¹ Pegkepenga i Jesus te pegtulada doton te bontod, temopang se kandin aw medita se menge otaw emeking kandin. ² Aw doen sebad otaw nga dilikado se kandin men sakit te kindal aw migpadapag kandin aw limohod, minikagi sikandin, "Temamen, aw meibeg ka, mainang no se piggoli kenak te kenak ibong amon kitaen a nge melinis." ³ Nayan pig-ilam sikandin i Jesus aw pig-ikehan, "Ee, ibeg ko, melinis ka!" Aw dayon-dayon nagoli sikandin te kandin ibong. ⁴ Aw minikagi si Jesus kandin, "Ika den eg-ikagi te bisan sine tepad nini, delegka beling te pangolo te simbahan aw pengpetengteng ka kandin. Aw begayi se kamno halad tepad te insogo ni Moisis te pegpekita doton te menge otaw nge malinis kadon." ⁵ Nayan, te peg-ahop ni Jesus te lungsod te Kapirnaum, pigsongon sikandin te sebad ka kapitan te menge Sundalong Romanhon, negpeido-idoe ini nga minikagi, ⁶ "Timanem se kanak al-alang ineleg doton te balay. Eked den sikandin pekeiwal aw onto bag sikandin antos." ⁷ Minikagi si jesus kandin, "Ee, dotonan ko sikandin an golien." ⁸ Meneng temaba se Kapitan, "Timanem, kenaa angay megpedeleg kamno diya te kenak balay. Iikagi olo aw magoli se kenak al-alang. ⁹ Natagahan ko ini tongo kay siak nasakop man te pegmando te menge Opisyal, aw doen menge Sundalo heman nga sakup te kenak pegmando. Nayan aw negpunu a doton te sedad, 'Mipenew,' aw mipenaw sikandin, aw kon negpunu a doton te sebad, 'Diya ka,' aw domiya sikandin. Aw kon iden se kenak isogo te kenak al-alang, inangen din ini." ¹⁰ Pegkedineg i Jesuskani napela onto sikandin aw minikagi sikandin te menge otaw nga timaking kandin, "Wedad pegayed kinita ko nga otaw te Israel nga doen pegpemenal iling nini. ¹¹ Nayan eneng-enengi niyo ini! Madita se kena menga Judiyo lekat te bisan kenan bahin te kanayunan se mennoo doma ki Abraham, Isaac, aw si Jacob te pista doton te ogpaanan te Timanem. ¹² Meneng madita menge Israelinhon nga yan peden se mapil te ogpaanan te Timanem seni agbel te lowa, doton te kengit-ngitan aw doton megkelag dan aw meglenget-nget se kandan menge ngiden." ¹³ Minikagi si Jesus te kapitan, "Oli ka, aw metoman se kamno pigpemenalan." Aw kidoen dayon nagolian se al-alang te Kepitan. ¹⁴ Dimoton si Jesus te balay i Pedro, pegdaten din dotong, kinita din se ogangan bayi i Pedro nga minibat kay piglegenaw. ¹⁵ Inilam ni Jesus se kandin belad, aw kidoen-kidoen na golian sikandin. Minenaw bayon si kandin aw pigsilbihan din te kandin si Jesus. ¹⁶ Te megsiklep den madita menge otaw nga dinetengan te menge medaet Espirito se inibing doton ki Jesus. Se sebad din olo peg-ikagi timanan se menge medaet Espirito, aw piggon-gonan din se kelahat masakiten. ¹⁷ Ininang din ini amon metoman se inikagi ni Propita Isaias, "Sikandin olo se mengabot te kinitadeon menge masakiit aw naggoli te kinitadon menge balatian." ¹⁸ Nayan pegkita i Jesus te madita se menge otaw nga nagtipon libot kandin, minikagi si kandin te kandin menge pigtoladaan, "Matas kidon te lanaw." ¹⁹ Na, doen megtolodaay te punu se migpedapag kandin aw minikagi, "Magtutuladaay, tomaking a kamno bisen kenan ka doton." ²⁰ Minikagi si Jesus kandin, "Se menge iyalas nga toyang doen menge awang kaegpaan aw se menge manok kebenesan doen menge salag, meneng siak nga bata te otaw wedad sarili balay nga kenak keogpaan." ²¹ Doen pa sebad ka tinoladaan i Jesus nga minikagi, "Timanem, moli a pa ona amon te peglebeng te kanak amay." ²² Timaba si Jesus kandin, "Taking ka kenak aw kebeya i se menge patay nga meglebang te kandan menge nematay." ²³ Aw simakay si Jesus te balangay, aw timaking kandin se kandin menge pigtoladaan. ²⁴ Samtang simakay dan, kalit megkagsen se kelamag, aw iling den peden mabonbonan te dedakel menge baled se kandan balangay meneng timadogi si Jesus. ²⁵ Nayan dinotonan sikandin te kandin menge pigtoladaan aw pigloka minikagi dan, "Timanem, luwasi kay! Metelled kiden!" ²⁶ Minikagi si Jesus kandan, "Ngalay nalamitan kaw? Kulang se kenyo pegpemenal." Aw minenaw sikandin aw sinagda din kalamag aw se menge baled te pegteneng aw kidoen dayon megkelinaw. ²⁷ Napela dan onto se menge Tinelodaan aw minikagi dan, "Edon ba ini otawi nga bisan se kelamag aw sen menge baled tomolo man kandin?" ²⁸ Te pegdeteng dan dotonte dipeg te lanaw, te tepad te Gadarenhon, sinongo si Jesus te dowa ke otaw nga limowa lekat te menge langob nga kelebeng man. Siini dowa ke otaw pegdetengan te menge medaet Ispirito. Mabolot dan onto aw yan nalamitan se menge otaw nag mokit doton. ²⁹ Te pegkita dan ki Jesus mig-olangag dan, "Sikona nga Bata te Timanem, eden se kamno kelebetan kenami? Dimi ka ba dini amon selotan kay bisan kena a panahon?" ³⁰ Doton te mona doen madtaosa nga nanowal. ³¹ Nagpaido-ido se menge medaet Espirito nga minikagi, "Aw lalagen kay nikaw man tuguti kay dan nga mahop doton te menge osa." ³² Minikagi si Jesus kandan, "SIge Ipanaw!" Nayan megsilowa dan lekat te dowa ke otaw aw minahop dan te menge osa. Nayan kimahan se menge osa pasalo doton te keba, doton te wayeg aw nalemes dan. ³³ Kimades se menge egsagman te menge osa pasalo te longsod aw mig-indan-indan aw eden se magemakan te menge osa aw sendowa ke otaw nga pigdeteng de madaet Ispirito. ³⁴ Nayan se kelahat menge otaw te lungsod dimoton ki Jesus aw negpaido-ido nga tomanan sikandin te kandan ogpaanan.