¹ To nahagtong on ka samok, piglimud ni Pablo ka mo tumutuo, hoy ponga rin kandan dan soga nig pamilibilin on kandin, hoy nighondiyo to Macedonia. Nigbayjo daaa kandin to soikan no mo ugpoan hoy pigpangdansog din daan ka mo tumututo diyo. ² Hoy mighondiyo kandin to Grecia. ³ Hoy diyo pad kandin nig uugpo sulod to tatolu no bulan. Nanagana kandin to poghondiyo to Sirya so natagaan din no ka mo Hudiyo gogoynawaan kandin no og himatayjan. Koy naan niglibod kandin to nigbayja-an din diyo to Macedonia. ⁴ Si Sopater, nangluyjod daan kandan si Aristarco hoy si segundo no mo taga- Tesalonica; Si Gayo no taga- Derbe. si Timotiyo, hoy sin Tiquico hoy Trofimo, no taga-lalawigan to Asia. ⁵ kandan hoy migtagad kaniyo diyo Troas. ⁶ Hoy pogkaliwas to kaulogan to pan no waro patubo, nig doypag kog ligkat to Filipos hoy pogligad to lima no aldow, nakauma koy diyo to Troas hoy diyo koy pad nig uugpo to sungo semana. ⁷ Pogka sabado to karusilomi niglilimod koy oyjoy og tutugontugon koy to balaan no panihapon. Hoy ka mo otow nig panglalagan ni Pablo taman to to nga-on to marusilom so ogligkat on man kandin to igkarangob no aldow. ⁸ Mohon-in ka mo salong diyo to sinabong diyo to ampow no nig lilimuran doy. ⁹ To soikan no timpu si Eutico, no balobatu no nig pinuu diyo bintana. Tagood nig panlalag si pablo, mo kiohidhirogo on iyan nahirrugo kandin hoy noolog kandin diyo to tano ligkat to ika-tatulo no andana to baloy. Namatoy on kandin no piglalanting to mo otow. ¹⁰ Di niglono si Pablo hoy nigtikluod hoy nigkopkopan din si Eutico. Hoy migkagi kandin, "Kono kow og katalong so nabuwi pan kandin" ¹¹ Niglibod si Pablo diyo to ampow hoy inpupuripuri din ka pan hoy pigkoon din. Nigpakigkagiyan kandin taman to maranid og kabukas to soikan nig ongkoran din on kandan. ¹² Pig duma to mo otow si Eutico diyo to kandan hoy nangahulo kandan amana. ¹³ Nig hun-aa koy nig dohipag diyo to Ason oyjow og sagpitan doy si Pablo, so iyan man soini ka in tugontugon din kanami so nig bagtas man kandin to poghondiyo. ¹⁴ To pog tomo rin kanami diyo to Ason, pigpauntod doyon kandin hoy nigparayjon koy diyo to Mitilene. ¹⁵ Ligkat diyo nig dohipag koy hoy to igkarangub no aldow naka-una koy doyipag to Quio. Pogligad to songo aldow nakauma koy to Sano hoy to igkarangob mando no aldow nokouma koy mando to Mileto. ¹⁶ Goynawa ni Pablo no puli rog ligad to Efeso oyjow no kono kandin og katalogon diyo to probinsya to Asia; so og paragas kandin diyo to Hirusalim oyjow og mokouma to aldow to Pentikustis. ¹⁷ Tagood diyo pad si Pablo to Mileto pigpatogonan din ka mo panguu to Iglesya to Efeso oyjow og huluan kandan no og pakigkita kandin. ¹⁸ Pog datong dan, migkagi kandin, "nataga kow ko pigmuno ko to poggamit ka tibo no panawon ko tagood no kanak duma kaniyo ligkat to nahun-a no aldow pog-uma ko to probinsya to Asia. ¹⁹ Duma to dakol no pogpaubid hoy to mo luha, nig alagad a iling to sulugoanon to Magbabayjo, agad pad to mo malisod no nig uma kanak. Ligkat to madoot no himomoot to mo Hudiyo. ²⁰ Nataga kow no waro insokol ko agad nokoy no makabulig kaniyo, tagood nig panglalag hoy nanudlo a kaniyo to tangkaan to mo otow hoy duon to mo baloy now. ²¹ Pigpangnangonan ko ka mo Hudiyo hoy kono no mo Hudiyo to pogsumansuman to mo salo hoy poglibod diyo to Diyos hoy to pogtuo ki Hisus no Magbabayja ta. ²² Hoy kontoon, sinugo to Ispiritu Santo, og hondiyo a to Hirusalim hoy waro a nataga ko nokoy kag koyitabo kanak diyo. ²³ Ka natagaan ko rod so kanak pigpatahanan to Ispiritu Santo no to kara siyudad nig tatagad kanak ka pirisohan hoy ka mo samok. ²⁴ Di nasuman-suman ko ka kanak no kinabuhi no waro pulos basta so og kapunga ko ka mo himowonon no inbogoy to Magbabayjo no si Hisus kanak no pogpanglalag to Maroyjow no lalagonon to garasya to Diyos. ²⁵ 25 Nalooy ko kaniyo tibo hoy nalalagan kod kaniyo mayitungod to Gingharian to Diyos. Hoy nataga ad no kono kid makagkitaay pad. ²⁶ Koynaan to soini no aldow kagiyan ko kaniyo no waro hulos holos no ko duon konog kaluwas kaniyo, konaa now sonditi. ²⁷ So waro a nig ulong-ulong nig panglalag kaniyo to tood to Diyos. ²⁹ Bantayi ka kaugalingon now hoy ka tibo no magtutuo no in bilin kaniyo. Tanola now raan ka Iglesia to Diyus no naabin din pinabayjo to pogkamatoy to anak din. ²⁸ Nataga a no ko ongkod ad kaniyo, hondiyaan kow to mabulot no mo lobo, hoy warog lipasan daan no panungan to mo magtutuo. ³⁰ Doun hangkuwan pila no mo otow doon to pundok no mananad to ubat oyjow og kahanggat ka mo tumutuo no og duma on kandan ³¹ No pitow kow iyan hoy sumansumana duma to mo luha no insambagan ko ka kara sagbuka kaniyo maaldow hoy marusilom sulod to tatulo no tuid. ³² Hoy kontoon ig dihal kod kaniyo diyo to bulad to Magbabayjo duma to lalagon to kandin no garasya. Makapahiroson kandin hoy makabugoy kaniyo to mo panalangin no in tagana to tibo no kaot-otawon ³³ Waro a naayjat to salapi hoy bulawan hoy mo kinabo agad hontow. ³⁴ Kaniyo nataga kow no ka soini mo bulad ko nig unag to tibo no pigkinaanglan ko hoy to mo duma ko. ³⁵ To tibo no noymo pigpakita ko kaniyo no kinahanglan kanta og unag oyjow og bulig to mo malotoy duma to pogdoromdom to pigkagi to Magbabayjo no si Hisus, Amana bulahan ka og bogoy kuno dot og dawat" ³⁶ Pogkapunga kagiya soikan ni Pablo, nig panikluhod kandin hoy nig ampo hoy ka mo duma rin. ³⁷ Nig maninigow kandan tibo hoy nigkopkop kandin hoy nigharok to pog panamilit on. ³⁸ Nangatalong amana kandan tungod to pig pangkagi ni Pablo no kanad kandan og pokogkita hoy pig uyjoran dan kandin diyo to ogsakayan din.