1
No pigpitow amana si Pablo ka mo talaggohom to nigkagi, "Mo sulod, poon dongan taman untoo malinis ka konsinsya ko mahitungod to kanak no pogkootow diyo to tangkaan to Magbabayjo."
2
No ka labow no talagpanobad no si Ananias, nigsugo to mo otow no nigsasindog diyo to marani ni Pablo to inpatagpi ka bu-bu din.
3
No nigkagi si Pablo, "Og tagpi-on ka to Magbabayjo-sikoykow, ogpokoiling ka to maduot no alabat no in pintalan do to nigpalimo-limo! nigpinpinnuo ka duo oyjow to poghokom kanak sumalo to balaod, nokoy naan insupak no ka balaod to pogsoogo no kandan to pogtagpi kanak!"
4
No nigkagi ka insasindog no otow, "Og iling naan pog-insultu ka labow to mo pari to Dios?"
5
Mig-ikagi si Pablu, "Waro nataga mo sulod, no labow bos to pari sikandin. Su hoin ka nakasulat, kono angay no og-ikagi to maroot to tagmandu to koykow no mo kootawan."
6
Nokoy naan to pogkakita ni Pablo no duo mo Saduseo no nahibulong duto, hoy duo dogma mo Pariseo,nigkagi sikandin to puomot, "Mo sulod, sagbuka a no Pariseo hoy anak pad man-o to Pariseo. Inpaatubang a kani poon so ogpalintotoo a no og-oyjagon ka mo minatoy!
7
To nalalag do iyan soyjo ni Pablo, nonokog-apul o ka no Saduseo hoy ka mo Pariseo. No poon duton, nasaad o ka mo otow.
8
So nigkagi ka mo Saduseo to ka mo minatoy kon, konad o og-oyjagon, hoy waro palintotoo to tibo.
9
Nasi o no nigsamot ka mo nakig-apol, no duo mo talagpanulo to balaod to Magbabayjo no sakop to mo Pariseo no nigsasindog ka nig-apol hoy nigkagi, "Waro nigkita hoy no maduot no inhimo to soini no otow! kono ko duo nigpakiglalag kandin no Espiritu Santo hoy ko panaliyahan!
10
No soble on no nigmasumpit ka apolanan nokoy naan nahaldok o ka komander ko oghiwhiwbiton dan o si Pablo. No poon duton, inpaluno din ka mo sundalo no ogpaangayjon ki Pablo pariyo kandan hoy inpaalam diyo to kampo.
11
11 To soyjo no marusilom, niglopow ka Magbabayjo diyo to longod ni Pablo hoy nigkagi, "Pakannokal ka! nigmalongot ka anak kayi to Hirusalim, no koinahanglan no iling dod dogma ka oghimowon no diyo to Roma."
12
To pogkapawo, duo mo Hudiyo no niglibulong no nigpasabutoy. Nigpangonlibot sikandan to Magbabayjo no kono ogkoon hoy og-inom ko kono dan-o ogkoyhimatayjan si Pablo.
13
Sobla sikandan to hop-at no polo (40) ka nigpasabutoy.
14
Nataman, nangon diyad sikandan to mo pangolo to talagpanobad hoy to mo igboyjag dan no nigkagi, "Amani koy o nigpaanad no kono ogkoon ko kono noy ogkoyhimatayjan si Pablo.
15
No sikaniyo naa duma to mo talaghukom to mo Hudiyo, ka ogpatahanan to komander to Roma no karoyjow kayi to kaniyo si Pablo, no ubag kon karoyjawan kow no ogpakanongnong amana moytongod kandin. No ogkataman, oghimatayjan noy sikandin to kono pad ogpohingoma kayi"
16
Nokoy naa nakarinog to soyjo no palano ka kanakan no anak hoy nigpanggohuran din duto.
17
Nataman, inpaomow ni Pablo ka sabuka no kapitan to mo sundalo hoy nigkagiyan, "Oyjagan no soini so kanakan diyo to komander so duo iglalag din kandin"
18
No nokoy naan in-oyjag o sikandin to kapitan diyo to komander no nigkagiya ka kapitan, "Impaomow a ni Pablo no piniriso hoy nighangyo no og-oyjagon ko soini so kanakan kayi so duon kon iglalag koykow."
19
Niggon-gonan to komandir ka bulad to kanakan hoy in-oyjag din diyo to Madmariyo to mo otow hoy nig-insaan din, "Nokoy bos ka iglalag no kanak?"
20
No nigtabak ka kanak no nigkagi, "Nonokogsabot ka mo pangolo to mo Hudiyo no oghango koykow no igpaoyjan no si Pablo kaasolom poondiyo to kalibulongan dan su ka toyo no ubag kon ogkorayjawan sikandin no ogpakatahan to duma pad man-o moyitungod kandin.
21
Nokoy naan kono ka palintotoo kandan so duo sobla to hop-at no polo (40) no mo otow no ogtatagad hoy og-atang kandin diyo to dalan. Nigpangonlibot sikandan no kono ogkoon hoy ig-inom ko kono dan ogkoymatayjan si Pablo. Andam o sikandan hoy ogtatagad naan do ko kon-o no ogpoypanawon.
22
No nigkagi ka komandir diyo to kandin, "kono ka pamontol to agad hontow to nigpanggohoran a nikoykow" No duto, inpoypanow din o ka kanak.
23
Nataman on impoomow o to mo kumandir ka darowa to mo kapitan din hoy nigkagiyan "Andam kow to darowa no gatus (200) no mo sundalo so inpoondiyo ko sikaniyo to longsud to Sisarya kog kowa to mo alas nuwibi to marusilom doma to pito no polo (70) no gatos (200) no ogpangoyan to kalawit.
24
andam kow man o to mo kanak no ogpo-onturan ki Pablo hoy batayji now no waro ogkoyitabo diyo to kandin taman to ogpokohingoma diyo to ki Gubirnador Felix."
25
No nig susulat ka kumandir to soini.
26
Amana no talahoron no gobirnador Felix, sikanak si Claudio Lisias no nigpangomosta koykow.
27
ka soini no otow, indakop to mo Hudiyo hoy oghimatayjan dan o puron. Nokoy naan hanongnongan ko no narihistro bos sikandin diyo to Roma, nokoy naan inluwas ko sikandin duma to mo sundalo ko.
28
Naroyjawan a no ogpakatahan ko maniyo to insombung dan sikandin, no poon duo, inhatod ko sikandin diyo talaghokom to mo Hudiyo.
29
Nataman, nanongnongan ko no waro maduot no noyhimo din no olog no oghimatayjan hoy ko ogprisowon na sikandan ka sumbong kandin, moyitungod do to kandan mismo no balaod.
30
Nokoynaan to pogkanongnongan ko no ogpalanowan bos sikandin oghimatayjan to mo Hudiyo, inpoon kod o sikandin koykow. No insugo ko ka nigsosombong kandin no kayid o to koykow igpopanoyik ka sumbong dan."
31
Nokoynaan, in-oyjag o si Pablo to mo sundalo sumalo to insogo kandan. To soyjo no marusilom, ingkowo dan si Pablo hoy in-oyjag dan taman diyo to Antipatris.
32
To pogkapawo, niglibud o diyo to kampo soyjo so mo sundalo no nanhipanow ro no iyan naan do nigduma ki Pablo soyjo so nangonkanak.
33
To poghingoma dan diyo to Sisarya, ingbogoy dan o ka sulat diyo to Gobirnador, hoy si Pablo, inbogoy dodma kandin
34
To pogkaponga to Gobirnador to nigbasa to sulat, nig-insaan din o si Pablo ko hondoi no probinsya sikandin nigpoon. To pogkanongnongan din no matig-Silisya bos si Pablo.
35
Nigkagi o sikandin, "hoy kod o oghukomi ka kaso no ko oghingoma o ka nigsosombong koykow." No nigpabantayan din o si Pablo diyo to tapoy no palasyo ni Hirodis.