¹ Nigparayjon si Pablu to poghipanow diyo to Dirbi hoy to Listra diyo duon nig-ugpa no sagboka no tinuonan no nigngaranan ki Timutiyu ka kandin hoy sagboka no nigpalintutu-u no Hudiyu di ka amoy Griyigu. ² Pigdayjan si Timutiyu to tibong karumaan to Listra dow to Ikuniyu. ³ Ima ni Pablu nog karuma rin si Timutiyu koy naan inpatuli rin si Timutiyu nahimu rin ka soi so ka tibo no mo Hudiyu no nig ugpo diyoon namaan no Griyigu ka amoy ni Timutiyu. ⁴ To pogbayo dan to kalungsuran inbogoy dan to mo nigpalintutu-u ka mo lagda no nig kooyonan to mo apustulis dow to mo karakolan to simbaan diyo to Hirusalim dow inpatanan kandan to pogtuman to soi. ⁵ Koy na-an ka mo simbahan nigmaroson to pogtuo dow nigtimul ka mo kahon-inan matag aldow. ⁶ Nighondiyo kandan to tano to mo Frigiya hoy to Galasya dika Ispiritu Santu waro nig-uyjon kandan poggugud to guguron diyo to lalawigan to Asya. ⁷ Pog-uma ran to utlatan to Misia, oghondiyo purun kandan to lalawigan to Bitanya di inpaanan kandan to Ispiritu ni Hisus. ⁸ Koy naan nighondiyo kandan to Misiya hoy nigdayjon kandan to Troas. ⁹ To soykan nu karusiloman pinabayjo to sonoilaw, nakita ni Pablu nu ka sagboka no otow no taga Macedoniya no nigsasindog hoy nig-omow hoy nig ikagi, "Hondini ka to Maciduniya kandin hoy buligi koy." ¹⁰ Napunga ka sonoilaw ni Pablu. Nangandam koy to poghondiyo to Maciduniya. Hoy ogkasiguro noy no ka Magbabayja nig-omow kanta hoy to pogpanlalag to Maroyjow no Batbatonon to kaotawan diyo. ¹¹ Hoy nigligkat koy to Truas sakoy to linayagang sakayjanan dow nigloos to Samutrasiya dow to sundul nu aldow diyo to Niyapulis. ¹² Nigligkat diyo , nighondiyo koy to Pilipus, ka kinadakolan no siyudan to distrito to Masidoniya hoy kolonya dow to Roma nigtagaod koy pad to pila no aldow diyo to siyudad. ¹³ To aldow to poghimoloy , miglibwas koy to siyudad dow nighondiyo to ilis to woyig sog duromdom koy man diyo doon limuranan to mo hudiyu tibo to mopog-ampu.Nigpinnu-u koy hoy nakiglalag diyo to mo malitan dow nighimon diyo. ¹⁴ Sagbuka nighondiyo kanami soy kan si Lidiya nu taga-Tiatira no namaligyo to kinabo no malalab. Mahinaldokan amani to Magbabayja hoy to Magboboot, nigtukasan din ka kandin nu pusung para to pogkinaw-wo to lalag ni Pablu. ¹⁵ Pigbunyagan kandin hoy to tibo din no pamilya hoy nig-ikagi kanami. "Ko pogdomdom now no kanak ka Magbabayja hoy to pamilya ku, ugpaa kow kanak to pilan aldow." hoy nig-oyjon koy. ¹⁶ Sagbuka no aldow nighondoni tagood tog pailing kandan to dapit to ampuanan , intomo koy to sagbuka nu sugu-anon no malitan no insoloran to busow to goom to pogtagno to tumitirow tongod to kandin no mo agalon. ¹⁷ Nigsundul kandin ki Pablu dow kanami ka nig-ulaloy, "Ka soin mo otow mo sugu-anon to amani no halangdon no Magbabayja! Nigpanlalag kaniyo to lalag to kaluwasan." ¹⁸ Iyan soin pighimu solod to mohon-in no aldow taman tog koulingol on si Pablu dow niglingi kandin dow pigkagiyan ka Ispiritu, "To ngaran ni Hisu-Kristo libwas ligkat kandin." Dow niglibwas ka ispiritu kandin. ¹⁹ To duon on ka agalon to malitan nataga on kono on kandan makasoloppi. Pigdakop dan si Pablu dow si Silas dow pig-alap to hukumanan. ²⁰ Hoy to diyo kandan atubangan to talaghuhukom no Rumanhon ka mgo agalon to malitan nigkagi. "Ka soin mgo otowa mgo Hudiyo oglibog-libog kandan to kantan siyudad. ²¹ Nigpanulu kandan to mgo pogtulun-an no supak to kantan balaud. Hoy inbawalan ka mgo Romanhon to pog-ikol." ²² Nig-apil ka mgo otow to poglampos kandan. Hoy ningisi to mgo opisyal ka mgo kinabo ni Pablu hoy si Silas hoy insugo nog barasan kandan. ²³ Pogkaponga kandan barasi amanai intago kandan to pirisohan ²⁴ hoy insugo ka talagbantoy nog banggotan amani ka pirisohan Koynaan intago kandan to talagbantoy diyo to maholos no posina hoy piglogpisan to dakol no kayo kandan no mgo paa. ²⁵ To maranid on ka tunga to karusiloman si Pablu hoy si Silas nig-ampu hoy nigkanta hoy mgo nigdayjan diyo to Magbabayja. Hoy naminog kandan ka duma no piniriso. ²⁶ Hongkuwan to nohignoli niglinog to mahagbot nog kauyjog amani to pantawan to karsel hoy nangatukasan ka tibon gumawan hoy nanatangtang ka mgo sagikalo to to tibon piniriso. ²⁷ Nakabulat ka sinaligan to karsel hoy to pogkapitow rin nangatukasan on ka gumawan, nakahondoon kandin to nakasibat on ka tibon piniriso. Koynaan inhusod din ka kandin no kalis sog ugot on kandin. ²⁸ Di nig-olaloy si Pablo, "Kono kag ogot so soin koy ro!" ²⁹ Ka talagbantoy to karsel namoyjot salong, hongkowan nigsolod kandin nigpalagoy hoy nigluhud no nigpamidpid ka paa ni Pablu, hoy si Silas, ³⁰ hongkowan kandan inpagola kandin hoy inpanginso "Talahuron, nokoy naan ka koddi nog himowon para koddig kaluwas?" ³¹ Kandan nigtabak, "Tuu kat Magbabayja no si Hisus, hoy kaluwas ka hoy tibo no no pamilya." ³² Hongkowan kandin ka tibon sakup to kandin gipulon inlalagan to lalag to Magbabayja. ³³ Nahon-a no timpu to karosiloman innasnasan to sinaligan to piniriso ka kandan mgo pali: hoy inbonyagan dajon hoy ka kandin gipolon. ³⁴ Hongkowan inparan si Pablu hoy si Silas to kandin baloy hoy inpakoon. Noholo kandin to ka kandin gipolon, so kandin nigtuu on man to Magbabayja. ³⁵ To pogkapawo ka mgo talaghuhukom to Romanhon insugo to mgo opisyal ka kapolisan to oglokaan si Pablu hoy si Silas. ³⁶ Di inpamaan to saliganan to pirisohan si Pablu hoy si Silas nogpalokaan kandan to mgo talaghuhukom, hoy nog makalibwas on kandan. ³⁷ Di nighondoon si Pablu to mgo otow, "Oyjow kon kanta waro salo. Hoy kanta on mgo Romanhong lunsoranon! Hongkowan inpasolod to pirisohan hoy kuntoon og lokaan koy no waro duma no nataga? Kono sikan ogkohimo! Kandan mismong mgo Romanhong talaghuhukom kinahanglan no moghondini hoy iyan ogpaluka kanami." ³⁸ Innangon soi to mgo opisyal to kapulisan diyo to mgo talaghuhukom, hoy to pogkarinog dan no si Pablu hoy si Silas mgo Romanhon diyot lungsoranan nangahaldok kandan. ³⁹ Di nighondiyo kandan hoy namojot pasaylo kandan. Hongkowan inpalibwas kandan to pirisohan hoy nighangyo to pog ongkod to siyudad ⁴⁰ Si Pablu hoy si Silas niglibwas to pirisohan hoy nighondiyo to baloy ni Lydia. Diyo nakigpitow kandan ka mgo karumahan hoy inbaghot kandan hoy hongkowan nigligat si Pablu hoy si Silas.