¹ Mo soon hoy mo dinikanan, paminuga a now!" ² Pugkarinog dan noka kinagiyan Hibrio no nig hagtung kandan hoy si Pablo nig parayjon. ³ "Sagbuka ano Hudiyo no otow to tarso to Cilicia di kani anig dakol to Hirusalim no binasbas ni Gamaliel. Pig-anad ato balaud to mo kaboybojagan to maroyjow no hinang maparayjunon nog alagad to Diyos angud kaniyo no kani kuntoon. ⁴ Waro ko sagduki to pog pabayjad bayjad ka mo otow no nig tuu kanak pigpadakop ko kamo lukos hoy malitan. Ka panguu no Pari kag makapamatbat nog lugparan. ⁵ Nakadawat a to sulat ligkat kandan para to mo karumaan kono Hudiyo diyo to Damasco koynaan kanig hundiyo a oyjow to pog dakop to mo ka utawan hoy igpalibudo diyo to Hirusalim oyjow ug pahaisakitan. ⁶ "Pogkama-udto to sikan nighibanow a tagood to marani ad to Damasco, saguguno no nig malayjag no aldow ligkat to langit. ⁷ Napulod a hoy nakarinog ato nigkagi, "Saulo, Saulo! mani to pig lugparan ano?" ⁸ Hoy nanginso a, huntow kamanaan, Magbabayjo?" hoy nigtabak kandin, 'kanak si Hisus no Nazaritnon no pig lugparan no . ⁹ Ka mo duma ko nakita dan ka kaawang di waro dan narinog ka lagong no nakigkagi. ¹⁰ Hoy nanginso a, 'Nukoy kag hinangon ko Magbabayjo?" hoy nigkagi kandin kanak, sasindog ka hoy hipanow ka diyo to Damasco hoy poiling diyo to Damasco hoy ogkagiyan ka to to tibo no igpahinang to Diyos koykow. ¹¹ Nabutod a to masilow no kolayjag koynaan ka pig kitkit ato karumaan ko po-iling diyo to Damasco. ¹² "Diyo duun sagbuka no otow no pig ngaranan ki Ananias no matinu-uhon to balaod no pigtuman to tibo no Hudiyo no nig ugpo diyo to Damasco. ¹³ Nigdalapak kandin kanak hoy nigsasindog diyo to kilid hoy nigkagi, suun no Saulo, makakilakad! hoy to sikan no timpu no nakakita ad hoy nakita ko si Ananiyas. ¹⁴ Hoy nigkagi kandin, ka Diyos to mo kabuybujaran nigpili koykow oyjow ugkamaan ka to kandin no kabubut-on hoy igkakita no ka buutan no sugu-onon hoy ogmakarinog kandin. ¹⁵ So koykow ka pighinang no titigus to tibu no kautawan mayitungod to nakita no hoy narinog. ¹⁶ Koynaan kapa bunyag kad hoy kag kalulu-an ka mi salu no pinabayjo to pog omuw to ngaran din ¹⁷ Hoy nig libud a diyo to Hirusalim. Tago-od to nig ampo a diyo to timpulu hoy nakasu-ilow. ¹⁸ Nakita ko ka Magbabayjo no nig kagi kanak. awo ka diyo to Hirusalim so ka mo otow kani kono ogdawat to titigos kanak. ¹⁹ Di nigtabak a, "Magbabayjo, nataga kandan no nig hundiyo a diyo to mo sinagoga no pigdakop a hoy pig bun-ug kanig tu-u koykow. ²⁰ To duon no pig himatayjan ka titigus no si Esteban napitow ko hoy nig sugut a nog himatayjan kandin tagaod to pig bantajan ko kamo lumbong to nig himatoy kandin. ²¹ Hoy ka Magbabayjo nigkagi kanak, hipanow kad! so igpahundiyo ko koykow diyo to mariyo diyo to kunu no mo Hudiyo? ²² Kani ro taman ka pogpaminog to mo otow kandin. Hoy nangiyak kandan, himatayji kandin! kunu kandin angayjan nog kaoyjag!" ²³ Nangiyak kandan hoy pig kawoy dan ka lumbong hoy pigbanggal dan. ²⁴ Ka agalon to Romanhong nigsugo to kautawan to pog alap ki Pablo sulud to kampu hoy pog lugpad kandin sog suksukiton mani to ka mo Hudiyo nangiyak nog kubow kandin ²⁵ To duon no pig hikutan on kandin oyjow lampusan, nigkagi si Pablo to opisyal no nig sasindog, oyjun ba to balaud ka pog lugpad to sagbuka no Romanhong lunsuranan no waro pad pabawbajari?" ²⁶ To pog karinog to kapitan nighundiyo kandin to afalun hoy nig kagi, nukoy kag himuwon no kuntu-un? sooyjo no otow sagbuka no Romanhong lungsuranon!" ²⁷ Koynaan ka agalun nighundiyo ki Pablo hoy nanginso, "Nanguni ano, Romanhong lungsuranon ka? ho-o nigtabak si Pablo. ²⁸ Ka agalon nigkagi, dakul on ka nagasto ko oyjow ugkayimo anu Romanhong lunsuranon. "Hoy nigtabak si Pablo. Di kanak na otow anu Romanhon" ²⁹ To sagugumo nig man unsig ka mo otow no nig suki-sukit ki Pablo hoy nahaldok ka agalun to pog ka taga din no si Pablo pighikutan to kadina sagbuka manaan kandin no Romanhong lungsuranon. ³⁰ Ka agalun nig palintuka ko nukoy ka nangon to mo Hudiyo ki Pablo. Koynaan ka sunod no aldow pigpahukom din to kadina si Pablo hoy pigpalimulimud din ka mo agalun to mo Pari hoy ka tibuuk labaw no lugparanan. Hoy pigduma din si Pablo hoy pigpatangko kandin.