¹ Ogmaroyjow a no ogpakataga kow no amana ogpaningkamot para kaniyu, hoy to matig-Laudika, hoy to tibo no waro pad nokoila koddi. ² Iyan ko tuud to nighinang to iling duo no oyjow ogkabaghot kow tibo hoy ogkasagboka kow pinabayjo to noginologay niyu, hoy ogmakaabin to tibo no karoyjawan to pogsabut hoy pog-ila to hinolos no palanu to Magbabayjo no iyan sika so moyitongod ki Kiristu. ³ Duon to kandin ogkakita ka tibo no bahandi to kaalam hoy natagahan. ⁴ Innangonan ku sikaniyu kayi su oyjow kono kow ogkaubatan to og-apul no igpanulu dan. ⁵ Su agad ko waro duon kaniyu, nokoy naa layjun ko ogsumansumana sikaniyu. Naholo a to sagboka kow o hoy nalig-on o ka pogpalitutu-u niyu ki Kiristu. ⁶ Nokoy naan, duon so indawat niyud ma si Kiristu Hisus isip Magbobayjo niyu. Pabulus kow ugpu no ogkasagboka diyo to kandin. ⁷ Nakadalig kow hoy tulin kow diyo to kandin. No niglig-ona niyu ka ogpalintutuu niyu sumalo to inlalag kaniyu hoy kinangolan no ogpasalamatan niyu amana ka Magbobayjo. ⁸ Bantoy kow no waro ogkaubatan kaniyu pinabayjo to waro katoohan hoy to kono no malogot no pogpanulo. Ka sikan no pogpanulo dan, duon pad to tuluowon to kaboyboyjagan dongan, hoy ogpuun to mo Ispiritu no nig-ugpo kayi to kalibutan, nokoy naan kono bos no diyo ogpuun ki Kiristu. ⁹ Ka malogot, noyimu no otow ki Kiristu, nokoy naan agad pad duon dod to kandin ka pogka-Magbabayjo din. ¹⁰ No duon no sagboka kow on ki Kiristu, ogkakumplitu kow on, su ka labow to tibo no kono ogkakita no duon mo goom hoy mo katongod. ¹¹ No duon to nasagboka kow o diyo ki Kiristu, hondou to natuli kow o, nokoy naan kono no iling to pogtuli to otow no og awoon ka lalap, ko kono, ka in-awo no Kiristu, sikan so maddoot no diyo to pusung to otow. ¹² To pogbautismo kaniyu, nokoiling to inlibong kow o duma ki Kiristu. No duon so nasagboka kow ki Kiristu, hondoi to nouyjag kow o man-o duma kandin tongod to pogpalitutu-u niyu to gahom to Magbobayjo. ¹³ Dungan, honduo to namatoy kow diyo to tangkaan to Magbabayjo tungod to mo salo niyo hoy tungod so waro kow nadakop to Balaod to Hudiyo. ¹⁴ Nokoy naan kuntuo, inoyjag kow to Magbababyjo duma ki Kristo . No inpasaylo O to Magbabayjo ka tibo no mo salo ta. ¹⁵ No pinabayjo duo, natalo toMagbabayjo ka duo mo gahom hoy katungod no kono ogkakita. Igpakita kita din diyo to tangkaan to tibo no nakapanulo sikandan. ¹⁶ Nokoy naa kono niyo itugot no duo oghukom kaniyo ko nokoy ka ogkoonon niyo, og inomon niyo, hoy ko nokoy ka oghimuwon niyo to timpo to mahal no aldow, to poglayjag to bulan, hoy ko aladow naa to poghimoloy. ¹⁷ Sikan so tibo no toloowon, along di ko nokoy ka oghinggoma, nokoy naan nighinguma on iya ka malogot, no iyan si Kristo! ¹⁸ Kono niyo itogot no duo oghokom kaniyo no ogpagos kaniyo no ogpadiralom to pogkootow now hoy ogpakasimba to mo panaligan. Ka sikan no mo otow, ogkagi no mo labow kon sikandin duon so nakakita kon to igpakita to Magbabayjo no duo to kasilow. Nigpagaro garo sikandan to kaalam dan, nokoy naan waro bos katuonan to pog pagaro garo dan tungod so duin du sikan to sumansuman to otow. ¹⁹ Nigloko o sikandan ki Kristo to isip ulo to tibo no nig palitutu-u no iyan ka lawa.no nokog sumpol sumpol pinabayjo to mo lolongan hoy mo ogat, no ogtulin ka lawa sumalo to igkaroyjow to Magbabayjo. ²⁰ Na, sikaniyo so nig palintutu-u, honduo to mamatoy kow o duma ki Kristo hoy konad o no ka mo Espirito no nig ogpo kayi to to kalibutan ka ogmando kaniyo. No maniyo to ogpabulos kow pad no og ikol to pogbatasan to mo otow kayi to kalibutan? Maniyo to og ikolon niyo pad ka mo balaod no oghinondiyo. ²¹ Kono ka gon-gon kayi,” “kono ka koon duo,” “kono ka samsam to sikan,” ²² Ka sikan no mo toloowon, moytungod do to soyjo so ogmanligad do pogkaponga oggamita iling to ogkoon. No duon do sikan to mo toloowon hoy pog panulo to mo otow. ²³ Omon ko og sumansuman ta ka mo toloowon, hunduo to ogpalintutuowan iya, so soyjo so ogtuman duo, pinugos no ogsimba hoy ogpadiralom to pogko otow dan, hoy ogbaybayjaran pad sikandan ka mo lawa dan no makasasalo. Nokoy naan ka malogot, kono sikan ogpakabulig to pog pugong to karoyjow to lawa to otow.