¹ Sagboka no aldow nighondiyo si Pidru hoy si Huwan to timpulu to mo alas tris to maapun su uras on to pog-ampu. ² Duon sagboka no gumawban nog ngaranan to "Marayjow no Gumawban," duo sagboka no otow no pungkul ligkat to poglosut din. No tagsongo aldow, igdurulong diyo to gumawban to timpulu oyjow ogpakilimus to mo otow nogsolod. ³ To pogkakita rin ki Pidru hoy ki Huwan tog solod to timpulu, nigbuyjo kandin to limus. ⁴ Intongtongan kandin ni Pidru hoy si Huwan, nigkagi si Pidru, "Tongtongi koy!" ⁵ No nigtongtong ka pungkul diyo to kandan ka nigtatagad kog bugayjan to limus. ⁶ Di nigkagi si Pidru, "Warad iyan salapi ku, di ogbogayjan ku koykow to kayi to kanak: to ngaran ni Hisu-Kristo no matig-Nasarit, hipanow ka!" ⁷ No dutun, niggon-gonan din ka kawbanan no bolad to pungkul hoy nigbuligan tog pasasindog no duon nigmanokal ka mo paa hoy lolonguan to pungkul. ⁸ No niglotu kandin to pogsasindog din hoy nighipanow on. Nataman, nigdumo on kandin hoy ki Pidru to nigsolod diyo to timplu no nighiphipanow hoy niglotu-luto ka nig dayjan to Magbabayjo. ⁹ Nakakita ka tibo no otow kandin to nighiphipanow no nigdayjan to Magbabayja. ¹⁰ To noilaan dan on no sikandin no kandin iyan ka ogpampamuyjo no og pinpinnuo diyo to gumawwban to timplu nog ngaranan to "Maroyjow no Gummawban. "Amana nabulonglong kandan to noyitabu diyo to kandin. ¹¹ To waro pad nigloko iling ki Pidru hoy ki Huwan noulian no pungkul, nabolongbolong ka tibo no otow hoy namalaguy poondiyu to kandan to Biranda nog ngaranan to Biranda suluman. ¹² To pogkakita ni Pidru to mo otow, nigkagiyan on kandan, "Matig-Israil, mania to nalimudlimud kow man hoy og tongtong kow man kanami? Nig doromdom kow buwa no igpoyipanow noy soin otow pinabayjo to kandin goom hoy kanami no pogkadiyusnon? ¹³ Ka Magbabayja ni Abraham, ni Isaak, ni Hakub hoy mo kabuybuyjagan ta, ka nigbogoy to kabantug to sulugonon din no si Hisus. Sikan no Hisus ka nigbogoy now diyo to mo pangulu hoy ka nigdoog-doog now diyo to tangkaan ni Pilatu, agad og palokan dod poron. ¹⁴ Maroyjow hoy matularong kandin di waro now dawbata. Nasi now ro iyan hangyua si Pilatu no iyag lokaan ka, nokamatoy to otow. ¹⁵ Nighimatayjan now ka kamunoy to kinabuwi, di nig-uyjag kandin to Magbabayja, hoy kanami iyan ka saksi kayi. ¹⁶ Ka ngaran ni Hisus hoy ka pogpalintutuu kandin ka nakabugoy to kanokal to soini so otow nigkita now hoy noila. Ka pogpalintutuu ki Hisus ka nokouli kandin sumalo to nigkita now. ¹⁷ No kuntoon mo sulod, natagaa no kaniyu hoy ka mo pangulu now ka nighimu kayi ki Hisus, waro kow nataga ko hontow kandin. ¹⁸ Inparayjag on to Diyus dongan no timpu pinabayjo to mo prupita no si Kristu kinangonan iyan nog antus, hoy to nighimu now kandin, natuman ka nigkagi to Diyus. ¹⁹ Di inniyugi now on ka mo salo now hoy libod kow on diyo to Magbabayjo oyjow ogpasayluwon ka mo salo now. Hoy og mokuuma kaniyu ka kanokal to pogpalintutuu no ligkat to Magbabayjo. ²⁰ Nogkatamanan, igpaalap din si Hisus ka Kristu in-alam din oyjow kanta. ²¹ Di kinangolan nog hundiyo si Hisus to langit hantud tog moko-uma ka timpu nog bag-uwon on to Diyus ka tibo no mo prupita rin. ²² Iling to nigkagi ni Muwisis, 'Ka Diyus ta no Magbabayjo og bogoy kaniyu to sagboka no prupita no iling kanak no ligkat dod kaniyu. Kinangolan nog tumanon now ka tibo inkagi kaniyu'. ²³ Ka konog tuman to lalag to prupita, ogpaawboon ligkat to kootawwan to Magbabayjo hoy ogpangimatayjan? ²⁴ Iling dod ka niglalag to mo prupita puun pad ki Samwil hoy agad hontow pad nog sinundol kandin. Nigpangguyud kandin to tibo moyitongod to soini no timpu. ²⁵ Ka mo saad to Magbabayja no inpanggugud to mo prupita, oyjow iyan kaniyu. No kaniyu, nakalagkos to kasabutan no nighimo to Magbabayjo no inbogoy to mo kabuybuyjagan now, su duon inlalag din diyo ki Abraham, 'Panalanginan ko ka tibo no mo otow to kalibutan pinabayjo to kaliwwat nu.' ²⁶ Di in-alam to Magbabayja ka suluguanon din hoy kaniyu ka an-anayjan no in-paalap to pogbulig kaniyu pinabayjo to pogpongkod kaniyu to maroot no hinimuwan now."