¹ Penga te pegtolada ni Jesus niyan, minikagi sikandin te kandin menge Tinoladaan, ² "Neketaga-taga kaw den nge dowi sialdaw den olo aw domateng den se pista te peg-okit te Anghil aw siak nga Bata te Otaw ebigay den doton te menge otaw amon ilansang te krus." ³ Delem niyan negtipon heman se kedekelan te menge Pari aw te Pangolo te menge Judio doton te Palasyo ni Caipas, se Pangolong Pari. ⁴ Pighisgotan dan kon menonen dan pegdekop ki Jesus nga eked peketaga-taga se menge otaw, aw tepad peg-imatay kandin. ⁵ Minikagi din, "Eked tedon inangi ini te panahon te pista kay basi megkasamok se menge otaw." ⁶ Te delem doton si Jesus te lungsod te Bitanya, te balay ni Simon nga kanhi doen madaet masakit te kindel, ⁷ doen dimolod kandin nga se sibad ke bayi, doen inibing din daitek koden nga doen awop nag mapiya nedeg onto nga pahomot. Delem te kimaen si Jesus pigtoyongan se kandin olo te pahomot te bayi siyan. ⁸ Te pegkita nida te menge Tinoladaan naopal dan aw minikagi, "Nenga pigbatan din yan? ⁹ Ikebeliyu din peden yan te dakel nga kantidad aw se halin ibegay doton te menge pubri." ¹⁰ Netegahan i Jesus kon eden se kandan pig-ikagi, nayan minikagi sikandin kandin, "Nanga pigsamok niyo sikandin? Mapiya ini se kandin pig-inang kanak. ¹¹ Se menge pubri gayed niyo domaen, meneng siak eked niyo gayed domaen. ¹² Pig-olaen din te pehomot se kanak lewo para te peg-andam te kanak lobong. ¹³ Te pegkebenal, bisan kenan iwali se mapiya kagi te tibuok kanayonan, se kandin pig-inang kanak mebisgoten heman isip hendemanan kandin." ¹⁴ Nayan, se sebad te sempolo tegdowa ka Apostoles nga pig-ingedan ki Judas Iscariote dimoton te menge kedekelan te menge Pari. ¹⁵ Minikagi sikandin kandan, "Pila men se kenyo ibayad kanak kon ebegay ko kanyo si Jesus?" Pigbegayan si Judas te ketlowan kabuok kwarta nga pilak. ¹⁶ Lekat nida nemaha sikandin te higayon te pigbegay ki Jesus kandan. ¹⁷ Te mina eldew te pista te pan nge wedad patobo dimolod ki Jesus se kandin menge Tinoladaan aw nig-insa, "Kanak men se kamno ibeg nge meg-andam kay te penihapon te Pista te peg-okit te Anghil?" ¹⁸ Timaba si Jesus kandan, "Doton kaw te siyudad te Jerusalem, doton te otaw nga kenak ig-ikagi kanyo, aw ikagihi niyo sikandin, se maistru neg-ikagi nge demateng den se panahon nge sikandin imatayan. Megseolag sikandin dini te kamno balay te pista te peg-okit te Anghil doma te kandin menge Tinoladaan." ¹⁹ Pigtolo ini te kandin menge Tinoladaan, aw pig-andam den doton se panihapon alang te Pista. ²⁰ Te delem te pegsiklap den, nanihapon si Jesus doma te sempolo tegdowa ke Tinoladaan. ²¹ Delem te kimaen dan, minikagi si Jesus, "Te pegkebenal, ikagihan ko sikiyo nge sebad kanyo se megloib kanak." ²² Te pegdinig nia te kandin menge Tinoladaan nalaho dan onto aw negpatibos-tibos mig-insa kandin, "Timanem, kana siak inda?" ²³ Timaba si Jesus kandan, "Se sebad doma ka nge miglosek ta pan te seblag yan se migloib kanak. ²⁴ Siak nge Bata te Otaw imatayan somala te nasolat te kasolatan, meneng makaido-ido se otaw migloib kanak. Mapiya pa kandin nge weda sikandin tebaw." ²⁵ Nayan minikagi se maloiban nga si Judas, "Maistru, kena siak, inda?" Timaba si Jesus kandin, "Sikona se minikagi niyan." ²⁶ Delem kimaen den nengebat si Jesus te pan negpasiontong sikandin diya te Timanem aw an pigbala-bala din, pegkepenga inbegay din te kandin menge Tinoladaan aw minikagi, "Pangobat kaw aw kani, yan ini se kenakon lawa." ²⁷ Nayan nengebat sikandin te inamenen, negpasiontong te Timanem aw ibegay kandan nge minikagi, "Kedita niyo inom kaw kani. ²⁸ Tongod kay seini se dipanag ko nge in-ola amon pegwededan se menge sala te medita menge otaw. Seini se pemeokit nge doen dan kaling kasabotan te Timanem diya te menge otaw. ²⁹ Ikagihan ko sikiyo, eked a dan inom tada nini nge inemenen nga lekat te obas. Temen te aldaw nge minom a te kaling meteng te inemenon doma kenyo doton te gingharian te kenak Amay." ³⁰ Penge niyan kimante din te menge pegdeyan te Timanem, aw pegkapenga niyan dimoton dan te buntud te Olibo. ³¹ Minikagi si Jesus, "Seini delem kelahat niyo tomanan kanak, kay se Timanem minikagi te kasolatan, 'Imatayan ko se megtonggo aw megkebilit se menge karniru.' ³² Meneng penge te pegkeantay ko, mona a kanyo doton Galiliya.' ³³ Minikagi si Pedro ki Jesus, "Bisan pa se kalahat dan tomenen kenyo, siak eked onto!" ³⁴ Minikagi si Jesus kandin, "Te pegkebenal, seini delem, te eked pa pegkoleak se manok, ibolon a nikaw te meketelo." ³⁵ Timaba si Pedro, "Eked ko onto sikona ibolon bisan pa imatayan dan doma kamno!" Yan heman se inikagi te kelahat te menge Tinoladaan. ³⁶ Nayan dimotan dan tepad te pig-ingadeen te Gitsimani. Te pegdateng dan doton, minikagi si Jesus te kandin menge Tinoledaan, "Pannoo kaw dini delem megtawal-tawal a doton te monasida." ³⁷ Inibing din si Pedro aw se dowa ke bata ni Sibidi. Nelano onto si Jesus. ³⁸ Aw minikagi sikandin kandan, "Illing a te namatay te onto nalano, petanan kaw dini aw ika niyo egtedogi doma kanak." ³⁹ Nayan dimoton pa onto sikandin te mona, limohod sikandin aw negtewal-tewal. Minikagi sikandin, "Ama, kon meinang ika egpedeteng nini nge domateng kanak nge kalimahan. Menengkana se kanak ibeg se anay toloen kon kena se kamno ibeg." ⁴⁰ Te pegliko din doton te kandin talo ka Tinoladaan nasaban din dan nge timedogi, minikagi sikandin ki Pedro, "Kana ba onto kaw eked pegtadogi doma kanak bisan sebad olo ka oras? ⁴¹ Eked kaw tedogi aw pegtawal-tawal nge eked kaw kaibing te pegsolay. Ibeg te kanyo Espirito neg megtawal-tawal meneng melomay sa kanyo lawa." ⁴² Minipanaw si Jesus doton te mona aw negtawal-tawal, "Amay, kon keilangan senalahan ko ini nge kelimahan, yan se kamno ibeg yan se matomen." ⁴³ Pegkapenga limiko sikandin heman se kandin menge Tinoladaan aw nasabaan din heman nge timadogi dan kay ketedogihen dan onto. ⁴⁴ Pigtenanan den heman ni Jesus, minipanaw sikandin doton te mona aw migtawal-tawal. Ika telo din dan ini nge negtawal-tawal aw yan heman se kandin pigtawal-tawal. ⁴⁵ Nayan limiko sikandin doron te kandin menge Tinoladaan aw minikagi, "Nakatadogi kaw pa tada aw neg-atod? Tengtengi niyo! Yan dan ini se panahon nge siak se Bata te Otaw ibegay doton menge mededaet. ⁴⁶ Ayas! Tengtengi, seini dini se otaw nge migloib kanak." ⁴⁷ Telobo pa minikagi si Jesus, dimateng si Judas nge sebad ke sempolo tegdowa ke Apostolis, doma kandin se medita menge otaw nge nengibing te menge ispada aw menge bonelay. Pigsugo dan te kedekelan te menge Pari aw pangolo te menge Judio. ⁴⁸ Negsabot dan tapay se maloiban nge si Judas se menge megdakop ki Jesus kon a dan se kandan inangen nge pengilaan, "Se otaw nge kanak edekan yan se kenyo pinamaha, dekepi niyo sikandin." ⁴⁹ Nayan te pegdateng ni Judas, dimeleg sikandin doton ki Jesus aw minikagi,"Maistru, mapiya dele." Aw pig-adekan din sikandin. ⁵⁰ Minikagi si Jesus kandin, "Elew, pedelegi dan se kamno inangen kon eden se kamno indini dini." Pigdolat dan si Jesus aw pigdekep. ⁵¹ Sebad te menge doma ni Jesus mig-ogot te kandin ispada aw pigtigbas din se sologon te Pengolong Pari aw nekeleng se telinga nini. ⁵² Minikagi si Jesus kandin, "Likoi te pelengan se kamno ispada! Se meggemit te ispada heman mematay. ⁵³ Weda ka kadi pakataga-taga nge mekapamayo a te tebang te kenak Amay aw kidoen dayon peibingen a din te sempolo te tagdowa ke batalyon nge menge Anghil? ⁵⁴ Meneng kon inangen ko iyn, menonen men pegtoman te kesolatan nge seini kailangan mahitabo?" ⁵⁵ Penga niyan minikagi si Jesus te menge otaw, "Tolisan a kadi nge kinahanglan onto kaw mengibing kaw pa te menge ispada aw menge bonalay te pegdakep kanak? Aldaw-aldaw doton a te timplo nge negtolada, meneng weda a niyo dekepi. ⁵⁶ Meneng kelahat seini meinang amon metomen se insolat te menge propita diya te kasolatan." Nayan pigtenenan sikandin te kandin menge Tinoladaan aw kimadas dan kelahat. ⁵⁷ Inibing si Jesus te menege negdakep kandin doton ki Kaipas, se Pengolong Pari doton negtipon se menge megtotoladaay te punu aw se menge pangolo te menge Judio. ⁵⁸ Minawop heman si Pedro meneng madiyo sikandin ki Jesus. Minawop sikandin te dowengen te balay Pengolong Pari aw minonsad doton doma te menge megtonggo amon kitean din kon eden se meinang ki Jesus. ⁵⁹ Se kedekelan te menge Pari aw se kadita te sakop te osayanan te menge Judio nemeha te menge bolawan nge menge ibidensya batok ki Jesus amon ipeimatay den sikandin. ⁶⁰ Meneng bisan madita se dimolod aw minikagi te kabolalaw batok ki Jesus, wedad kinita den nge tindogehen amon ipeimatay den te kemodihan doen dowa ke otaw dimeled. ⁶¹ Aw minikagi an, "Dinineg day se otaw seini, minikagi, 'Meinang ka gobalen se templo te timanen seini aw awop te telo se eldew petindegen ko heman!" ⁶² Nayan timindeg se Pengolong Pari aw neg-insa ki Jesus, "Wedad ba ikataba nika nini nge menge indan-indan tepad kamno?" ⁶³ Meneng weda gyod taba si Jesus. Minikagi tada se Pengolong Pari! Ikagihi kay te sinalowan te Timanem. Eden sikona ba se Kristo nge bata te Timanem?" ⁶⁴ Minikagi si Jesus kandin, "Inikagi no dan aw ikegihan ko sikiyo, lekat seini kitaen niyo siak nga Bata te Otaw nga monsad te kawanen te metolos nge Timanem, aw kitean heman niyo siak kidoen te menge labon te kelengitan te kenak pegliko kwani dini te kanayonan." ⁶⁵ Te pedineg niyan te pangolong Pari piggisi din se kandin kelewasen te kaupal aw minikagi, "Neg-ikagi sikandin tepad te Timanem kana din kailangan se menge tistigo? Dinineg niyo se kandin inikagi tepad te Timanem. ⁶⁶ Eden se kenyo hukum?" Timaba dan, "Angay sikandin imatayan!" ⁶⁷ Penge niyan pigteptepan dan sikandin te bowa aw pisembeg doen menge nenempak kandin nge ⁶⁸ minikagi, "Kon sikona se Kristo, kon seno se negdepat kamno." ⁶⁹ Delem nanoo si Pedro doton te dowangen, doen dimolod kandin nge bayi. Allang sikandin te pangolong pari aw minikagi sikandin ki Pedro, "Kana ba doma kaman ni jesus nge tege-Galilea." ⁷⁰ Meneng imbolan ini ni Pedro sinelowan te kadita nge kidoen tepad minikagi sikandin, "Weda ko ketegehi kon eden si kamno inikagi." ⁷¹ Penge niyan dimoton sikandin te doen tetekop, kinita in se lain den heman nge allang bayi, aw nekaikagi te menge otaw doton, "Seini otaw doma heman ni Jesus nge tege-Nasarit." ⁷² Imbolon den heman ini ni Pedro, minikagi sikandin, "Megsapa a nge weda ko kilalai se otaw pig-ikagi." ⁷³ Pegketebed-tebed dimolod ki Pedro se menge otaw doton aw minikagi, "Doma ka lagi ni Jesus, kay kilelean te kamno inikegihan nge iling kandin." ⁷⁴ Meneng megsapa onto si Pedro nge minikagi, "Bisan matay a pa, weda a gyed kilala te otaw nge kenyo inikagi." Penga niyan migkolaek dayon se manok. ⁷⁵ Aw neeneng-enengen ni Pedro se inikagi ni Jesus kandin, "Te eked pa se pegkolaek se manok, ibolon a nikaw te makatelo." Nayan limowa sikandin aw kimeleg onto.