¹ Aman no nakalingkawas koy on to kamaro-otan nama-anan doy no sikan no puu pigngaranan to Malta. ² Masima-simahon kanami ka mgo naman ugpa diya. Tongod to ungud og uraan dow pigpanhagsi koy, namantotomog kandan dow pigtanob koy iyan kandan. ³ Dow nangaju si Pablo. Aman no intomog din on ka kaju diya to hapoy, nig hignali nig lugwa ka makasabot no uwod likat diya to intomog no kaju tongod to kapaon to hapuy dow in kagat ka bowad din. ⁴ To pogka-aha to mgo naman ugpa diya to kan uwod no nigbibitoy diya to bowad ni pablo, naman iling kandan. "Mamumunu iyan soini no otow. Nakalingkawas kandin to dagat di kona iyan og ujun ka langit no ogkabuhi pad kandin!" ⁵ Di inwaling da puli ni Pablo ka uwod diya to hapuy dow waro kandin na omonu. ⁶ Nigtatagad ka mgo otow ko og lobag ka bowad ni Pablo dow ko og katu-od kandin dow og kamatoy. Di na lugoy-lugoy on ka pog tatagad dan no warad iyan na omonu si Pablo. kaling naisab ka pogdoromdom dan dow nig-ilng, "Saboka kandin no diyus!" ⁷ ka ngaran to panguu to sikan no banwa si Publiyu ka pasak din dani ra iyan to banwa no piglugsaran doy marojow ka pogdawat din kanami dow suod to totolu no arow diya koy nig-ugpa to kandin. ⁸ Naka-atun daan no narawhan ka amoy ni Publiyu. Ogdat-oon kandin dow pig lanawan. Kaling nigsood si Pablu diya to sinabong to amoy ni Publiyu dow nig-ampu. Dajun pig dap-owan din to bowad din dow nauli-an soini. ⁹ Tongod to sikan no hitabu-a, ka tibo no narawhan to sikan no puu pigpandaa kani to kanami dow nanga-ulian daan kandan. ¹⁰ Mahan-in mgo bolig ka pigpanbogoy dan kanami, dow aman no og dahipag koy on pighatoran koy pad to tibo no pigkinahanglan doy diya to barku. ¹¹ Pogkaponga to totowu no buwan no pog-ugpa doy diya to Malta nigsakoy koy to barku no nigpasalingod diya to timpu to tig hagsii. Soini no barku likat to Alihandriya ka marko to unahan to soini iyan ka litaratu to nig i-iping ni Diyus. ¹² Likat to Malta nigbaja koy to suydad to sirakusa dow totowu koy no arow diya. ¹³ Likat diya nig dahipag koy taman no nigtirow koy to Rigiyo to sunod no arow nig horos ka kaamag to baabagan, dow sood to daruwa no arow nakatirow koy to lunsud to Putiyuli. ¹⁴ Diya naka-aha koy to mgo tumutu-u. Nigpakinaw-uy kandan to kanami no og pabilin pad diya to kandan suod to songo simana. Pogkaponga niglahus koy diya to Ruma. ¹⁵ Pogkarinog to mgo su-un diya to Ruma no nig tirow koy on, pigtagbo koy diya to puru ni Apyu dow to Tris Tabirnas. Aman no na-aha on kandan ni Pablu nigpasalamat kandin to Diyus dow nigmangon ka tu-un din. ¹⁶ Aman no nigtirow koy on to Ruma pig-ujunan si Pablo no og ugpa diya inggad hondoi kandin ogkaliyag no duon saboka no sundawu no ogbantoy kandin. ¹⁷ Poglaboy to totowu no arow inpasabi ni Pablo ka mgo kapanguuhan to mgo Hudiyu to Ruma. Aman no nangahimon on kandan, nig-iling si Pablu, "Mgo suun inggad wara nahinang ku no saa to duma ta no Hudiyo dow to mgo batasan to mgo gin-aw-apuan ta, pigdakop a ran diya to Hirusalim dow in-nangon diya to Gubirnu to Ruma. ¹⁸ Pig-insaan a to mgo duon katongod no mgo Rumanhon, dow to pogkama-ani ran no wara saa ku no angajan no og logparan to kamatajon og sabukan a ran poron. ¹⁹ Di pig baabagan soini to mgo Hudiyu, kaling ka napogos a to pogdani to Emperador, inggad pad to wara kasul no igkahapoo ku to mgo su-un ku no mgo Hudiyo. ²⁰ Iyan soini no inpasabi ku iyu, ojow ogmaka nangon a iyu, su kinadinahan ad kuntoon tongod su nigtu-u a to pig-imanan to mgo Hudiyo. ²¹ Nig-iling kanda diya ki Pablo, wara koy makadawat to sulat no likat diya to Hudiya mahitongod ikow ka mgo su-un ta no mgo Hudiyo no nig manirow dini likat to Hirusalim wara daan makaraa to batbaton dow ko nignangon to maroot para ikow. ²² Di ogkaliyag koy daan no ogkarinog doy ko nokoy ka ig banwa kona no marojow ka ignangon to mgo otow mahitungod to panong no pig amutan nu." ²³ Kaling naman sasabut-sabut kandan ko nokoy no arow kandan og hihimon-himon. Aman no nigtirow on ka arow no pigsabutan dan mahan-in pad amani ka mgo arow no naman amut kona to kan nauna to poghihimun-himun diya to baoy no pigpunhikan ni Pablo. Likat pad tl masoom taman to marukilom ka pog pamatbat ni Pablo. Inpamatuud din diya to kandan mahitongod to kapanguuhan to Diyos dow pignangon dan kandan ka mahitongod ki Hisus pinabaja to mgo sinulat ni Moysis to balaud dow to mgo sinulat to mgo purupita ojow og tuu kandan diya to kandin. ²⁴ Naman tuu ka duma to pig-ikagi rin, di ka duma wara naman tuu. ²⁵ Tongod to kona kandan og makag siwsinabut, naman uli kandan. Di to wara pad kandan naka-ui, duon in nangon ni Pablu kandan. Nig-iling kandin, " Wara iyan nasajop ka pignangon to Ispiritu Santo to mgo kagin-aw-apuan pinabaja ki Isayas no Purupita. ²⁶ Su nig-iling kandin, 'Andiya dow nangoni soini no mgo otawa no inggad pad iyan naminog kandan og makasabut dow inggad og longlong pad iyan kandan kona kandan og maka-aha. ²⁷ Tongod su kona kandan ogpamaminog. Pigsagpongan dan ka ngo talinga ran. Dow pigpiyong dan ka mgo mata ran. Su ko wara dan pad poron soini hinanga, maka-aha poron ka mgo mata ran dow og makarinog ka mgo talinga ran dow og kasabutan dan ko nokoy ka tutu-u dow ogdani kandan kanakon dow og tambaan ku kandan. (Dow og kauli-an kandan) ²⁸ Nig-iling pad manda si Pablu, "kaliyagan ku daan no ignangon iyu no ka mgo ikagihonon to Diyus mahitongod to kalipwasan pigbatbat on to kona no mgo Hudiyo; dow og pamaminog iyan kandan. ²⁹ Pogkagi ni Pablo to sikan naman uli ka mgo Hudiyo no nakag apuu-apuu. ³⁰ To suod to daruwa no tuig nig-ugpa si pablo to baoy no pig-abangan din. Dow pigdawat din ka tibo no og pasaka kandin. ³¹ Pig-anad din kandan mahitongod to Magbabaja no Hisu Kristu. Warad iyan kandin moharok to pogpa-anad dow wara nig pogong kandin.