¹ To duon nigkagi si Pidru hoy si Huwan to mo otow, nigdani kandan ka mo pari, ka mo Sadusiyu hoy ka mo pangulu to mpo talagbantoy to timplu. ² Nabolo kandan tongod so intudlu soin daruwa no si Hisus inbaton, hoy soi nigpamatuud no ka mo namatoy og batonon. ⁴ Koy na-an inpadakop dan si Pidru hoy si Huwan. Insomit-somit dan poron kandan, di tongod so pangilom-kilom on, intago dan pad kandan to pirisuhan hantud to pogkamasolom. ³ Di agad iyan soi ka nahotabo kandan, mohon-in to mo nakadinog to kandan pogpanulu ka nigtu-u. To mo lukus do no nigtu-u nig-umo hoy mo lalima no libo. ⁵ Pogkamasolom, niglimod to Hirusalim ka pangulu to mo pari, mo nigpaanulu to kasaugan, hoy ka duma pad no pangulu to mo Hudiyu. ⁶ Diya da-an si Annas no iyan ka pangulu to pari, si Caifas, si Huwan, si Alihandru hoy ka duma pad no mo apil to gipuon ni Annas. ⁷ In-alap diyo kandan si Pidru hoy si Huwan hoy inpanginsoan, to nokoy no gahom hoy ki hontow no gahom ka kankiyo no ingamit to pogpooli to otow no polid?" ⁸ Si Pidru no insoloran to Ispiritu Santu nigtabak, kaniyo no mo pangulu hoy mo insaligan to mo Hudiyu, ⁹ ko ka igpanginso now kanami mahitongod to pogpooli to otow no polid, ¹⁰ kinangolan og katagahan now tibo hoy to tibo no taga-Israil, no inpoolian soini no otawa no nigsasindog dini kontoon pinabayjo to gahom ni Hisu-Kiristu no taga-Nasarit. Kandin iyan ka inlansang now to kurus hoy inhimatayjan. Di imbaton kandin to Diyus. ¹¹ Si Hisus iyan ka inpasabot no batu to kasulatan no nigkagi, 'Ka batu no inbalagad now no mo talaghimo iyan ka nohimo no maroson no bato. ¹² Waro on loin pad to tibo ingod no pakaluwas kanta ko kono si Hisus do. " ¹³ Nabolong-bolong kandan ki Pidru hoy ki Huwan tongod so waro iyan kandan nahaldok to pogkagi, so namaan kandan no ka daruwa mo kasajon-sajon do no mo otow hoy waro natagahan. Hoy noilahan dan soi kandan mo karomahan ni Hisus to sikan. ¹⁴ Kaliyag poron kandan no ogkagi mohitongod to kabolonganan no himo dan ni Pidru, di tongod so ka otow no inpoolian nigsasindog to kilid ni Pidru hoy si Huwan nighangtong on kandan. ¹⁵ Koy na-an inpagawas dan pad si Pidru hoy si Huwan ligkat to inlimoran dan hoy nigsasabot-sabot kandan. ¹⁶ Nigkagi kandan, “Nokoy ka og himoon ta to soini mo otawa? Niglugub on to tibo Hirusalim no nokohimo kandan to kabolonganan hoy kono ki pakakagi no ubat soi. ¹⁷ Oyjow kono og lugub ka pogpanulu dan to mo otow, kagihan ta kandan no konad og panudlu mahitongod ki Hisus." ¹⁸ Hoy inpatawag dan si Pidru hoy si Huwan hoy inkagihan no konad iyan kandan og kagi dow kono og panulu mohitongod ki Hisus. ¹⁹ Di nigtabak si Pidru hoy si Huwan, “Sumsumana now aman ko hondoi to soi ka matularong to pogpitow to Diyus ka pogtuman kaniyo hoy pogtuman to Diyus. ²⁰ Kono og kohimo no kono doy pamatbat mahitongod to kanami no nakita hoy nadinog." ²¹ Di inpatahanan man do kandan no konad iyan og pamatbat, hoy pogkatapus inlukaan kandan. Agad og kaliyagan dan purun og hisakitan ka daruwa kono dan soi ogkohimo tongod so ogkahaldok kandan to mo otow, so ka mo otow nigsayju to Diyus tongod to kabulunganan no nuhitabu. ²² So ka otow no inpu-ulian pinabayju to kabulunganan ligad on to 40 no tuig. ²³ To duon inlukaan on si Pidru hoy si Huwan niglibod kandan diyu to mo karumahan dan, hoy inkagi dan kandan ko nokoy a ka inkagi to agalon to mo pari hoy to mo pangulu to Hudiyu. ²⁴ To pogkadinog to soi to mo nigpinuu nig-ampu kandan, “Magbabayja no gahumanon to tibo koykow ka nighimo to langit to tano, to dagat, hoy to tibo no mo kalaglagan no duon kandan. ²⁵ Pinabayjo to Ispiritu Santu inpouli no ka kanami no kaap-apuan no si Dabid no sumusunud no. Nigkagi kandin, mani to dakol amana ka kabulu to mo kono no Hudiyu? Hoy mani ka mo Hudiyu nigpalanu to mo waro pulos? ²⁶ Ka mo hari to ingod hoy ka mo agalon niglimud hoy nigpangandam oyjow og pakig-usig diyo to Magbabayjo hoy to Kiristu.' ²⁷ Natuman on kuntoon ka ikow no inkagi to sikan hun-an panahon tongod su dini iyan to Hirusalim ka mo Hudiyu hoy mo kono no Hudiyu, amut si Hirudis no hari hoy si Pilatu no gobirnadur nakag-uyjon usigon ka balaan nu no sulugoon no si Hisus no koykow no in alam no og kohimo no hari. ²⁸ Di pinabayjo to soini inhinang dan ka tibo no inpalanu nu no ogkohitabu pinabayjo to goom no hoy pogbuot. ²⁹ Hoy kuntoon, Magbabayja pitawa soi mo poghinaldok no inhinang dan, hoy kanami no suluguanon no talari to kabulut pogkagi to koykow no lalagon. ³⁰ Ikotong ka koykow no bolad oyjow to pogpouli, hoy igtugut no ogkahimo porom ka mo butang nokain-inuhan hoy mo kabulungunganan pinabayjo to ngaran to balaan no sulugoanon no si Hisus." ³¹ Pogka ponga kandan nig-ampu, nalubo ka longod no inlimuran dan. Hoy kandan tibo nohiponu to ispiritu Santu hoy nigpanulu to lalagon to Diyus no waro kahaldok. ³² Ka poglimud ta mo matutu-u sagboka ro tu sumansuman hoy goynawa. Hoy wara kandan nigkagi no kandin ro ka tagtu-un to kandin no kabutangan, ko kono nig-abitay kandan tibo to tibo no mo butang no intagunan dan. ³³ Duma to dakol no goom, ka mo apustulis nanakita to pogbatun ni Hisus no Magbabayjo, hoy ka Diyus nigpanalangin amana kandan tibo. ³⁴ Waro sagboka kandan no waro na timaparano ka sikian duon mo kamot hoy mo baloy nigbabaligya soini. ³⁵ Hoy ka halin inbugoy dan to mo apustulis: Inbuhin-buhin soi to mo apustulis to matagsagboka kandan sumalo to kandan no kingulanon. ³⁶ Hoy iyan no si Husi, sagboka no Livita no taga Sipri no in ngaranan to mo apustulis no Birnabi (to kanta pa ka Magdadasig). ³⁷ Migbaligya to kamot din hoy ka halin to soini inbugoy din to mo apustulis.