1
Te aldaw siyan, limowa si Jesus te baley aw dimoton sikandin kilid te lanaw aw minennoo doton.
2
Meneng tongod kay pigpelibedan sikandin te medita menge otaw, simakay sikandin te balangay aw minennoo amon te pegtolada. Se menge otaw kidoen te kilid te lanaw nenenalan te kandin intolada.
3
Medita se kandin intolada kandan pineokit te menge tegdeyanan minikagi sikandin, "Doen sebad ke memeolanay nga negsabog te beni.
4
Nesabog se doma nga beni te kilid te dalan, aw tinoktok ini te menge manok kebenesan.
5
Se doma doton kesabog te kebetowan deitek olo se tana nini, nayan weda kenamay timoba se beni.
6
Meneng nelanes ini te pegkelangkaw den te aldaw, aw nemata den ini tongod kay mebabaw se kandin dalid.
7
Se doma beni timobo diya te tana nga doen tigisen menge sagbeti meneng te pegkelambo te menge sagbet nebonbonan ini.
8
Se doma heman nga beni nesabog diya te mepiya tana, timobo aw nemongo se doma tama-tama olo se pongo se doma medita, aw se menge doma medita onto.
9
Sikeyo nga minenanalan, keilangan kelebetan niyo onto siini kenyo nedineg."
10
Aw dimolod ki Jesus se kandin menge Tinoladaan aw mig-insa, "Ngalay nekig-istorya ka te menge otaw pineokit te menge sembingay."
11
Timaba si Jesus kandan, "Se menge ineles tepad te peghari te Timanem inikagi kenyo te peokit nge melebetan niyo, menneg te doma weda ini ikegihi te peokit nga melebetan dan.
12
Kay se otaw nga meg-eles te kandin nedineg nga kebenalan begayan pa te pegpekelabet, aw medita oa onto se idogan kandin meneng se otaw nga wada peg-eles te kandin nedineg nga kebenalan, bisan se deitek din nelebetan, ebaten pa lekat kandin.
13
Nayan negeikagi a kandan pineokit te menge sembingay tongod kay timengteng dan meneng eked dan kita, aw minenenalan dan meneng eked dan pekelabet.
14
Nayan natoman kidoen kandan se inikagi te Timanem pineokit ki Propita Isayas, 'Gayed kaw nenennalan meneng eked kaw pekelabet. Gayed kaw timengteng meneng eked kaw kita.
15
Tongod kay magsen olo se menge otaw siini, sinempengan dan se kandan menge telinga, aw inlipedeng dan se kandan menge mata, aw bisi komita dan aw mekedineg, aw mekelabet aw domolod kanak, aw imendayan ko sikandan."
16
Meneng doen den keluba niyo menge temaking kanak, kag kimita kaw dimineg.
17
Se kebenalan, medita se menge propita aw metinene menge otaw kedengan nga ibeg komita aw mekedineg te kenyo kinita aw dinineg siini, meneng weda ini kehitabo te kan penahon.
18
Nayan, penelani aw ilingi niyo aw eden se kehologan te sembingay tepad te pegsabog.
19
Se nenenalan te kagi tepad te peghari te Timanem meneng weda pekelabet, neiling sidekey te kilid te dalan nga nesebogan te beni, dimateng si Satanas aw inagaw din se kagi diya te kandin pusung.
20
Se kebetoletowan nga deitek olo se tanan nga nesebogon te beni yan se otaw nekedineg aw kiminawa te kagi te Timanem te doen keluba.
21
Meneng kena ini lekat te pusung nayan wada tayod se kandin pegpemenal te pegdateng te kelimahan aw pegtanda tongod te kandin pegkinawa te kagi te Timanem, timanen sikandin te kandin pegpemenal.
22
Se tana na doen menge tigisen sagbet te nesebogan te beni yan se otaw nekedineg te kagi te Timanem, meneng tongod te ketetana te penginebuhi aw te peningkamut nga meketig-apo te kedonan, nelibelan din se kagi te Timanem na kandin dinineg aw weda ini pemongo diya te kandin kinabuhi.
23
Meneng se mepiya tana na nesebogan te beni yan se otaw nennalan onto aw nekelabet te kagi te Timanem. Nemongo onto se kagi te Timanem diya te kandin kinabuhi se doma tama-taman olo se pongo se doma medita aw se doma medita onto."
24
Migpedeleg si Jesus te kandin pegtolada te menge otaw pineokit te sembingay minikagi sikandin, "Se peghari te Timanem meiling te otaw na negsabog te mepiya beni te kandin tana.
25
Te dalem siyan, dalem te pegtedogi te menge otaw, se kandin keloban dimoton aw negsabog te awop te sagbet aw penga niyan minoli.
26
Timobo se Timanem, aw te pegpemoyo nini kinita nga doen menge sagbet kedi."
27
Nayan dimoton kandin se kandin menge sogoenen aw minikagi, 'Kena ba mepiya se beni se kenitadon insabog te kamno tana? Kenan lekat se menge sagbet?'
28
Minikagi se kandan amo, 'Se kelaban yan se neg-inanga kani, nayan neg-insa dan te kandan amo,' ogoten day ba se menge sagbet?
29
Timaba se kandan amo, 'Ika, i basi meapil meogot se menge Timanem.
30
Kebeyai niyo den taman te pegdateng te peglegani. Te peglegani sageen ko se menge meglegenihay te onaen peg-ogot se menge sagbet aw begkasen amon sonogen, pegkepenga, ipetipn ko kandan se piglegani doton te kanak pinsa."
31
Inikagihan din heman sikandan in te tegdayanan, "Se paghari te Timanem iling te beni te mustasa nga intanem te sebad ke otaw diya te tana din.
32
Se beni te mustasa yan se pinekedeitek onto te kelahat menge beni. Meneng aw tomobo den ini, seini se pinekemelangkaw te menge dolay, aw iling den te kayo se kandin kelangkaw, nayan se menge manok kebenesan mekeinang te salag kidoen te kandin panga."
33
Pigkegihan den heman sikandan te lain pa nga pesombingay, "Se peghari te Timanem me iling te pelebag nga insagol te sebad ke planggene se harina, aw pigmosa te baye, aw imebeg se kandin pigmasa.
34
Pineokit i Jesus te menge pesombingay se kandin pagtolos tepad te peghari te Timanem, wedad sikandin inikagi nga kena pineokit te pesombingay.
35
Kelonagen ini te inikagi te Tmanem, pineokit te kandin propita, ikagihen ko se menge botang nge weda pa palos ketagahi lekat pa te ikegihen ko se menge butang nge weda pa palo ketesahi lekat pa te peg-inang te keneyonan."
36
Penga niyan tinenanan i Jesus se menge otaw aw minawop sikandin te balay. Minawop heman se kandin Tinoladaan aw mig-insa kandin, "Indani kay kon eden se kehologan te sombingay tepad te sagbet."
37
Minikagi sikandin, "Se menge otaw nga negsabog te mepiya beni wedad lain kon kena siak se Bata te Otaw.
38
Se tana te pigsebogan yan se keneyonan, se mepiya beni yan se menge otaw nge negpesakop te peghari te Timanem. Aw se menge sagbet yan se menge otaw nga sakop i Satanas.
39
Si Satanas yan se kelaban kontra nga negsabog te menge sagbet. Se peglegani yan se keteposan te keneyonan, aw sen meglegenihay yan se menge Anghil.
40
Iling te menge sagbet ogoten aw pegkepenga sonogen yan heman se mehitabo te keteposan te keneyonan.
41
Siak se Bata te Otaw megpeibing te kanak Anghil amon igmesen limonen aw pelowaen lekat te kanak gingharian se kelahata nge neg-inang te medaet nga neinang linekatan te peg-inang te sala te doma.
42
Aw iagbel dan doton te apoy te impirnu aw doton megkelag dan aw megyangget-yangget se kandan ngipen.
43
Sen menge metinunu se meneng iling te aldaw doton te gingharian te kandan Amay keilangan kelebetan niyo se kenyo nedineg.
44
Se peghari te Timanem neiling heman te bolawan nga inlebeng kidoen te tana nga netelaan te sebad ke otaw se ininang din inlebeng din toda, aw minoli sikandin nga doen keleba. Pigbeligya din se lahat kedonan din aw bineyadan din sidekey tana.
45
Se peghari te Timanem neeiling heman te sebad ke nigusyanti nga nengemaha te mepiya mepiya perlas.
46
Te pegkita din te mepiya perlas, minoli sikandin aw imbeligya din se lahat din kedonan aw yan beneyad din sedikey pirlas.
47
Se peghari te Timanem neiling heman te pokot nga indagdag doton te dagat, aw negkelainlain se menge ika neabat.
48
Pegkedita te ikan awop te pokot piggoyod pesalo te kilid te inay, awyan minennoo se menge memokotay amon memali se mepiya ikan insaol dan diya te baskit, meneng se menge kena mepiya ikan inagbel dan.
49
Iling heman kani se mehitabo te keteposan te keneyonan domateng dini se menge Anghil amon tenihen se menge otaw eg-inang te medaet lekat te menge otaw metinunu.
50
Aw se menge otaw eg-inang te medaet iagbel doton apoy te impirnu aw megkelagdan aw magyangget-yangget se kandan menge ngipen."
51
Nayan neg-insa si Jesus kandan, "Nelabetan ba niyo se kelahat ko nge inikagi?" Timaba dan, "Oo."
52
Dimogang pa minikagi si Jesus, "Nayan se kada megtetolada se medita netegahan kebahin te peghari te Timanem neiling te balay nga medita telepagan diya te kandin solanan. Kay kena olo menge tapay se kandin intolada kon kena apil heman se kaling."
53
Penga negtolada si Jesus te tegdayanan siini, dimoton sikandin te kandin lonsod.
54
Negtolada sikandin doton dalem te sinagoga te menge Judio. Nepela se menge nekedineg kandin intolada aw negpeinsaay dan, "Kenana lay sikandin pekeabat kenyan nga kebiyasa aw tolos te peg-inang te menge kepelahan?
55
Kena lay bata olo sikandin te kerpintiro? Aw si Maria man se kandin Inay aw se menge kedowa din sikandan si Santiago, Jose, Simon, aw si Judas.
56
Kena ba dini man peg-ogpa se menge kedowa din bayi? Kenan lay sikandin pekeabat te kebiyasa siyan?
57
Nayan se doen nga eked dan pemenal kandin, minikagi si Jesus kandan, "Se propita pigsagman te bisan kenan gawas te kandin linekatan lonsod aw kandin pemilya."
58
Nayan weda peg-inang si Jesus te medita kepelahan doton kay eked dan man pemenal kandin.