¹ Nigkagi si Agripa ki Pablo, insugotan ka nu og panalipod to kaogalingon hoy insagboka ni Pablo ka bolad din hoy nigkagi. ² Hari nu Agripa, in angkon kod nu palaran a tungod so kuntoon nu aldow to tangkaan nu og panalipod a to kaogalingon ko to tibo nu sumbong kanak to mo Hudiyo. ³ Labi on so natagahan no man ka tibo nu batasan hoy to mo dumot to mo Hudiyo. Koynaaan ka nighangyo a koykow to pogpamminog kanak duma ka pogpailob. ⁴ Ka tibo nu Hudiyo nokoila to kanak nu pog-ugpo ligkat pad to pogkabato diyo to kanak nu banwa hoy to Hirusalim. ⁵ Ku ogkaliyag kow nu og titigos kandan so nalugoy ad nataga to sinogdanan nu nigkinabuhi a nu sakop to Pariso nalugoy ad natag to sinogdanan nu nigkinabuhi a nu sakop to Parisio nu amana nu isterikto to goropo to kanta nu relihiyon. ⁶ So kuntoon soini ad ka inhimuan to salo so nakatatagad a to sabot to Diyos diyo to mu kaap-apuan ta. ⁷ ka sabot nu intatagaran nu ogkarawat to sagboka hoy daruwa nu mo kabuwaran ta no mo otow, tagood nigpanabisabi kandan to Diyos. Aldow hoy marusilom hoy tungod to sikan pogtatagad, kamahalan, inhimuan a to salo to mo Hudiyo. ⁸ Maniyo man to pig-isip niyu no talagsaon alang to Dios no og-uyag to mo patoy? ⁹ Nakasuman-suman a nohon-a nu ka katungdanan ko ka oghimo taman tog kuhimo ko to ngaran ni Hisus nu taga Nasarit. ¹⁰ Iyan soin ka inpohimo diyo to Hirusalim inbugayjan a to katungod to mo agalon to mu Pari to pog piriso to mohon-in nu mo otow hoy to poglogpad kandan to kamatayjon nigsugot a to sikan nu poglugpad. ¹¹ To kamuhon-in ko kandan inpalamposan diyo to mo sinagoga hoy pugos to pog-ungkod to kandan nu pogtuo tungod to kabulo ko soin in-agapon ko kandan taman diyo to kandan nu banwa. ¹² Iyan soin tuod ko to poghundiyo to Damasco duma ka katungod hoy ka mo sugo to mo agalon to mo Pari. ¹³ To pogka mu-odto tago-od nighipanow a kamahalan, nakita ko ligkat to langit ka kaaw-wang nu masilow pad kuno to aldow, no nigsiga libot kanak hoy to mu karumaan ko. ¹⁴ Nanapulod koy tibo hoy nadinog ko ka lagong no nigkagi kanak to kinagiyan nu Hebrreyo, Saulo, Saulo mani tu inlogparan anu? Ikow kag kasakitan to soin inhimo nu, Iling to baka nogsasindog to tudyok. ^{15 16} Huntow ka man, Magbabayjo? nanginso a, Nigtabak ka Magbabayjo, kanak si Hisus nu inlogparan nu. 16 Di sasindog ka, su nigpakita a koykow oyjow oghimuwon ko koykow nu suguanon, ipangagi nu to karumaan ta ka nakita nu kuntoon hoy ka duma pad nu igpakita ko koykow hungkuwan. ¹⁷ Pangabangan ko koykow ligkat to mo otow to Israil hoy to kuno no Hudiyo, nu iyan og pohundiya an ko koykow no mo otow. ¹⁸ Koykow ka nigpatukas to mo mata ran hoy ogtudlo kandan ligkat to karusiloman poiling to kaawwangi, oyjow pinabayjo to pogtuo ran kanak ogka pasayalo ka mu salo dan hoy og kadawat dan ka ugpaan duma ka pinili nu mo otow to Diyos. ¹⁹ Koynaan Haring Agripa, waro a nigsupak to pangito-on nu ligkat to langit. ²⁰ Namatbat a diyo to Damasco hoy to Hirusalim, hoy to tibo nu banwa to mu Hudiyo hoy to kunu nu Hudiyo, no og sumansuman kandan hoy oglibod to Diyos, Hoy og himo to mu butang nog poila nu nanga duma on kandan. ²¹ tungod to soin, indakop a to mu Hudiyo diyo to timpulu hoy og himatayjan aran purum. ²² Di hangtod so soin nu aldow nigbuligan a to Diyos koy naan soin a nog titigos diyo to tibo, inila man hoy kuno ka ingkagi ko iyan do ka intagna to mo purupita hoy ki Moysis nu nayitabo. ²³ No ka Mesiyas kinaanglan og antos hoy kandin ka ogkahun-a og kaoyjag oyjow og pamatbat to batbatunon to kaluwasan diyo to mo Hudiyo hoy to kuno nu Hudiyo. ²⁴ Tagood nanalipod di Pablo tu kuogalingon din, nigpangiyak diyo to kandin si Festo no nigkagi, "Nal-langod ka, Pablo! To subla nu no natagaan iyan nakupal langog koykow. ²⁵ Di nigtabak si Pablo, waro a mal-langog, kamahalan! ka inkagi ko tutu-u hoy sakto. ²⁶ Haring Agripa! nigkagi a koykow nu waro pogduwa-ruwa so natuga ka man to soin nu mu butang. Nataga a nu natagaan nu soin tibo, so waro man nayitabo soin tu hulos. ²⁷ Haring Agripa nigtuo ka ba tu mu purupita? natagaa nu nigtuo ka! ²⁸ Nigkagi si Agripa ki Pablo, nigtuo ka buwad nu naruma to pogka kristohanon sulod do to malupot nu panahon? ²⁹ Nigtabak si Pablo, malugoy hoy ko magaan, ka pogpanawagtawag ko to Diyos nu iyan ikow hoy kaniyo tibo nu narinog kanak tuntoon ogkoiling kanak di kuno nu hinikutan. ³⁰ Hoy ka Hari, ka Gobirnador, hoy si Berinice, hoy ka tibo nu nig-amot duma ran nigsasindog. ³¹ Hoy to pog-ungkod dan kinagiya'y kandan. soin otow kunun maroyjow nog pirisuhon hoy og himatayjan, so waro nohimo din nu maruot. ³² Hoy nigkagi si Agripa ki Festo, soin nu otow ogkohimo purom nu ogsabukan ko waro pa kandin ni inan-ana to Emperador.