¹ Pongat soin nig-ongkod si Pablo to Atenas hoy nighundiyo to korinto. ² Diyo natumo rin si Akila, sagboka nu Hudiyo no na otow diyo to Ponto, nu sikan pad iyan nakaumaa ligkat to Italya duma rin ka asawa rin no si Pirisilya so sugo ni Emperador kalawjo no og paawbuon to Roma ka tibo nu mo Hudiyo. ³ Nanumbaloy to kandan si Pablo. So iling man ka inpamitow dan nu iyan ka og panghimo to baloy. Niglumon kandin nig-ugpo kandan oyjow og mokogduma kandan to kandan to tarabawo. ⁴ Kara aldow to poghimoloy nakig-apol kandin sulod to sinagoga oyjow ogkabig to mo Hudiyo hoy to mo Girego. ⁵ To pog-uma ni Silas hoy ni Timotiyo ligkat Macedonya, in ubos ni Pablo ka tibo din nu panawon to pogbatbat to maroyjow no balita. ⁶ In titigosan din diyo to mo Hudiyo no si Hisus iyan ka Mesiyas. To waro dan pogtuman hoy to pogliyan-liyan dan, inhiyab din ka abog to kinabo din hoy nigkagi, ku kuno kow og kaluwas, sayjop now soikan! Waro labut ko ligkat kuntoon og hundiyo ad to kuno nu Hudiyo. ⁷ Koynaan ka nig ongkod kandin diyo hoy nig ogpu to baloy to otow nu kuno no Hudiyo no in-ngaranan ki Tito Husto no nigtuo to Diyos. Ka baloy din kilid to sinagoga. ⁸ Si kirispo nu agalon to sinagoga nigtuo to Magbabayjo, duma ka tibo nu mo baloy. Mohon-in ka mo taga-korinto nu nakarinog to maroyjow nu balita ka nigtuo hoy inbunyagan ⁹ Sagboka nu marusilom ko sikan, pinabayjo to nosoilow, ka Magbabayjo nigkagi ki Pablo. So ka kanak nigduma a koykow. ¹⁰ Waro og makabinuang koykow so mohon-in ka mo taga kani nu nigtuo kanak. ¹¹ Koy naan ka nigpa ongkod si Pablo diyo sulod to sagboka nu tuig hoy tonga hoy inpanuluan din ka mo otow to lalag to Diyos. ¹² Si Galyo iyan ka gobernador to Gresiya, nigsagboka ka mo Hudiyo to pogdakop ki pablo hoy in-alap diyo to lugparanan. ¹³ Nigkagi kandan. soin nu otowa ka nanawag to mo otow to pogsimba to Diyos to paagi nu ogsupak to balaod ta ¹⁴ To ogkagi on purom si Pablo, nigkagi si Galyo to mo Hudiyo, ku og makasupak pad kandin to balaod to lunsod, ogbuligan ko purom kaniyo. ¹⁵ Di so moyitungod man naan to lalag hoy to mo ngaran hoy to mo balaod, kaniyo nu mo Hudiyo ka maroyjow nu husoy to soin. Kunaa og maka lugpad to soin mo butang!" ¹⁶ Hoy inpalibwas din kandan diyo to lugparanan. ¹⁷ Indakop dan si Sostines nu agalon to sinagoga hoy inkulata tangkaan to lugparanan. Di waro du diyo ki Galyo. ¹⁸ Ponga to sikan, nigpabilin si Pablo diyo to korinto sulod to mohon-in nu aldow duma ka mo sulod, hoy nig ongkod kandin hoy nig doyipag loyjod ki Pirisila hoy Akila pohundiyo to Sirya. To waro pad kandan nigligkat to Cencire, ig patabolog kandin tungod to panaad no inhimo rin. ¹⁹ nako-uma kandan diyo to Efeso ko hondo-i rin inbilin si Priscila hoy si Aquila, hoy nighundiyo kandin to sinagoga hoy nakig-apol to mo Hudiyo. ²⁰ Inhangyo kandin to mo otow no ogpa-ungkod diyo to malugoy no panahon di waro kandin nigsugot. ²¹ Di tu pog-ungkod din on nigkagihan di kandan " Di tu pog-ungkod din on nigksgihsn di kandan "Ku ogsugot ka Diyos, oglibod a hoy nigduhipag kandin ligkat to Efeso. ²² To pog-uma rin diyo to Sisarya, nighundiyo kandan to Hirusalim hoy inpanginso din ka Simbahan hoy nigparagas kandin diyo to Antiyukiya. ²³ Wa malugoy, nigligkat on kandin hoy nigbayjo to katanuan to Galasiya hoy Frigiya hoy inhurosonan din ka goyinawa to tibo no nigtuo. ²⁴ Duon sagboka no Hudiyo no in ngaranan ki Apolo no taga Alejandria nu nighondiyo to Efeso. Maroyjow kandin nog pangagi hoy ogtukma to kasulatan. ²⁵ Na anad kandin to pa pogpamatbat to Magbabayjo hoy to dakol nu karagu nigkagi kandin hoy nigpanulu to maroyjow mayitungod ki Hisus, Iyan naan, ka bunyag du ni Huwan ka natuonan din. ²⁶ Waro kandin nigduwa-ruwa no nigkagi diyo to sinagoga. To pogkadinog ni Pricila hoy ni Aquila ki Apolos in duma dan kandin diyo to baloy hoy inbatbatan to tutu-u nu pasabot to pogtulun-an to Diyos. ²⁷ To duon nakapalano si Apolos no oghundiyo to Grecia, ka mo nigtu-u to Efeso nigbulig kandin to pogsulat diyo to mo karumaan to Grecia oyjow ogdawaton dan kandin to pog-uma rin nakabulig kandin to dakol no mo otow no tungod to karojow tungod to karoyjow to diyos nohimo no mo tumuto. ²⁸ Naruog din to pakig-apol ka mo Hudiyo pinabayjo to malig-on din nu mo katarungan nigtitigos ligkat to kasulatan nu si Hisus iyan ka Mesiyas.