¹ Nayan te aldaw siyan se peglowan te Timanem te sempolo ke menge laga nga nengebing te kandan menge solo amon somongon te maama. ² Se tima nengibing aw se doma heman lima nenaebing te aneng beneng. ³ Se lima nga kepoyen nengebing te kandin menge sulo, meneng weda dan pengebing te lain lana amon edugan aw maamin se lana te kandan solo doen ike dugan dan pa. ⁴ Se menge laga nga mepiya aneng-aneng nengibing peman te kandan solo aw nengebing dan pa peman te dugan nga lana. ⁵ Kay tongod nenamay se maama nepilot aw neketedogi se kalahat dan. ⁶ Se medalem den demen doen meg-olangag, 'Demating den se maama! Ayas kaw sonongon tadon.' ⁷ Se sempolo ke menge laga menenaw aw meg-andam te kandan solo. ⁸ Aw yan se menge laga nga kepoyen minikagi te menge mepiya aneng-aneng, 'Begaye kay te kenyo lana kay kepedengan den se kanami solo.' ⁹ Meneng timubag se mepiya aneng-aneng, 'Eked kay pemegay kay aw memegay kay eked ketepad se lana, doton kaw den te tenda pemayad.' ¹⁰ Te peglekat dan amon memayad te lana yan paman se pegdeteng te maama te lima mepiya aneng-aneng timaking kandin se hikay te peg-awop dan pegtakop ayas se lobangan. ¹¹ Pegkenamay-namay dimateng heman se lima ke menge laga nga nemayadte lana, timawal dan, 'Sir, sir, paopi kay.' ¹² Meneng timobag se maama, 'Weda kay kilala kenyo.' " ¹³ Yan minikagi si Jesus, "Nayan se doen nga kailangan gayed kaw pegtagana kay weda gayed katagahi aw eden eldawi aw orasi se pegliko ko." ¹⁴ Minikagi si Jesus, "Se peglowan te Timanem iling te sebad ke otaw nga agpet den domoton te nge ogpaanan. Nayan pigtawal din se kandin menge sogoenen aw imbegay kandan se kandin kuwarta amon tenda dan. ¹⁵ Se meteg-sebad kandan pigbegayan din tepad te kanda kebiyasa te pegpeninda, se sebad pegbegayan din te luma, malalan, se sabad, dowa, malalan, aw se sebad binegayan din te sebad malalan, anyan minesayo sikandin. ¹⁶ Sogoenen na nekedawat te lima, malalan pagnigusyo dayon aw timabo, sikandin te lima, malalan. ¹⁷ Nayan heman se peg-inang te binagayan te dowa, malalan, timobo peman se kandin duwa, malalan. ¹⁸ Meneng se binegayan te sebad, malalan, nisayo aw peglebong din te tana se kandin kuwarta nga pigbegay te kandin amo amon inigusyu. ¹⁹ Te kenamayan limiko se kandan amo aw pigtawal din se kandin menge sogoenen amon megbelansi dan te kandin kuwarta nga pigpiyal kandan. ²⁰ Se sogoenen nga nekedewat te lima, malahan migpedapag aw nimegay te kandin, 'Amo te luma, malalan nga kepital apil se lima. Malalan nga tubo. Minikagi sikan, 'Sir, pigbegayan aman nikaw te lima malalan? Siini temobo din peman se lima malalan.' ²¹ Aw minikagi se menge amo, 'Mepiya ka nga sogoenen! Kepiyalan ka! Aw niyan kay kepiyalan kaman aw mepiya mengibing te deitek nga kentidad. Nayan piyalan ta te dakel onto nga kentidad. Ayas, meglipay ke dowa ke!' ²² Se sogoenen nga nekedwat te duwa, malalan migpedapag peman. Minikagi sikandin te amo, 'Pigbegayan aman nikaw te heman nedekey te duwa malalan? Siini, timobo din peman te duwa. Malalan!' ²³ Minikagi ang amo, 'Mepiya nga sogoenen! Keseligan ka! Aw tepad niyan keseligan ka aw mepiya mengebing te deitek ng kantidad. Nayan piyalan ta te mas dakel pa onto nga kentidad. Ayas, meglipay ke duwa ke!' ²⁴ Migpedapag heman se sogoenen nga nekedawat te sebad, malalan, minikagi nga, nataga-tagaa nga mebolot ka aw wedad aw keido, kay egpingabat ka te piglegani nga kena kamno se negtanen aw egpengebat ka te tobo te pighagoan te duma. ²⁵ Nayan nelimitan a, aw peglibing ko din beling se kwarta, siini iliko ko ini.' ²⁶ Minikagi se kandin amo, 'Midaet ka aw takehen nga sogoenen! Natega-taga ka man nga egpengabat a te piglegani bisan kana kenaken se megtanem aw egpengabat a te tobo nga pighagoan te duma. ²⁷ Pigbangko nikaw piden se kwarta amon pigliko ko maabat ko apil se kandin tobo. ²⁸ Aw minikagi se duma nga menge sogoenen, 'Aw yan abati niyo se kandin kuwarta aw begaye te sogoenen nga doen sempolo, malalan. ²⁹ Kay se keseligan be=igayan te dakel amon megkedakel pa se ibegay kandin,meneng se kaha keseligan, bisan deitek se ibegay kandin abaten din pa. ³⁰ Se sogoenen nga wedad kekemowan iagbel doton te luwa, doton te kengitngitan, amon negkelag sikandin aw megyangget-yangget se kandin menge ngipen.' ³¹ Aw kanak se Bata te Otaw domateng nga mikagi nga hari, tinekingan te midita Anghil, mennoo a kwani te trono nga harianon. ³² Se kedita otaw te kolibotan pegtiponen ko amon meg-atobang kanak, aw yan lahien ko sikandan te duwa ke iling te ininang megbantay doton te menge karniro aw menge kambing. ³³ Se menge otaw nge negesunod kanak isawal ko diya te kanak kawanan, aw se menge otaw nga weda pegsunod kanakisawol ko diya te bibang. ³⁴ Se kagi te hari, minikagi a te menge otaw te kanak kawanan, 'Kenyo nga pigpenelanginan te Timanem nga kanak amay, angkoni niyo se gingharian nga pig-andam alang kenyo lakat pa te inang te keneyonan. ³⁵ Pengkey binallos a pinekaen a niya, aw te nelao a pineinom a niyo, pengkey neinang a langyaw pinedeleg a niyo te kenyo balay, ³⁶ pengkey odad kelewasen ko pigbegayan a niyo, pengkey ineleg a pigsagman, a niyo se pengkey pigkeleboso a piglaoy a niyo.' ³⁷ Nayan timobag se menge tarong nga kedoen te kanak kawanan, 'Timanem, kano ka day lay kinita nga binallos aw pinekaen, o nelao aw kanami pineinom. ³⁸ Kano da day lay kitai nga neinang ka langyaw aw pigpedayon te kenami balay, aw wedad kelewasen nga pinebeles? ³⁹ Kano ka day lay kitai nga ineleg ka aw pigkelebaso ka aw linauy?' ⁴⁰ Siak kagi nga hari, timobag, se benal, se pig-iang niyo nini doton te sebad ke medana ko nga menge kedowa, iling peman te inang ko peman niyo kenaken.' ⁴¹ Aw yan mikagi a te menge otaw nga kidoen te bibang ko, kadas kaw dini, kenyo menge tinoladaan te Timanem! Doton kaw te mediyo nga doen apoy pigtegilan nga wedad kipedengan amno egbilan ki Satanas aw te kandin menge Anghil. ⁴² Binallos a meneng weda a niyo pakakni, nelao a meneng weda a paineme. ⁴³ So nayan nainang a langyaw weda a niyo pedilegi te kenyo balay, wedad kelewasan ko weda a niyo pibelisi, te kanak peg-eleg aw pegkeleboso weda a ninyo atimana.' ⁴⁴ Aw yan tomobag dan, 'Ginoo, kano ka day lay kitai ng binallos, aw nelao, aw weda pedeyoni, aw wedad saol, aw inileg, aw pigkelebaso aw weda ika day telebani?' ⁴⁵ Aw siak iling te hari tomobag, 'Se benal, se weda ninyo talabani se sebad pinekemebaba ko nga menge kedowa, iling heman nga weda a niyo tabangi.' ⁴⁶ Aw siini menge Tinoladaan pekedasen aw silotan te wedad tinemanan, meneng se metinunu begayan te pedowan nga wedad tinemenan."