1
To diyo si Apolos to Corinto, migbagtas si Pablo to lalawigan hantud nu nig-uma kandin diyo to Efeso. Diyo natumo rin ka pipila nu mo tinuonan.
2
Hoy in inso-an, “nakarawwat ko buwa to Ispiritu Santo to kan nigtuo kow?” Nigtabak kandan, “ waro koy nataga nu duon ma naan Ispiritu Santo?”
3
Nu si Pablo nig-inso kandan, “ Nokoy ma naan ka bunyag nu kaniyo nu narawwat?” “ Ka bunyag ni Huwan”
4
Nigtabagk kandan. Nu si Pablo nigkagi, “ ka bunyag ni Huwan para ru to sooyjow namuyjo to pasaylo hoy inpanulu-an din ka mo kaot-otawan to Israil nu kinangulan nu ugtuo kandan to ughondini sunod kandin nu iyan si Hisus.”
5
To pogkadinog dan to soin , inbunyagan kandan to ngaran ni Hisus nu Magbabayjo.
6
To duon inturongan ni Pablo to bulad din; nigsulod kandan ka Ispiritu Santo; nu Nigkagi kandan to loin nu ikagihonon hoy namatbat daan to lalag to Diyus.
7
Mo sampulu hoy daruwwa kandan ka otow
8
Nu nighondiyo si Pablo to sinagoga hoy sulod to tatulo nu bulan inpamatabatan rin ka kaot-otawan to waro kahaldok. Nakig-apuloy kandin hoy nigpasabot kandan to Gingharian to Diyus.
9
Di ka duma kandan waro nawoil ka pusung dan hoy waro nigtuo hoy niglalag to amroot diyo to tangkaan to mo otow moyitungud to dalan. Koy naan , nig-awwo si Pablo kandan hoy in-alap din ka mo tinounan hoy kara aldow nakig-apol kandin diyo to sinabong nu lilimoran ni Tirano.
10
Nigparayjon soin to daruwwa nu tuid tungod to soin ka kaot-otawan to lalawigan to Asiya, mo hudiyo hoy kono nu mo hudiyo, nakadinog to ikagaiyon to Magbabayjo.
11
Nighimo ka Diyus to mo kabulonganan pinabayjo ki Pablo.
12
Agad ka mo panyo hoy ka mo tapis nu ingamit rin in-alap diyo to mo nangaraluwan hoy nanga-ulian ka kandan nu mo dawo hoy namang-awwo ligkat kandan ka mo maroot nu Ispiritu.
13
Duon mo nanglu-og lu-og nu mo hudiyo nu mo ting-awwo to ko yawa.Niggamit daan kandan to ngaran to Magbabayjo nu si Hisus. Nigkagi kandan, “ To ngaran ni Hisus nu inlalag ni Pablo, awwo kow duon!”
14
Inhimo soun to pito nu mo anak nu lukos ni Esceva nu sagbuka nu panguo to pari to mo hudiyo
15
Di nigkagi ka yawa kandan, “Nokoila a ki Hisus hoy ki Pablo, Di hontow kow man?”
16
Ka otow nu insuluran migdusmol amana kandan nu maroso hoy naruog kandan tibo. Namalagoy kandan ligkat to baloy ran nu ko napalian warod mo kikinabo.
17
Ka tibo nu mo Hudiyo hoy ka kono’n mo Hudiyo to Efeso nataga to soin hoy nangahaldok kandan tibo, hoy indayjan dan amana lka ngaran to Magbabayjo.
18
Mohon-in nohimo nu magtutuo ka nanguma hoy nigpamatbat to mo inhimo dan nu maroot.
19
Mohon-in to mo salamangka ka nang-alap to libro dan hoy insilaban dan soin diyo to tangkaan to mo otow. Ka mo libro nigkantidan to kalimma-an nu libo (50,000) nu dipalata.
20
Tungod to soin nigmaruogon ka ikagiyono to Diyus
21
Punga to soin nu ponghitabo, dinumahan to Ispiritu Santo, si Pablo nig-agi to Macedonia hoy to Gresia hoy to nigpoilinh diyo to Hirusalim. Nu nigkagi kandin, “ Ligkat diyo, oghondiyoa to Roma.”
22
Koy naan inpohondiyo rin ka daruwwanu mo katabang nu si Timotiyo hoy si Erasto diyo to Macedoina no kandin nigpalinggaat to malugoy-lugoy diyo to Asiya.
23
To sooyjownu timpu doun dakol nu kasamok to Efeso moyitungod to Dalan.
24
Su duon sagbuka nu platero nu in ngaranan to Demetrio nu nighimi to mo maroyjo nu pa,ata to timpulu to diyusa nu si Dayananhoy nakasaloppi amana ka mo tarabahadur.
25
Koy naan inlimod din ka mo tarabahadur hoy inkagiyan’ “ Mo sulud, nataga kow nu ka kanta nu karoyjawan nigligkat to soin nu trabaho.
26
Nakita nuw hoy nadinog ka inhimo to soin otow nu in ngaran to Pablo. Nigkagi kandin nu ka mo diyus nu inhimo to mo otow kono nu tutuo nu mo diyus hoy mohon-in ka nahanggat kayi to Efeso hoy ka tibuok lalawigan to Asiya.
27
Koy naan ka kanta nu trabaho maroot nu ugpammingogon to otow. Hoy kono soindu ko kono apil daan ka timpulu to bantugan nu diyusa nu si Dayana kono un ugkapuusan hoy ogka-awwo un ka kabantog to diyusannu insimba to tibo kayi to Asiya hoy to tibo nu ingod."
28
To pogkadinog to mo otow nabulo amana kandan hoy nangulowoy, “ Gamhanan si Dayana to Efeso!”
29
Hoy ka kagulob niglugobto tibo nu siyudad. Nu si Gayo hoy si Aristarco nu mo taga-Macedonia nu mo duma ni Pablo to poghipanow, indarakop to mo otow hoy in-alap diyo to tiyatro.
30
Si Pablo iyan ugkaliyag nug pakigkagi to mo otow di inbalabagan kandin to mo magtutuo.
31
Pila to mo panguo to lalawigan nu mo sulud ni Pablo ka nigpa-alap kandin to balita nu nigkagi nu kandin oghondiyo to tiyatro.
32
To sikan nu timpu ka mo utuw nagkasasuw huy namangiyak hoy muhon-in to kandan waro nataga ko mani to niglilimod kadan diyo.
33
Nigtuo kandan nu si Alijandro iyan inlikatan to kasasuw tungud su kandinman ka inpakita to mo hudiyo diyo to mo otow.Nu si Alihandro nigkagi tu kaawangan diyo to mo otow.
34
Di to natagahan dan nu kono kandin nu Hudiyo, nig-ulaloy kandan sulud to daruwwa nu oras, “ Gamhanan si Dayana to Efeso!”
35
To kataposan, ka sikritaryo to lunsud nigpa-unong to mo otow. Nigkagi kandin, “ Mo taga Efeso! Ka tibo nataga nu ka Efeso iyan ka magbalantoy to timpulutu gamhanan nu si Dayana hoy to bato nu naulog ligkat to langit.
36
Waro ugmakahulus to soin, koy naan maroyjawa nuw ka goynawa nuw hoy kono kow ugkalanguti.
37
In-alap nuw soin otawa agad nu waro kandan nanakow to timpulu hoy wrro kandan mihliyan-liyan to kamta nu diyus.
38
Nu ko si Demetrio hoy ka mo trabahadurdin nigkagi to agad nukoy ki agad hontow , duon ugsumbungan ta nug hukman.
39
Di ko duon mo kasasow nuw, husayja nu soin.
40
Su ugkaamong-among ki to kagulob nu ogkohitabo kuntoon hpoy waro kawaang nu igbugoy to soin.”
41
Pogkatapos tog lalag to soin sikritaryo inpapo-uli din ka mo otow.