¹ To nakolima-on ka mo Agalon to Pari nu si Ananyas nighondiyo to Cisarya duma to pila nu mo kadagko-an hoy to sagboka nu Abugado nu in ngaranan to Tertulu. Nigtangko kiandan ki Felix nu gobernador hoy insumbong dan un si Pablo diyo to Gobernador. ² In patangko si Pablo to gobernador hoy to doun un kandin si Tirtulu nigkagi, “Halangdon Filix tungod to maroyjow ka pog alap nu duon karoyjawan hoy duon nabalbalawan to soin nu nasud. ³ To tibo nu banwa hoy to tibo nu panahon nahulo koy amana hoy ogpasalamat koykow ⁴ kono ogkaliyagan nogkatalogon kos koykow, koy naan ogholo a koykow nugpamminogon nu soig nagunko koykow. ⁵ soin no otow iyan bunsuranan to kaguluban diyo to mo Hudiyo hoy to soin nu ingod hoy kandin pad ka agalon to panong to mo Nasarinuo. ⁶ Hoy anuy ro ka timpulu inliyanliyan din di indakop doy unkandin ⁷ Di nig-uma ka komander nu si Lisias hoy in uson din togpurot kanami si Pablo. ⁸ Kog sumsummiton nuw soin no otow ugkatagahan now ko nukoy ka salo din. ⁹ ka mo duma ni Tirtulu nu mo Hudiyo nu nigkagi to tutu-u iyan ka tibo. ¹⁰ Hoy nig-alati ka gobernador diyo ki Pablo nu ugpakagiyon, “Nataga a nu koykow ka talaghusoy to sojun nu nasud to nalugoy un nu katuidan koy naan ka dakol ka kahulo ko nu kayi ka kuntoon to tangkaan ko. ¹¹ Oyjow nug katagahan nu to waro pad nig sampulu hoy daruwwa nu aldow ka poghondiyo ko to Hirusalim oyjow to pogsimba. ¹² waro man nakakita ka mo Hudiyo nu nig paki-apul a to agad hontow diyo to timpulu hoy ko waro ko pigtuam ka mo otow diyo to simbahan hoy agad hondoi diyo to Hirusalim. ¹³ Hoy soin kandan waro igkapakita ran nu tutu-o ka insumbung dan moyitungud koddi. ¹⁴ Koy naan og angkonon ko kayi to tangkaan nu nigsimba a iyan diyo to Magbabayo to mo ka ap-ap-puan noy pinabayjo to pog-ikol to dalan nu kagi ran nu ubat kon. Hoy nigpalintutuo to tibo nu in sulat to balaod ni Muwisis hoy to mo basahon no insulat to mo pururpita. ¹⁵ ogkoiling mandu kandan nu nig-iman nog uyjag do kag kamatoy-on, ka maroyjow agad ka nighimo to kono no maroyjow. ¹⁶ koy naan nu layjon ko ug aw-amoson nu malinis ka kunsinsya ko diyo to Magbabayjo hoy diyo to ko otow” ¹⁷ Tapos tu pila nu tuid noko hondiyo to mariyu to Hirusalim, hoy niglibod a diyo oyjow to pog-dul-ong to mo hinabang diyo to mo sulod ko no mo Hudiyo hoy ug talapag. ¹⁸ Nakita ran nu nig panalapag a diyoi to timpulu to natapos ko toghimo ka sirimunyas to poghinlo. Waro man duma ko diyo mnu mo otow hoy waro man kaguluban diyo nu noyitabo. ¹⁹ Di duon diyo pililohon no mo Hudiyo nu matig lalawigan to Asiya. Oyan puron kandan og tangko koykow hoy igsumbng ko duob nab igsumbong dan kanak. ²⁰ Hoy ko duon man igkagkagi ran no salo no nohimo to sikan to pogtangko ko to labow no talaghusoy. ²¹ Di ka tutu-u to duon no nigtangko kandan no nigkagi a, ‘Kanak no in husoy anow kunto-on tongod do to nigpalintutu-u a nog kanga buyi ka mo namatoy-on!” ²² Koy na-an no si Filix no nataga amana mohitongod to dalan nigtapus on to husoy. No nigkagi kandin, “Og hukuman ko soin no kasu kog pokouma on si kumandanti Lisiyas.” ²³ Koy na-an inkagiyan din ka kapitan no intugyanan ki Pablu nog pabantayan kandin, di bogayjan do kandin to doisok no kagawasan. Hoy og pabogayjan do to mo duma rin to kandin no pigkinahanglan. ²⁴ To nakapila on nokouma si Filix duma to asawarin no si drusila no sabuka nu hudiyu.koy naan no inpohondiyo din si pablu ni filix hoy nam-minog kandin no nan lalag mohitongod to pogtu-u ki kiristo hisus. ²⁵ Di to pog kagi ni pablu mohitongod to kinabuwyi no maroyjow to pogpogong to kaugalingon hoy to poko uma no aldow to pog logpad,naahaldok on si filix hoy nigkagi. “Hipanow kad on igpahondini koro koy kow ko doun panahon ko." ²⁶ Di ka tutu-u nig iman kandin no doun igbogoy ni Pablu no salapi koy naan ka moon-in din inpoohondiyo si pablu oyjow to pog pakagi lalag kandin. ²⁷ To daruwa-on no tuid in ilisan on si filix ki Purciyo Fistu to pogka gubirnador ima ni filix nog koholo ka mo hudiyo hoy naan waro din loko-i si Pablu.