¹ Te panahun sida sei Herodes se nangibing te Galiliya dimineg tepad ki Jesus. ² Nayan minikagi sikandin kandin menge opisyal, "Sikandin si Juan nga mamonyagay. Naatay sikandin an se lekatan nga doen tolos din nga mag-inang te menge kapelahan." ³ - ⁴ Kadengan pa pigpedakop i Herodes si Juan tongod key pigkagihan din ini, "Supak te punu se kamno pakig-ogpa doma ki Herodiyas." Key si Herodiyas sawa man i Pilipi nga kadowa i Herodes. Tongod te pegdomot i Herodes aw pigkeleboso. ⁵ Ipaimatay peden i Hirudis si Juan, meneng nalemitan sikandin te menge Jdio tongod key pigkilala dan si Juan nga propita. ⁶ Pagdateng te aldaw te pegkeotaw i Hirodes, si mayaw se bata nga laga ni Hirodias alang te menge bisita nga timangbong doton, aw nalipay onto si Hirodes. ⁷ Nayan minikagi sikandin, "E,e pamoyo ka kenaken bisan edden, aw megsapa a nga onto ibegay diya kamno." ⁸ Te punun te kandin inay minikagi se laga, "Begayi siini kenaken se olo i Juan nga mamunyagay nga nekesawol te dakel sablag." ⁹ Te pegdineg nida ni haring Herodes nagol onto sikandin. Menneg tongod key makesapa man sikandin aw dinineg mismo te kandin menge bisita, nigsugod si kandin nga inaneng se pinamoyo te dalaga. ¹⁰ Pig-abis din se olo i Juan doton te presohan. ¹¹ Aw yan insewol dan diya te dakel seblag, se olo aw inibing doton te dalaga, aw inbegay human ini doton te kandin inay. ¹² Se lawa i Juan inabat te kandin Tinoladaan aw piglebeng dan. Pengan niyan, dimoton dan ki Jesus aw mig-indang-indang dan te nahitabo ki Juan. ¹³ Te pegkedineg nini i Jesus, semakay sikandin te balangay aw dimoton te awaaw te pegkadineg te menge otaw nga lekat te nagkalainlain nga menge lungsod nga si Jesus limekat den, minipanaw dan amon tolokonan sikandin. ¹⁴ Te pegtena i Jesus te balangay, kinata ding sa madita onto nga menge otaw. Naido onto sikandin kandan, nayan piggon din sa meng masakiten nga kandan inibing doton. ¹⁵ Te maapun den, migpapag kandan se kandin menge Tinuladaan, minikagi dan, "Agpet den sumal-ep se aldaw, aw dini kedden dini te awa-aw. Padotoni don se menge otaw doton te menge baryu amon mekebayad dan te kandan makaen." ¹⁶ Minikagi si Jesus kandan, "Eked den dan kailangan nga padotonan dan pa. Se keyo mismo se mamegay kandan te pegkaen." ¹⁷ Timaba dan, "Doen ke olo lima kabuok nga pan aw dowa ka ikan." ¹⁸ Minikagi si Jesus kandan, "Ibinge niyo diya kanak." ¹⁹ Pigpapanoo din se menge otaw te sagbet nayan inabat din se lima ke pan aw dowa ikan, aw limengan sikandin te langit aw nagpeselamat sikand te Timanem. Nayan pigbelabela din se menge pan aw inibegay doton te kandin menge Tinoladaan aw pigbahin-bahin dan ini te menge otaw. ²⁰ Nekekaen dan kelahataw nabesog. Pengan nakakaen se kelahat pigtipon dan se menge sama, aw sempolo pa tagdowa ka been se napenu. ²¹ Menge lima ubo gyod ke menge meama se nekekaen, wadad pa labot niyan se menge bayi aw menge mangese. ²² Pegkepenga niyan, pigsugo i Jesus se kandin Tinoladaan nga sumakay te balangay aw monadoton te dipeg dalem niyan impauli din se menge otaw. ²³ Se nekelekat den se menge otaw timikedeg si kandin nga sebad din olo doton te bontod amon magtawal-tawal nadeleman si kandin doton. ²⁴ Sidekey nga panahon se balangay nga pigsakayan te kandin pigtinoladaan doton den te tenga-tenga te lawod aw pigkoso-koso te menge baled, tongod kay nasongon dan se kelamag. ²⁵ Iselem den silang dimoton si Jesus kandan nga minipanaw lanto te wayeg. ²⁶ Pegkita te kandan menge Tinoladaan nga doen minipanaw te lanto te wayeg nalamitan dan, aw nag-olangag, "Along!" ²⁷ Kidoen dayon minikagi si Jesus kandan, "Eke niyo egkelemitan, siak ini! Pegpekegsen kew!" ²⁸ Nayan minikagi si Pedro, "Timanem, kon sikona yan, pakidek ni a kedden kamno nga makaipanaw human te lanto te wayeg." ²⁹ Minikagi si Jesus kandin,. "E, e ayas ka!" Nayan timena si Pedro te balangay aw minipaw te lanto te wayeg pasalo ki Jesus. ³⁰ Meneng te peg-iman-iman i Pedro nga magsen kelamag, nalamitan sikandin aw hinayhinay sikandin lenek. Nayan mig-olangag sikandin, "Timanem, lowasi a!" ³¹ Ke doen dayon pig-awidan skandin i Jesus aw pigkegihan, "Kulan se kamno pegpumenal! Ngalay nagdowadowa kaman?" ³² Te pegsakay dan dowa te balangay timeneng se bayong se kelamag. ³³ Pigsimba sikandin te kandin menge pigtinoladaan doton te balangay nga mekeikagi, "Benal kedi nga sikona se Bata te Timanem." ³⁴ Te pegdateng dan doton te dipag, dimongod dan te Genesaret. ³⁵ Kinilala si Jesus te menge otaw doton aw pigpetagataga dan te kasikbit nga ogpaanan nga kedoen si Jesus. Nayan pinangibing te menge otaw se kelahat menge mesekiten doton kandin. ³⁶ Pighanyo dan si Jesus nga kon mapakey kandin sen menge mesekiten nga mag-ilam kandin bisan te toktok olo te kandin kalowasen aw sen kelahat nga nekeilam nagolian.