogpinasaylooy kow anat no inpaylo kow to Magbabayjo. ¹⁴ Hoy labow to soin tibo igtumul ka poggoynawa no iyan oghikut to tibo diyo to malogot no panag-sagboka. ¹⁵ Paharia to kaniyo ni goynawa ka pakigduma no ligkat ni Kiristu so para to soin in omow kow to Diyus oyjow ogkasagboka kow duon to sagboka no lawa. Hoy ogmapasalamaton kow. ¹⁶ Pougpaa to kaniyo no goynawa ka bahandianon no lalag ni Kristu. Tinuonay hoy panangnangunoy kow duma to tibo no kaalam. Kanta kow to mo salmu hoy balaan no kantahonon hoy kantahi no ka Diyus duma topog pasalamat duon to kaniyo no mo goynawa. ¹⁷ Koy na-an agad nokoy ka kaniyo no igkagi hoy oghimuwon, himowa soin duon to ngaran ni Hisus no Magbabayjo duma to pogpasalamat diyo to Diyus no Amoy no pinabayjo kandan. ¹⁸ Mo asawa no malitan, suonora hoy tahura ka kaniyo no asawa no lukos so iyan soin ka angayjan now nog himoon iling no mo krituhanon. ¹⁹ Mo asawa no lukos uligi now ka kaniyo no asawa no malitan hoy kono kandan daug-dauga. ²⁰ Mo anak, pogpasinugtanon kow kanonoy to kaniyo no mo amoy hoy inoy so iyan soikan makapahulu to Diyus. ²¹ Mo amoy hoy inoy, kono now palaguti ka kaniyo0 no mo anak su atuk hangkowan ogkaawoan kandan to daral. ²² Mo uripon matinumanon kow kanunoy to kaniyo no mo agalon kayi to tano hoy himuwa soin ku do no ogpitow kandan kaniyo no oyjow dayjanon kow dan ko kono himuwa to ligkat to goynawa iyan tongod to kaniyo no pogtahud to Magbabayjo. ²³ Agad nokoy ka kaniyo no og himuwon, himuwa soin to ligkat to goynawa anat no kaniyo soini no inhimo para to Magbabayho hoy kono para to mo otow. ²⁴ Natagahan now no balusan kow to Magbabayjo hoy karawat now ka in andam din para to kandin no kaotawa. Su si Kristu iyan ka tutu-u no agalon no in alagaran now. ²⁵ Ka nighimo to maroot balusan tongod to nahimo din su waro iyan pinalabow.