1
Namilinbilin koy to mo pangou to ikagiyonon diyo to Efeso, hoy nigparayjon koy nigdoyipag to Cos. To sunu nu aldow noko-uma koy to isla to Rodas. Hoy ligkat diyo nigparayjon koy to Patara.
2
Diyo doon nigkita noy nu sakayjan noghondiyo to Fenicia nu nigsakoy koy un
3
Nigkita noy un ka Isla to Capre, di waro koy nigsagdokdiyo ko kono nigbayjo koy tog ka kawwanan pohondiyo to Sirya. Diyo koy nigdungko to lunsud to Tiro tungod su do0on sakayjan nu inpalono diyo.
4
Nigpamango noy ka otow nug sundul ki Hisus, hoy nigdayjum koy diyo solod to sungo simana. Tungod to Ispiritu Santo, nigpataanan dan si Pablo nokono igpohondiyo to Hirusalim.
5
Di pogkaponga to sagboka nu simana nigparayjon nigparayjon koy rod iyan nigdoyipag tibo kandan. Duma ka mo asawwa hoy ka mo hibatoon, nigdulung kandan diyoto libwasan to siyudan. Nanluwod koy tibo diyo to babayjon ka nig-ampo.
6
To nananglid koy un kandan, nigsakiy koy un to sakayjan hoy nanguli daan kandan.
7
Ligkat to Tiro nigparayjon koy to pogdoyipag to Tolemaida. Poghinguma noy, nakigkita koy to mo sulud noy diyo ki kristo hoy nigdayjun koy diyo’t kandan solod to sungo aldow.
8
To sunu nu aldow nigdoyipag koy to Cesaria. Ponghinguma noy diyo nighondiyo koy to baloy ni Felipe nu niggugud to maroyjow nu lalagon, hoy diyo koy nig-ugpo si Felepe sagbuka nu in-alam dongan diyo to Hirusalim su ug bulig to mo apostulis.
9
Hup-at ka anak din nu malitan nu tibo prupita.
10
To mo piloon nu aldow doun nokouma nu purupita ligkat to Hudiya, Agabu ka ngaran din.
11
nig dani kanami hoy inpurot ka bakos ni Pablo hoy nigbako din ka kougalingon din nu paa hoy bulad. Nigkagi kandin, “Sumalo to Ispiritu santo iling to soin ka ug himowon to mo Hudiyo to Hirusalim to tagtuun to sikan bakos, hoy igdihal un to mo Hudiyo”
12
Pogkadinog noy, duma ka diyo nigholo ki Pablo no kono un kandin igpohondiyo to Hirusalim.
13
Nigtabak si Pablo, “Maniyo to nigsinugow kow? Inpaliyu-a nuw on? Andam a nug pabako agad ogkamatoy apad oyjow ki Ginoong Hisus”
14
Kono dan ug kahawbiran si Pablo, nigkagi koy nandu, “ogkarayjon puron ka pogboot to Magbabayjo”
15
To noko-ugpo koy diyo’t pila nu aldow, nanagana koy sug hondiyo koy to Hirusalim.
16
Duon mo sumusunud ni Hisus nigduma kanami. Nig-alap koy ran diyo to baloy ni Mnason nu taga-Cipre hoy diyo koy nigdayjun. Si Mnason ka noon-a nu sumusunud ni Hisus.
17
Poghinguma noy to Hirusalim, narago koy su nangumusta koy to mo duma ni Kristo.
18
To sunu nu aldow, duma noy si Pablo to poglouy ki santiyago diyo tahan ka panguo to iglisya to Hirusalim.
19
Nangamusta ni Pablo kandan duma to poglalag to tibo nu nangimu to Diyus diyo to kono no Hudiyo pinabayjo kandin.
20
To nadinog dan-on ka inlalag kandan nigsayjo kandan tibo to Magbabayjo. Hoy nigkagi kandan ki Pablo, “ Nataga ka sulud, linibu un ka mo Hudiyo nu nigtuu ki Hisus hoy tibo kandan nig-ikol iyan to balaod ni Muwisis.
21
Nakarinog kandan nu nigpanulu ka to mo Hudiyo nu noko-ugpo to banwa to kono no mo Hudiyo nu kunad kandan og panginangolan nog sunu to mo sugu ni Muwisis. Nigkagi ka nu konad ugtulion kan mo hibatoon hoy kunad mo Hudiyo.
22
Kuntoon, nokoy buwa ka maroyjow nog himuwon?su natagahan un nu nuko-uma kad.
23
Maroyjow buwa pad kog himuwon nu ka inlalag noy koykow nu duon hup-at nu lukos kayi nu intugon to Diyus.
24
Duma kandan hoy himuwa nuw ka sirimunyas nog kakagi to sugu moyitungud to poghinlo. Bayjari ka koilangan to pogtalapag to Diyus oyjow ug makapatabulog kandan. Iyan soin ka tumana nu ka tibo ogkata nu ka batbaton nu narinog moyitungod kandin nu kono’n tutuo, su nakita ran nu nigtuman ka to mo sugu ni Muwisis.
25
Ko moyitungod to mo kono nu Hudiyo nu nigtuo ki Hisus, nigpa-alap koy un to sult kandan moyitungod to kanami nu kasabot no kono kandan ogkoon to halad to mo diyus-diyus hoy langusa, hoy karni to hayop nu to pogkamatoy , ka langusa waro niglibwas. Kono daan oglawbaan aynaan ka mag-asawwa.”
26
Tu sunu nu aldow nig-alap ni Pablo ka hop-at nu lukos hoy nig-apol kandin to poghinlo sumalo to kandan sugu. Hoy nighondiyo si Pablo to timpuly sug lalag ko kon-o ugkaopos ka poghinlo dan, su kog kaponga to soin duon igtalapad nu mo hayop kara sagboka kandan
27
To magaanun ugkoopos ka igkapito nu aldow to poghinlo dan, duon hudiyo nu nigkita ki Pablo diyo to timpulu. Nasabutan to tibo nu mo otow diyo to timpulu nu ugdakopon si Pablo.
28
Nangulaloy kandan, mo duma ko no mo matiglunsud no mo Israil , Bulig kow! Iya soin ka otow nu agad hondoi ugparolog nu talagpanulu kanta nu mo Hudiyo, to sugu ni Muwisis hoy to soinnu timpulu. Hoy kono do no soin ko kononig-alap din pad iyan kayi to sulud to timpulu ka mo otow no kono nu hudiyo, sagbuka nogpakabaglo to soin balaan nu lugar!
29
Inkagi ran soin su nigkita ran nu si Trofinonu matig-Efeso nu nigduma ni Pablo to Hirusalim, hoy nandan no si Pablo ka nig-alap to soin timpulu.
30
Hoy nasasow ka tibo no mo otow to Hirusalim hoy namalagoy kandan poondiyo to timpulu su’g dakopon dan si Pablo. Nigdakop dan hoy nigganas ran diyo to libwasan. Pogkapunga niglokoban dan ka gumawan to timpulu.
31
Himatayjon damn un purun, di nakarinog ka panguo to kasundaluhan to Roma nu nagulom-gulom ka mo ototw to Hirusalim.
32
Soini no timpu in-alap din ka mo kasundaluhan hoy ka mo kapitan hoy namalagoy pohondiyo yo lungsud diyo to mohon-in no mo otow. To pogkakita to mo otow, to kapitan hoy mo kasundaluhan, waro dan on badasi si Pablu.
33
No inparani ka kapitan hoy piggongonan si Pablu, nigkagiyan din no oghikotan to daruwa no kadena. Hoy nig-inso kandin ko hontow kandin hoy nokoy ka nahinang din.
34
Ka mohon-in no mo otow nangiyak no loin-loin ka tabak dan no iling dod ka duma. Tongod su ka kapitan kono ogpakakagi tongod su maholob amani, insugu kandin no uyanon si Pablu diyo to kuta.
35
To poggimuma diyo to hahahoran, in-onat kandin to mo sundalu tongod to pogbayjadbayjad to mo otow kandin.
36
Su ka so mo kootowan insunud kandan hoy nangiyak, "Ipadiyu kandin kanami."
37
To marani on si Pablu diyo to kuta, mig-ikagi kandin to kapitan, " Pwidi pakiglalag koykow?" Mig-ikagi ka kapitan, "Pakalalag ka to Griyigu?
38
Kono ko ba no Ihiptuhanon no pangulu dongan to mo insupak hoy in-alap diyo to mamingaw no banwa solod to 4,000 no log-on?
39
Migtabak si Pablu, "Sagboka kanak no Hudiyu no puun to Tarsu diyo to Cilicia. Diyo in-ugpo to sikan mahinungdanon no banwa. Oghangyu kanak koykow, tuhuti kanak no oglalag diyo to mo otow."
40
To inboggayan kandin to kapitan, migsasindog si Pablu hoy insinyasan ka mo otow no ogpoonong-onong. To inpoonong-onong o ka mo otow, miglalag kandin to Hibriyu no kinagiyan. Migkagi kandin,