¹ Timprano pa onto te pegke-aldawan niyan neghisgot se kelahat kedekelan te menge pari aw se menge pengolo te menge Judio aw menonen dan pegpengematay ki Jesus. ² Ginapos dan sikandin aw inibing doton ki Pilato nga gubirndur amon itugyan doton kandin. ³ Te pegketaga-taga i Judas nga megloib nga si Jesus peghukman din nga imetayan, pegbasolan din se kandin serili. Dimolon sikandin te kedekelan te menge pari aw te menge pangulo te menge Judio amon iuli din se 30 ke buok nga pilak. ⁴ Minikagi sikandin, "Nekesala tepad kay egtugyan ko kenyo se otaw nge wedad sala." Timobog dan, "Eden se labet day? Kamno yan te tolobagon." ⁵ Peg-agbel i Judas se kwarta doton te dalem te templo aw limowa sikandin megkelag aw neg-iket te lieg. ⁶ Inimon te kelangkawan te menge pari se kwarta aw minikagi, "Siini se kwarta eked kepoydi opi te penudlanan te balay te Timanem kay supak ini te kenita kesugoan siini se kwarta nga ibayad amon ipaimatay se sebad ke otaw." ⁷ Negkesinabot se kelahat nga sen kwarta ibayad dan te tana te menge eg-inang te kolon amon inangen dan lebenganan alang te menge langyaw. ⁸ Lekat niyan hangtod siini pegngadanan se tana nga nebeyadan dan te, 'Tana nga dipanog.' ⁹ Sidekey nehitabu netoman se pegtagna ni Propeta Jeremias nga minikagi, "Inabat dan nga 30 ka buok kwarta nga pilak. Se kentidad nga pegkeuyunan te menge keliwat ni Esrael nga ibayad kandin, ¹⁰ se kwarta pegbayad dan te tana nidekey eg-inang te kolon yan se egsugo kanak te Timanem." ¹¹ Aw yan, na yan se inibing dan si Jesus atubangan i Pilato peg-insa sikandin i Pilato, "Kamno ba se hari te menge Judio?" Timobag se Jesus, "Inikagi nikaw din." ¹² Meneng weda sikandin tubag te menge indan te kalangkaw te menge pari aw te menge pangulo te menge Judio. ¹³ Nayan minikagi si Pilato kandin, "Ngalay man eked ka tubag te kandan indan batok kamno>" ¹⁴ Weda lang peman tubag si Jesus, nayan netingala onto se gubirnadur. ¹⁵ Naanadan te gubirnadur nga te matag Pista te Okit te Anghil begayen din te kegewasan ang sibad ke pegkelebaso nga hangyoen te menge otaw nga peluwaen. ¹⁶ Nidekey panahon doen sebad ka inial nga pigkelebaso nga pigngadanan ki Barabas. ¹⁷ So nayan migtipon se menge otaw, neg-insa ki Pilato, "Sine se kenyo ibeg nga kank bagayan te kegewasan, se Barabas ba aw si Jesus nga pegtawal nga Kristo?" ¹⁸ Netagahan i Pilato nga saol olo se menge kalangkawan te rilihiyun ki Jesus, yan se peg-indan dan si Jesus kandin. ¹⁹ Se nennoo si Pilato te kandin bangko nga sikandin manghukum, simogo se kandin sawa nga ikagihan, "Ika egpengelabet te metinunu nga otaw kay tidelen nesamok a tepad te kanak teg-inep tepad kandin." ²⁰ Meneng se pig-inang te kalangkawan te menge pari aw te menge pangulo te menge Judio, peghonghogan dan se menge otaw nga si Barabas se kandan ihangyo nga buloyan si Jesus se ipaimatay. ²¹ Nayan mig-insa gubirnadur, "Sine te duwa siini se kenyo ibeg nga kanak bagayan te kagawasan?" Timobog dan, "Si Barabas!" ²² Minikagi si Pilato, "Na eden man se inangen ko siini ki Jesus nga tinawal nga Cristo?" Timobag se kelahat, "Ilansang sikandin te krus!" ²³ Mig-insa si Pilato kandan, "Ngalay eden lay se sala neinang din?" Meneng pegpekagsen dan pa gayed se meg-olangag, "Ilansang yan te krus!" ²⁴ Te pegkita ni Pilato nga wedad meinang din basi aw masamok se mga otaw, migpaabat sikandin te wayig aw mig-unaw sikan atubangan te menge otaw. Minikagi sikandin, "Wedad kelebetan te kemetayen te otaw siini, kenyo yan tolobagen!" ²⁵ Timobag se menge otaw, "Kanami aw se kanami menge mengeyse se tomabag te kandin kemetayen!" ²⁶ Nayan pigbuluyan i Pilato si Barabas. Meneng si Jesus pigpelatos aw pigtugyan din te doton te menge sundalo amon ilansang te krus. ²⁷ Nayan inibing te menge sundalo si Jesus dan dalem te palasyo te gubirnadur, aw migtipon doton kandin se kelahat batalyon te menge sundalo. ²⁸ Piglowasan dan sikandin aw pigpesotan te kapa nga malalag. ²⁹ Aw mig-inang dan te kuruna nga tigisen aw pigsawol dan te olo ni Jesus. Pineawedan dan te kandin bibang nga balad se kayo isip kandin baston aw miglohod-lohod dan te kandin atbang amon pigtempeyes sikandin. Minikagi sikandan, "Malayat nga pedowan alang te mahal nga hari te menge Judio." ³⁰ Tinuptipan dan sikandin aw inabat se pinewedan din kayo aw pigbunal-bunalan se kandin ulo. ³¹ Pigluwas dan se kapa aw pigpepenga se kandan pegtompeyes, suotan dan peman te kandin saol. Nayan inibing dan doton te lowa amon ilansang te krus. ³² Te pelowa dan pa ulo te siyudad, doen nesongonan dan nga otaw nga pigngadan Simon nga tege-Cyrene, pinugos dan sikandin te alsa te krus i Jesus. ³³ Te pegdateng dan te ogpaanan nga tinawal dan nga Golgota (Nga pesabot ogpaanan te bagol-bagol.) ³⁴ Binegayan dan si Jesus te binu nga doen sagol nga mapait. Meneng te pegtilaw din nini, weda din inemi. ³⁵ Nayan ilansang dan sikandin te krus aw piglisi-isi dan se kandin saol. ³⁶ Penga nedekey nennoo dan aw pigtunggoan dan sikandin. ³⁷ Kidoen te lanto te kandin olo negsawol dan te keratula. Pigsulat dan doton se reklamo kandin nga minikagi, "Siini si Jesus, se hari te menge Judio." ³⁸ Doen peman duwa ke egpenulis nga piglansang duma i Jesus. Se sibad lenged te bibang ni Jesus aw sen sebad te kawanan. ³⁹ Se menge otaw nga minokit doton migkilingkiling nga nenginsolto aw ki Jesus. ⁴⁰ Minikagi dan, "Sikamno gaw se minikagi nga gubalen nikaw se templo awop te telo ke aldaw tindegen no peman, luwasi se kamno serili! Aw kamno se bata te Timanem tena kidoen te krus!" ⁴¹ Te unawa peman pigtompeyes peman heman tte kalangkawan te menge pari, menge megtulada te kesuguan, aw menge pangulo te menge Judio. ⁴² Minikagi dan, "Pigluwas din se doma. Meneng eked din keluwas se kandin serili! Kagi dan Hari te Israel? Aw tomena sikandin te krus, memenal ki kandin. ⁴³ Minikagi sikandin nga migsalig sikandin te Timanem yan tengtengen ta aw luwasen te Timanem, kay kagi din man bata ekon sikandin te Timanem!" ⁴⁴ Aw iling peman niyan se pegbiaybiay kandin te menge tulisan nga piglansang duma din. ⁴⁵ Lakat te alas-12 te aldaw, migkengitngit se keneyonan awop te telo ka oras. ⁴⁶ Pegke-alas tres te maapon mig-olangag si Jesus te magsen, "Eli, Eli, lema sabactani?" Nga pesabot, "Timanem ko, Timanem ko, nenga pigpesagdan a nikaw?" ⁴⁷ Se duma timindeg doton nga dimineg te kandin olangag minikagi, "Tinawal din si Elias!" ⁴⁸ Doen sibad ke otaw doton nga kimagnan aw nengabat te ispungha amon ituslo din ini te malaksing nga binu aw isawol din te toktok te kayo aw isongkit din doton te baba ni Jesus amon supsupen i Jesus. ⁴⁹ Meneng se duma minikagi, "Pesagdi sikandin! Tengtengan ta aw domateng ba si Elias amon megluwas kandin." ⁵⁰ Mig-olangag toda si Jesus te magsen aw nebugtoan diritsu te pedowan. ⁵¹ Te iling peman kenyan nga oras, nebela se tabil ton dalem te templo te Jerusalem lekat te lanto taman te ongan miglenog aw se menge bato nelebak. ⁵² Bisan se menge lebeng nebari medita nematay menge otaw te Timanem se nebuhi. ⁵³ Penga nebanhaw si Jesus limowa dan te kandan menge lebeng aw dimoton dan te balaan nga siyudad te Jerusalem aw medita nga menge otaw se kinita kandan. ⁵⁴ Se kepitan aw se kandin duma nga menge sundalo nga migbantay ki Jesus nelemitan gayed so nekebantay dan te peglinog aw te kimita dan te nehitabu. Minikagi dan, "Benal kedi nga bata sikandin te Timanem!" ⁵⁵ Doton te mediyu doen medita menge baye nga timengteng te nehitabu kandan se egsunod aw megsagman ki Jesus lekat pa te Galliliya. ⁵⁶ Pigduma dan s Maria nga taga-Magdala, si Maria nga inay si Santiago aw si Jose, aw se sawa ni Sibidi. ⁵⁷ Te pegkemaapon niyan doen dimateng nga sibad ke mayaman nga otaw nga tege-Arimatea. Jose se kandin ngadan aw Tinoladaan heman i Jesus. ⁵⁸ Pigdotonan din si Pilato aw pigpemuyu din se nematay nga lawa i Jesus. Nayan migmando si Pilato nga ibegay ki Jose se lawa i Jesus. ⁵⁹ Inabat i Jose se patay'ng lawa i Jesus aw pigpelebedan din te kaling penekten nga meputi. ⁶⁰ Doen kaling nga lebenganan si Jose nga tabag pigsawol te masandig nga kandin pig-inang alang te kandin sarili, doton din plastari se patay'ng lawa ni Jesus. Nayan pigligid din se dakel bato amon te pegsirado te lubangan te lebenganan. Penga niyan nesayo sikandin. ⁶¹ Migpetanan doton si Maria nga tege-egpengebing aw se sibad pa ki Maria. Nennoo dan aw migpasalo te lebeng. ⁶² Te pigkaaldawan niyan, aldaw edekey te sabado, dimoton se kalangkawan te menge pari aw menge Pariseo ki Pilato. ⁶³ Minikagi dan, "Halangdon nga Gubirnador, neaneng-anengan dayu nga te buhi pa sidekey tigpahisalaag, minikagi sikandin nga mabanhaw maantay akon sikandn pigkepenga te telo si aldaw. ⁶⁴ Nayan mepiya baling pibentayie pitonggoi se lebeng awop te telo patay'ng lawa aw yan mig-indan kay te menge otaw nga neantay sikandin. Aw kon mehitabo ini, se kandan pegpenglimbong meinang onto medaet pa kay te mona." ⁶⁵ Minikagi si Pilato kandan, "Doen menge bantay niyo pitonggoi niyo sumala te kenyo netagahan." ⁶⁶ Nyan dimoton dan te lebeng, aw pigsolan dan te timailhan se tetakep te lebeng amon ketegahan dan aw doen meg-owal nini. Nayan pigpetonggoan dan peman ini.