¹ To soikan no nauyjonan on nog dohipag koy pohondiyo to Italia, indihal dan si Pablo hoy ka pila no nanga puriso diyo ki Juliyo, doon opisyal to Romanhon no sundalo no pigngaranan "Kasundalohan to Emperador. ² Nigmanakoy koy ligkat to Adramito, no andam on no ogligkat pohondiyo to mo katamaran to lalawigan to Asia, hoy nig mangdohipag koy. Nigluyjod kanami si Aristarco no nig ogpo to Tesalonica no siyudad to Macedonia. ³ To igkarangob no aldow nokouma koy to sidon. Maroyjow amana si Hulyo ki Pablo hoy pig oyjanan din no og luoy to mo amana rin no otow oyjow kabogayjaan kandin to mo kinaanglan din. ⁴ No nigparagas koy on natumo roy ka maagbot no kalamag no diyo koy on nig bayjo to pulu to Cipre no waro bagyo. ⁵ Nig duhipag koy to dagat no nig duruhipag to Cilicia hoy Panfilia hoy nokuoma to Mira to Licia. ⁶ Nakakita ka opisyal to sakayjan no ligkat to Alejandria no og hondiyo to Italia, no inpahalin koy to soikan no sakayjan. ⁷ Nalugoy koy nakouma diyo to Nido hoy niglisod koy amana nog bayjo so doon maagbot no kalamag so maagbot ma ka kalamag no diyo koy on nig bayjo to dibaloy no pulu to Creta no waro bagyo hoy nigparagas koy diyo to duhipag to Salmon. ⁸ Nanag-ilis koy duon duma to dakol no kalisod nokouma koy diyo to ugpaan no pigngaranan to mo Maroyjow no umahanan no dani-rani to lungsod to Lasea. ⁹ Nalugoy koy diyo taman to naumahan koy titimpo no kahaldokanan on amana kog sakoy, so nigligad on man ka aldow to pogtubos no iyan ka maroyjow no timpu to pogsakoy. Di nig sambagan kandan ni Pablo. ¹⁰ "Mo amigo, natagaan ko no amana malisod ka ogparayjon to po pangipanow ta, hoy og mauma ka dakol no igkaroot to mo karga ra hoy to barko iling mando to kinabuwi ta." ¹¹ Di ka opisyal to sundalo nigtuu to pigk-ikagi to kapitan hoy ka kamonoy to barko di si Pablo waro dan tuuhi. ¹² Ka dunggoana konon maroyjow no kaholosan to timpo no mahagsil; di ka mo otow nig oyjon no ogparagas og duhipag hoy to pog paniguro no mokouma to Fenicia hoy diyo og kologoy kandan tagood no doun pad maagbot no kalamag ka fenicia sagbuka no dunggo-anan to creta no duon maroyjow no hulosanan ko duon maagbot no kalamag. ¹³ No nig mahinoy-on ka kalamag ligkat to balabagan nig mangsumansuman ka mo duma roy ko kohimo on no og dohipag. Di inhusod dan ka palibaato hoy nig dohipag koy no nig panaga ilis to baybay to Isla to Creta. ¹⁴ To waro malugoy nig tugup ka dalapot ligkat to Urananan, no nig ligkat to isla to Creta. ¹⁵ Nakauma kanami ka dalapot, kono koy on og makaparagas, di nig pouyjon-oyjon koy on agad hondoi koy og alapa to kalamag. ¹⁶ Nakapasalingod koy bag to duisok no nakabayjo koy to balabagan to isla to Cauda. Agad niglisod koy, inkasakoy roy pad to barko ka doisok no balangoy oyjoy kono soini koomono. ¹⁷ To inkasakoy on, in hiroson doy soini tog hikot diyo to barko. Hoy so nangaldok kandan no og makahapigos ka barko. Hoy so nangaldok kandan no og makahapigos ka barko dot pantad dani to Libia, in alos-os an ka tuos hoy nigpaanlas on kandan. ¹⁸ Nigparayjon ka maagbot no kalamag, pog karangob no aldow inpamanggal ka mo karga diyo to dagat. ¹⁹ To igkarangob mando no aldow inpamanggal dan on ka mo gamitonon to barko. ²⁰ Sulod to mohon-in no aldow waro noy makita ka aldow hoy ka mo bituon, tugup mando ka maagbot no dalapot. To kooposan wa koy nig iman nog makaluwas pad. ²¹ To pila on no aldow, ka mo otow warad og mango-onon, nigsasindog si Pablo hoy migkagi. "Mo amigo ko naminog kow pa puron kanak hoy warad no konad og dohipag ligkat to Creta, kono kid puron og makabayjo to malogon hoy kapildiyan. ²² Di konton og hangyoon ko kaniyo no kono kow og kahaldok so wara sagbuka kaniyo no og kamatoy; ka barko iyan do naroog. ²³ To marusilom ka Diyos no kamonoy kanak hoy iyan pigsimab ko no nig pohondini to diwata. ²⁴ No migkagiyan a, "Kono kag kahaldok, Pablo! kinahaanglan og bulig ka to Emperador; hoy ka Diyus to karoyjow din og makaluwas kaniyo tibo pinabayjo koykow. ²⁵ koynaan salig kow so kanak ogsalig to Diyus no og katuman iyan ki pig kagi din kanak. ²⁶ Og alapon ki diyo to loin no pulo. ²⁷ Igkaruwa no simana to pog alap-alap kanami to kalamag diyo to Dagat to Mediteraneo. To og kaliwaro on ka nig manakoy nakaguram no marani koy on to tano. ²⁸ Koynaan intogkad dan ka woyig to pisi no ka ugbos nighikotan to pabugat hoy natugkad dan ka karalomi no 20 no dupa; diyo tog kahun-huna-an natugkad dan no 15 naan do no dupa ka karalumi. ²⁹ To kahaldok dan no og makasapigid koy to bato, inpa alos-os da ka hup-at no tuus to ulin hoy nig-ampo no puron og kasolom on. ³⁰ Ka nig manakoy og kaliyag nog awo duon to barko no nig alos-os dan ka balangoy diyo to og kahon-naan ogkakagi ran no og kalunod on ka tuus. ³¹ Di si Pablo inkagiyan din ka kapitan hoy ka mo sundalo ko og-awo kayi to untoranan ka mo trabahanti to barko, kono kow ogkaluwas. ³² koy naan inpanampod to mo sundalo ka mo lubid no inghikot to balangoy hoy inbalagad on nog kalonod soini. ³³ No hangkayi tog kaliwaswas on, inhanggat ni pablo kanda tibo no og koon. Migkagi kandin, "nadaruwaan kowon no simana kontoon nog tatagad no waro koonkoon now agad doisok. ³⁴ koynaan hongyo a kaniyo no mangoon kow oyjow og manokal kow so waro og kalaag agad sagbuka no bulbul to ulo now" ³⁵ Hoy nigkuwo si Pablo to pan, nig pasalamat to Diyos diyo to tangkaan dan, hoy pig pamuripuri din soini hoy pig koon din. ³⁶ Hoy nangabaghot kandan tibo hoy nango-on. ³⁷ Daruwa no gatos hoy kapituwan hoy hon-on koy tibo. ³⁸ To nangahantoy on ka tibo, pigpamanggal dan ka trigo diyo to dagat oyjow konog kabogatan ka barku. ³⁹ To pog masolom on, waro mailayi to mo trabahanti to barku ko nokoy no ugpoan ka naumahan noy, di doun nakita ran diyo to mariyu no ilis to dagat no doon lalanok, na nigmangsasobot no ig dunggo dan doon ka barko dan. ⁴⁰ koynaan pig pamungol dan ka lubid no inpangikot to mo tuus hoy in ongkoran dan on diyo to dagat. No inhukad dan mando ka mo lubid no inpanghikot to mo darakol no bogsoy no iyan og boot ko hondoi igpabayjo ka barku. Hoy inkayjow ran on ka maluag no hinabol no diyo to uluwa to barku diyo to dagat. ⁴¹ Di naka hondiyo ka barku to mababow hoy nakahapigos. No nakahapigos. Nakataslok ka ulu dot barku hoy nadoot ka lubot so maagbot ka luwak. ⁴² Nig manggogoynawa ka mo sundalo no og pangimatayjan ka tibo no mo pinirisu oyjow waro agad sagbuka no og makalangoy diyo to baybay to dagat hoy makapalagoy. ⁴³ Dig kaliyag ka opisyal to kasundaluwan no og luwason si Pablo, di in balabagan din kandan. Pigpanugo din ka tibo nog katoo nog langoy no igpatinogpo diyo to ilis to dagat; ⁴⁴ Hoy ka duma inpasundol din no nig mang ambo to Tabla hoy agad nokoy no nangadoot diyo to barku. No iling to soini, nakaumo koy diyo to ilis to dagat no waro koomonowan noy.