¹ Sebad dekey ke panahon te aldaw te peg-etod, nakaokit dan si Jesus te baolan te Trigo. Binallos onto se kandin menge Tinoladaan, nayan kimetel dan te ohay te menge trigo aw kimaen dan. ² Te pegkita te dekey te menge Pariseo minikagi dan ki Jesus, "Tengtengi se ininang te kamno menge Tinoladaan aldaw te peg-atod siini aw supak te punun se kandan ininang." ³ Tinaba dan i Jesus, "Wadana niyu ke basa se kasulatan se ininang ni David so sikandin aw sen kandin menge doma binallos? ⁴ Minahop sikandin te baley te Timanem aw kinaen din aw sen kandin menge doma sen pan nga inbegay doton te Timanem. Wada dan pekesala bisan supak te punun se komaen dekey se menge otaw gawas olo te menge Pari. ⁵ Aw wada ba human niyu kebasa se menge insulat ni Moises aw sen menge pari te timplo negesupak te punun kada aldaw te peg-etod tongod kay wada dan peg-etod? Meneng wada dan pekesala. ⁶ Se benal din den se onto malakaw pa key te simbaan. ⁷ Key seiak se Bata te Otaw doen tolos te peg-ikagi kon eden se banal se inangen te aldaw te peg-etod. Aw kon natagahan niyu sen inikagi te Timanem te Kasulatan, 'Wada ko kelenahi sen kenyo menge inbegay,kon kenaw ibeg ko megpeidohay kaw te kenyo domaa otaw.' ⁸ Wada peden niyu pekesalai sen menge otaw nga wadad sala." ⁹ Pengendekey timanan si Jesus doton aw dimoton te sebad se menge simbahan te Judio. ¹⁰ Doen menge otaw doton nga sigkel sa belad aw doen menge Pariseo heman doton nga nanied aw nangemaha te pamaagi amon ikaindan dan si Jesus. Nayan nig-insa dan ki Jesus, "Intugut ba kedi sen peggoli te mesekiten te aldaw te peg-etod?" ¹¹ Timaba si Jesus kandan, "Meneng aw doen karniru niyu nga ndagdag te awang te aldaw te peg-etod. Eden man pesegdan ba niyu olo tongod key aldaw te peg-etod? Eked gyod! ¹² Meneng se otaw masampiya pa key te diya te karniru. Nayan wada ki pakasupak te punun aw kon tumabang ki te kenita doma otaw bisan pa te aldaw te peg-etod." ¹³ Aw minikagi si Jesus te otaw nga sigkel se belad, "Totlidi se kamno belad." Pigtol-ed din aw nagoli ini, aw mig-onawa den te dibaloy belad din. ¹⁴ Nayan limoa se menge Pariseo aw nag-aneng -aneng dan kon manonem dan peg-imatay ki Jesus. ¹⁵ Nayan pegketegataga i Jesus te aneng-aneng te menge Pariseo, timanan si kandin te lugar siyan. Madita se timakin kendin aw peggun din se kelahat masakiten. ¹⁶ Pigpunun an din dan nga eked dan ikagi doton te doma tepad kandin. ¹⁷ Katoman ini te inikagi Timanem pinaokit ki Propita Isayas: ¹⁸ 'Si ini se kenaken pinanalu nga alagad nadekelan ko te padowan aw nalaba a onto kandin. Detengan ko sikandin pineokit te kenak Ispirito aw ikagihan din se menge otaw te kalahat kanayunan tepad te pegketinunu.' ¹⁹ Eked sikandin pakigsalis te menge otaw, o mag-olangag ni dinegen kidoen te menge dalan se kandin kagi. ²⁰ Eked din pebeyai se menge malumay te pegpemenal, kay din se kelahat bisen daitet onto sen pegpemenal. Eked sikandin teneng hangtud matuman se menge sugo te Timanem. ²¹ Aw se menge otaw te kelahat keneyunan sumalig kandin." ²² Nayan doen inibing ki Jesus nga sebad ka otaw nga nabota aw naomo tongod key pegdetengan sikandin te medaet Ispirito. Peggoli i Jesus se otaw aw kidoen dayon minikagi ini aw kimita. ²³ Napla se kelahat, aw minikagi dan, "Sikandin lebo se bowad-bowad i Haring Dabid nga ka panig-apo te kandin gingharian?" ²⁴ Te pegpedineg te menge Pariseo minikagi dan, "Si yan nga otaw eglalag te menge madaet Ispirito tongod kay pigbegayan sikandin te tolos i Satanas nga si kandin se pangolo te madaet Ispirito." ²⁵ Nakatagataga si Jesus te kandan menge aneng-aneng, nayan minikagi sikandin kandan, "Kon se mnge nag-ogpa e sebad ke ogpaan magketenga-tenga siyan nga ogpaan magobal. Yan puman se mahitabo te bisan sinu nga lungsod o balay kon se menge nag-ugpa magkatenga-tenga. ²⁶ Nayan kon pinaokit te tolos i Satanas naglalag-a te kandin menge sakop, piggobal din olo se kandin kaugalingon nga ogpaanan. ²⁷ Aw kon se tolos i Satanas se kena piggamit te peglalag te menge madaet Ispirito, se man se, nagebegay te gahom te kenyo menge Tinoladaan nga negelala heman te menge medaet Ispirito? Se kenyo menge Tinoladaan mismo sebad ke mamatuod ngga nasayop kaw onto. ²⁸ Siini, tongod key naglalag a te menge madaet Ispirito pinaokit te Ispirito te Timanem, nagpakilala ini nga te pagpangolo te Timanem dimaten den dini kenyo. ²⁹ Se benal, wedad otaw nga makaahop te balay te magsen nga otaw amon te peg-abat te kandin menge kadenan aw gadosen din ona sen magsen nga otaw. Aw ken magapos din din, makaabat den sikandin kena kidoen nga balay. ³⁰ Se eked dapig kena, minato kenan aw sen eked pegtelaban kenan te pegtipon te menge otaw te Timanem tigpakadas olo. ³¹ Nayan kagihan ke sikeyo, aw sen bisan eden nga sala, bisen pa te peg-ikagi te medaet te ped te Timanem, mapasaylo, meneng te peg-ikagi batok te Ispirito eked gyud ke pesaylo. ³² Si besen sinu mikagi tepad kenak nga Bata te Otaw, Mapasaylo, meneng mikagi tepad te Ispirito Santo eked gyod ke pesaylo hangto te hangtod. ³³ Kon mapiya se kayo mapiya human se kandin pongo, kon madaet se kayo madaet human se kandin pongo. Se kayo kilalaen pineokit te kandin pongo. ³⁴ Menge bowad-bowad kew te mamokan? Aw tongod kay sikeyo madaet, manonem niyo peg-ikagi te mapiya? Kay kon eden se kidoen te kenyo pusung yan puman se lumowa te baba. ³⁵ Se mapiya nga otaw mikagi te mapiya, kay mapiya man se kandin pig-aneng-aneng. Meneng se otaw nga madaet mikagi te medaet, kay medaet man se kandin pig-aneng-aneng. ³⁶ Te pegkebenal, te aldaw te paghukom, se meteg sabad manobag te Timanem se kandin inikagi nga wadad kakamowan. ³⁷ Key pigbasi te kamno inikagihan kon ipalemen ka o eked." ³⁸ Aw doen menge magtotoladaey te punu aw menge Pariseo nga minikagi ki Jesus, "Magtotoladaey, pakitai key te kepelahan lekat te Timanem." ³⁹ Timaba si Jesus kandin, "Senyo menge otaw siini nga panahon onto madaet aw kena matinunu te Timanem. Namoyo kew te kepelahan, meneng wadad kepelahan ipekita kenyo gawas te kepelahan nga nahitabo ki Propita Junas. ⁴⁰ Iling si Junas telo si aldaw aw telo si Delem doton te dalem te getek te ikam, yan human se mainang kenak nga Bata te Otaw. Aw magpatanan-a ahop te telo si aldaw aw telo delem te dalem te tana. ⁴¹ Te aldaw te peghukuom se menge tege-Ninibi, naantay doma te menge otaw siini nga panahon aw basolen kew dan. key te pegkedineg te mengge tege-Ninibi kedengan te pegtulaha i Junas, nagselsel dan. Siini din den se labaw pa ki Junas, meneng wadad ke dawat te kandin intulada. ⁴² Te aldaw te peghukom maantay se rayna te piglabtakan te aldaw doma kenyo nga menge otaw siini nga panahon aw selsel kew dan. Key madiyo onto se kandin pigleketan amon olo manalan te kabiyasa i Haring Solomon. Si ini dini den se labaw pa ki Solomon, meneng wadad kew dawat te kandin intulada. ⁴³ Kon se madaet Ispirito lomawa lekat te otaw nga kandin pig-opan, magleged-leged ini te menge ogpaanan nga wadad wayeg tongod kay namaanan ini te ogpaanan nga kandin kaato dan, kon wadad kitaen din. ⁴⁴ Nag-aneng-aneng den si kandin nge lomiko den beling si kandin te kandin piglekatan aw te kandin pegliko kitaen din nga se kandin piglekatan wada nag-ogpa, maling aw mapiya den se pegkesawol. ⁴⁵ Mipanaw dayon si kandin aw mangibing si kandin te pito te Ispirito nga onto pa madaet key kandin. Mahop dan te otaw siyan aw doton dan pag-ogpa aw se pegkesawol te otaw siyan samot beling se kandin kadaet kay mona yan duman se mainang te menge madaet nga menge otaw siini, samot pe beling se kandan kadaaet." ⁴⁶ Nayan delem minikagi pa si Jesus, demateng se kandin inay aw kandin menge kadowa. Doton da te lowa pegtegad key doen ikagihen dan kandin. ⁴⁷ Doen sebad otaw nga minikagi kandin, "Se kamno inay aw menge kadowa nagtagad te lowa, ibeg dan makig-istorya kamno." ⁴⁸ Timaba si Jesus kandin, "Nategahan no ba ken sino se kenak inay aw menge kadowa?" ⁴⁹ Penga niyan intede din se kandin menge Tinoladaan aw minikagi, "Si ini den se kenak inay aw mengekadowa! ⁵⁰ Key bisan sino se nag-inang te ibeg te kanak amay doton te langit yan se kenak inay aw menge kadowa."